Ingeniaritza Termikoa irakasgaia Ingeniaritza Mekanikoko, Ingeniaritza Elektrikoko eta Elektronika Industrial eta Automatikako Ingeniaritza Graduak lortzeko beharrezkoa da. Bigarren mailako lehen lauhilekoan ikasten da, hiru titulazioentzako bateratuta.



Irakasgai honetan termodinamikaren eta bero-transmisioaren oinarrizko printzipioak ikasten dira, baita hauen erabilpena ingeniaritzako problemak ebazteko ere.



Ingeniaritza Termikoa ikasten hasi aurretik komenigarria da Ingeniaritzaren Oinarri Fisikoak ikusita izatea baita kalkulu eta aljebrako oinarri egokiak izatea. Dena dela, jariakinen mekanikako eta ekuazio diferentzialen kontzeptuak beharrezkoak direnean aurkeztu eta azaltzen dira.



Irakasgai hau Instalazio eta Makina Termikoak (Ingeniaritza Mekanikoko Gradua) irakasgaiaren oinarria da eta Jariakinen Mekanikarekin erlazionatuta dago, bere gaitasunak masa, energia eta entropia-balantzeak, sustantzia puruen propietateak eta beroaren transmisiorako oinarrizko mekanismoak izanez.

Irakasgaiak garatzen dituen gaitasunak honako hauek dira, irakasgaia ematen den hiru espezialitateetako bakoitzerako:



* Metodo eta teoria berriak ikasteko gaitasuna eta egoera berrietara egokitzeko moldakortasuna emango dieten oinarrizko gaien eta gai teknologikoen berri izatea.

* Arazoak konpontzeko gaitasuna, ekimenez, erabakiak hartuta, sormena erabilita, arrazoiketa kritikoaz, eta industria ingeniaritzaren arloan ezaguerak, trebetasunak eta abileziak komunikatzeko eta transmititzeko gaitasuna.

* Metodologia zientifikoaren berezko estrategiak aplikatzea: egoera problematikoa kualitatiboki eta kuantitatiboki analizatzea, hipotesi eta soluzioak proposatzea industria ingeniaritzako eredu propioak erabilita.

* Taldean modu eraginkorrean lan egitea, industria ingeniaritzako arloan erabakiak hartzeko.



Gehiago zehaztuz, irakasgai honetan garatzen diren trebetasunak honako hauek dira:



- Instalazio termikoak osatzen dituzten ekipo nagusien energia balantzeak modu arrazoituan aplikatu.

- Bigarren Printzipiotik ondorioztatutako tresnak erabiliz, ekipo eta instalazio termikoak aztertu, eta ondorioak interpretatu, energiaren aurrezte eta efizientziaren ikuspuntutik.

- Bero-transferentziako moduak identifikatu eta aztertu, eta bero-transferentziaren abiadura azkartu edo moteltzeko bideen inguruan hausnartu.

- Adierazpenerako modu desberdinak (grafikoak, taulak, diagramak, formulazioak) trebetasunez erabili, informazioa lortzeko edota emaitzak emateko.

Termodinamikaren funtsezko kontzeptuak.

- Aldez aurretiko ikasgaietan ikasitako termodinamikaren kontzeptuen errepasoa.



Termodinamikaren Lehen Printzipioa.

- Sistema itxietako energia-balantzea.

- Sistema irekietako masa eta energia-balantzeak.

- Egoera egonkorreko ekipoen azterketa.



Termodinamikaren Bigarren Printzipioa.

- Kelvin-Planck eta Clausius-en adierazpenak.

- Entropia. Unibertsoaren Entropiaren Handitze-printzipioa.

- Entropia-balantzea.

- Egoera egonkorreko ekipoen azterketa.

- Garrantzia teknikoa duten sistema ziklikoen azterketa.



Bero-transmisioaren oinarrizko kontzeptuak.

- Bero transferentzia eta termodinamikaren arteko lotura.

- Bero-transferentziaren oinarrizko moduen azalpen laburra.



Eroapenaren bidezko bero transferentzia.

- Fourier-en legea.

- Konduktibitate termikoa.

- Eroapenaren ekuazio orokorra.

- Aplikazioak.



Konbekzio bidezko bero transferentzia.

- Mugalde-geruza

- Mugimenduan dagoen ingurune baten bero-transferentziaren ekuazio diferentziala.

- Konbekzioa aztertzeko antzekotasun-teoriaren erabilpena.

- Konbekzio behartua. Konbekzio naturala.



Erradiazioaren bidezko bero transferentzia.

- Erradiazio termikoa.

- Gorputz beltza.

- Azaleren propietate erradiatiboak.

- Erradiazio bidezko azaleren arteko bero-transferentzia.

Klase Magistraletan gai bakoitzaren eduki teorikoa azaltzen da, gai horri buruzko galdera ezberdinak planteatuz. Eduki teorikoa barneratzeko, gelako praktiketan ariketa batzuk egingo dira, irakasleak ebatzita edo ikasle batek edo lan-taldean.



Laborategiko Praktikak saio batzuetan garatuko dira ikasturtean zehar. Praktiken gidoiak eGela plataformatik eskuratuko dira. Laborategira joan eta datuak hartu ondoren praktikaren emaitzak eta iruzkinak txosten batean aurkeztu behar dira, taldeka, epea aste 1 izanez.



Ikasleriak egin behar duen hirugarren ataza EES softwarea erabiliz problemak ebaztea da, ikasturtean zehar jarraituko diren Ordenagailu Praktiketan. Enuntziatuak eGela-n izango dira eskuragarri eta, saio bakoitzaren amaieran, ikasleek problema bat ebatzi eta aurkeztu beharko dute indibidualki kalifikatzeko.



Bestalde, tutoretza orduak kontzeptu teorikoak ulertzeko zein ariketak ebazteko orduan ikasleek izan ditzaketen zalantza pertsonalak argitzeko erabili ahal dira.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 70
  • Praktikak egitea (ariketak, kasuak edo buruketak) (%): 20
  • alde lanak (arazoen ebazpenak, proiektuen diseinuak) (%): 10

Garatu beharreko PROBA IDATZIA ariketez eta galdera teorikoz osatuta izango da eta azken notaren %70a balioko du. Ikasgaia gainditzeko proba idatziaren %40a lortu beharko da. Minimo honetara heldu ezean, aktetan proba idatziaren nota agertuko da.



AZKEN NOTA: PROBA IDATZIA (%70) + LABORATEGIKO PRAKTIKAK (%10) + ORDENAGAILU PRAKTIKAK (%20)



Praktiken (Ordenagailu eta Laborategi) ebaluaketa lauhilekoan zehar egingo da, eta kontutan hartuko dira saioetara joatea eta bertan proposatutako jarduerak era egokian betetzea. Hauek azken notaren %30 balioko dute.



Praktiken saioetara joan ez diren ikasleak, edo gainditu ez dituztenak, proba gehigarri bat egin dezakete, azterketa idatziaren egun berean, ikasgaiaren alde honi dagozkion gaitasunak ebaluatzeko.



- Deialdiari uko egiteko proba idatzira aurkeztu ezta nahikoa da.

Ezohiko deialdia azken ebaluaketa sistemarekin garatuko da eta proba hauekin osatuta dago:



- PROBA IDATZI bat, ariketa eta galdera teorikoz osatuta. Parte honek azken notaren %70a balioko du. Ikasgaia gainditzeko proba idatziaren %40a lortu beharko da. Minimo honetara heldu ezean, aktetan proba idatziaren nota agertuko da.



- Praktikak (Ordenagailu eta Laborategi) ebaluatzeko proba gehigarri bat. Parte honek azken notaren %30a balioko du eta ikasleek ikasturtean zehar eskuratutako emaitza positiboak gorde ahal izango dira.



AZKEN NOTA: PROBA IDATZIA (%70) + LABORATEGIKO PRAKTIKAK (%10) + ORDENAGAILU PRAKTIKAK (%20)



- Ezohiko deialdiari uko egiteko proba idatzira aurkeztu ezta nahikoa da.

- Ikasturtean zehar eGela plataforma birtualean argitaratuko den materiala (klase magistralen aurkezpenak, enuntziatuak, taula eta diagrama termodinamikoak, praktiken gidoiak, ariketak, txostenak, etab.).

- "Engineering Equation Solver" (EES) programaren erabilpena.

Oinarrizko bibliografia

Çengel, Y.A., Boles, M.A. "Termodinámica". Ed. McGraw-Hill

Moran, M.J., Shapiro, H.N. "Fundamentos de termodinámica". Ed. Reverté

Çengel, Y.A. "Transferencia de calor". Ed. McGraw-Hill

Kreith F., Bohn M.S. "Principios de transferencia de calor". Ed. Thomson

Gehiago sakontzeko bibliografia

Baehr, H.D. "Tratado moderno de termodinámica". Ed. Montesó
Chapman, A.L. "Fundamentals of heat transfer". Ed. Macmillan
Van Wylen, G.J., "Fundamentos de termodinamica". Ed. Limusa Wiley

Aldizkariak

Applied Thermal Engineering
Energy
International Journal of Energy Research
International Journal of Heat and Mass Transfer
International Journal of Refrigeration

Web helbideak

Agencia Internacional de Energía: www.energuia.com
Energuia: www.iea.org
ManagEnergy: www.managenergy.net
ScienceDirect: www.sciencedirect.com