Ikasgai honetan konputagailuaren zatiak, osagaiak eta horien funtzionamendua aztertzen da, unitate aritmetiko logikotik hasiz eta abstrakzio mailan igoz.



Aurretiko ikasgaien ezagutzak behar dira: Konputagailuen Teknologiaren Oinarriak, Sistema Digitalak Diseinatzeko Oinarriak eta Oinarrizko Programazioa.

Irakasgai honetako ezagutza batzuk beste maila batean ondorengo irakasgaian lantzen dira: Konputagailuen Arkitektura.



Irakasgai honek, Konputagailuen Teknologiaren Oinarriak, Sistema Digitalak Diseinatzeko Oinarriak eta Konputagailuen Arkitekturarekin batera, konputagailu baten eta berau osatzen duten oinarrizko osagai elektronikoen, maila baxuko, oinarrizko funtzionamendua erakusten dituzte.

Ezagutza hori beharrezkoa da informatikako profesionalentzat; izan ere, azpiko elektronika eta bere portaeraren arteko oinarriak ezartzen ditu, baita mikroprozesadorean oinarritutako sistemetan oinarritutako sistemen sorkuntza eta programaziorako software-egituren garapena ere.

Informatikako adar komuneko gaitasun espezifikoak:

M02CM9: Konputagailuen egitura eta arkitektura eta horiek osatzen dituzten oinarrizko osagaiak ere zein diren jakiteko, ulertzeko eta ebaluatzeko gaitasuna.



Ikasgaiaren ikaskuntzaren emaitzak:

- Ordenagailuaren barne arkitektura eta unitate bakoitzaren funtzioa aginduen exekuzioan ulertu.

- Konputagailu estandar baten periferikoen funtzionamendua ulertu.

- Bus protokolo desberdinak aztertu eta konputagailuaren datu transferentziaren erendimenduarengan duten eragina antzeman.

- Makinaren barne lengoaia eta mihiztaduran lengoaian programak ulertu, azpierrutinen kudeaketarako barne-mekanismoak barne.

- Memoria sistemaren errendimendua aztertu konputagailu baten prestazioetan duen eragina ebaluatzeko.

- Inguruaren kontrolerako sarrera/irteerako aplikazioak programatu (Hardware gertakizunek zuzendutako programazioa).

Gai-zerrenda:

- Oinarrizko kontzeptuak.

- Prozesuen Unitate Nagusia PUZ (Control Process Unit CPU): Arkitekturak, Unitate Aritmetiko Logikoa UAL (Arithmetic-Logic Unit ALU), kontrol-unitatea KU (Control Unit CU).

- Aginduak.

- Azpierrutinak

- Memoria azpisistema.

- Sarrera/irteera azpisistema.

- Busak. Azpisistemen arteko konexioa.



Laborategia:

- Gertakizunei bideratutako programazioa.

- Programazioa mihiztagailuan.

Eskola teorikoak, ikasgelako praktiketakoak eta laborategiko praktikak tartekatzen dira kurtsoan zehar.



Osasun egoerak edo bestelako motakoak aurrez aurreko irakaskuntza edota ebaluazioa eragotziz gero, onlineko jarduerara joko da eta ikasleei aldaketa horren berri emango zaie.

• Azken Ebaluazioaren Sistema
• Kalifikazioko tresnak eta ehunekoak:
  • Ebaluaketa egindo da ohiko deialdian adierazitakoaren arabera (%): 100

PORTZENTAIAK:

- Idatzizko proba (Deialdi ofiziala): % 75

- Laborategia (Derrigorrezko presentzia): % 25



AZKEN NOTA HURRENGOAREN MENPE EGONGO DA:

- Idatzizko azterketa (deialdi ofiziala): Atal batzuk izan ditzake. Atal bakoitzean minimo bat atera beharko da eta azterketa guztian ere bai.

- Testa: Ikasturtearen hasieran behar bezala adieraziz gero, hainbat test (edo ataza) ipin litezke, azken notaren ehuneko bat izango liratekeenak (%10a besterik zehazten ez bada), eta ehuneko hori azterketa idatziari kenduko litzaioke.

- Laborategia: Derrigorrezko presentziako praktikak: Orokorrean bi bloke izango ditu (gehiago edo gutxiago egotekotan kurtsoaren hasieran esango da), eta bloke bakoitzean minimo bat atera beharko da. Azterketa edota behar bezala adierazitako entregen bidez ebaluatu ahal izango dira.



MINIMOAK:

Parte, atal edo bloke guztietan eskatzen den minimoa 10retik 5 izango da. Nota partzialen artean batezbestekoa egiteko beste minimoak adieraz litezke, hauek behar bezala adieraziko lirateke.



GAINDITZEKO:

- Irakasgaia gainditzeko, bloke bakoitzeko minimoak atera behar dira (azterketa idatzia eta laborategia), eta guztira gutxienez 10retik 5a lortu behar da.

- Bloke bat suspendituta badago, azken nota suspentsoa izango da.

- Edozein bi blokeetako (azterketa idatzia edo laborategia) gainditua (10retik 5a gutxienez) ikasturte bereko ezohiko deialdira arte baino ez da gordeko.



PRAKTIKEI UKO EGITEA (ETA TESTARI EDO ATAZEI):

Laborategiko saioetako praktikak egiteari uko egiteko (eta testei edo atazei egotekotan), etengabeko ebaluazioari dagokion arautegian adierazitako epeak bete beharko dira.



UKO EGITEA:

Deialdi bati uko egiteko prozedura dagokion arautegikoa izango da.

Ohiko deialdiko irizpide berak jarraituko dira.



Ohiko deialdian testa (testa eta/edo atazak) egon bada eta suspendituta badago, bere nota-ehunekoa azterketa idatzikoaren ehunekoari gehituko zaio.

Irakasgaiaren apunteak eta klasean adieraziko den bibliografia.

Oinarrizko bibliografia

- Estructura y arquitectura de computadores. Guía práctica para alumnos de primero y segundo curso de Grado en Ingeniería Informática de Gestión y Sistemas de Información Versión 2 (2018). G. Bosque, N. Azkona. (UPV/EHU)

https://web-argitalpena.adm.ehu.es/pasa_pdfFin.asp



- Fundamentos de diseño de sistemas lógicos y computadores. M. Morris, C.R. Kime (Prentice Hall).



- Organización y arquitectura de computadores. W. Stallings (Prentice Hall).



- Organización de Computadoras. Un Enfoque Estructurado. A. S. Tanenbaum (Prentice Hall).