Irakasleak

JOSE GAINTZARAIN IBARMIA

Informatikan Lizentziatua (1993). Informatikan Doktorea (2012) Nazioarteko Aipamenarekin eta Doktoregoko Sari Bereziarekin.



UPV/EHUko irakaslea 1993tik: Unibertsitate Eskolako Irakasle Titularra 2004tik 2014ra; Unibertsitateko Irakasle Titularra 2014tik.



Lengoaia eta Sistema Informatikoak Sailak Bilboko Ingeniaritza Eskolan duen ataleko koordinatzailea 2012tik 2015era.



Nazioarteko aldizkarietan argitaratutako hainbat artikulu zientifikoren egilekidea. Nazio mailako eta nazioarteko kongresuetan aurkeztutako hainbat artikulu eta ekarpenen egilekidea. CNEAI erakundeak (Comisión Nacional Evaluadora de la Actividad Investigadora, Ikerkuntza-Jarduera Ebaluatzeko Nazio mailako Batzordea, Hezkuntza Ministeroa, Espainiako Gobernua) onartutako ikerkuntza-seiurtekoa. Lau hilabeteko ikerkuntza-egonaldia Westminster-eko Unibertsitatean (Londres, Erresuma Batua, 2009-2010). UPV/EHUko LoRea (Logic and Reasoning) ikerkuntza-taldeko kidea urte batzuetan zehar. Hainbat ikerkuntza-egitasmoetako partaidea urte batzuetan zehar.



Irakaskuntzarekin zerikusia duten bi libururen egilekidea, bata gaztelaniaz (2015) eta bestea euskaraz (2016): Programen espezifikazio, egiaztapen eta eratorpen formala.



Ikerketa gaiak: Logika matematikoa; metodo formalak (matematikoak) konputazioaren zientzietan; programen dokumentazio, espezifikazio, egiaztapen eta eratorpen formala.



Euskaraz, gaztelaniaz eta ingelesez irakasteko gaitasuna onartuta.