Hezkuntza, Filosofia eta Antropologia Fakultateak, gizartearen erronka berriei eta, bereziki, hezkuntza mailan ematen ari diren eta emango diren eraldaketei hobe erantzun nahian, proposamen berri bat eskaini du: Lehen Hezkuntzako eta Haur Hezkuntzako gradua dituen irakaslearena.
Horrela, derrigorrezko lehen hezkuntzak garatu dituen azken berrikuntza metodologikoetan ere nabarmentzen den Haur hezkuntza eta Lehen Hezkuntzaren arteko lotura eta jarraipena bermatuko lituzke gradu bikoitzaren eskaintza honek; haurraren eskola ibilbidean askotan horrenbesteko haustura suposatu duen bi etapen arteko jauzi hori leunduko eta, ondo bidean, desagerraraziko bailuke.
Egoera eta testuinguru honetan, gure Gradu Bikoitzaren proposamena gizartearen zenbait beharrei erantzutera letorke eta, bestetik, aurrera bideari bultzada ematera, proposamen berritzaile eta eraldatzailea proposatuz. Horrela, proposamenari sendotasuna emateko, 40 ikasleko talde autonomo baten aldeko apustua egin da.
Hau guztia gauzatzeko, bost urteko ibilbidea izango lukeen proposamena eraiki da, bi graduetako formazioa bermatuz eta azken urtean, Lehen Hezkuntzatik eskaintzen diren minor edo aipamenetako bat egiteko aukera emanez, hauetariko bi irteera profesional gehigarria ematen dutenak ( Hezkuntza Berezia, Atzerriko Hizkuntza, Euskara, Hezkuntza Tresna edo Hezkuntza Berrikuntzarako Proiektuak Lehen Hezkuntzan). Gainera, gradu bikoitzaren ibilbidean zehar, lau praktikaldi bizitzeko aukera izango duzu 2., 3., 4. eta 5. mailan.
Sarrera baldintza: Euskarazko B2 titulua izatea.
EZAGUTZA ARLOA
Gizarte eta Lege Zientziak
IKASTEGIA
Hezkuntza, Filosofia eta Antropologia Fakultatea
CAMPUSA
Gipuzkoa
HARREMANETARAKO
gorka.ormazuri@ehu.eus
IRAUPENA
5 ikasturte
KREDITU KOPURUA
312 ECTS kreditu
HIZKUNTZAK
Euskara, Gaztelania, Ingelesa
IRAKASKUNTZA MOTA
Ikasgelako gradua
KREDITUAREN PREZIOA 1. MATRIKULAN
13,72 €
GUTXIENEKO NOTA
-
ESKAINITAKO PLAZAK
40 plaza
Informazio osagarria
4 arrazoi gradu hau aukeratzeko
- Umeen gaitasun kognitibo, afektibo eta psikomotorrak garatzen ikasiko duzu eta prestakuntza jasoko duzu psikomotrizitate, teknologia, hezkuntza fisiko, adierazpide plastiko eta musikalerako ikasgeletan zein laborategietan nola literatura gela edo tailerrean.
- Aukera egin ahal izango duzu, egungo hezkuntza premietara egokitutako lau aipamenen artean.
- Praktikak egingo dituzu ikastetxe ezberdinetan eta bertan ezagutuko duzu lan errealitatea eta egunerokotasunean parte hartuko duzu.
- Graduko atal bat Europa, Amerika edo beste herrialdeetako unibertsitateetan ikasi ahal izango duzu.
Sarrera-profila
Hezkuntza eta pertsonak interesatzen bazaizkizu, gizarte eta kultura aniztasuna errespetatzen baduzu, jakin-mina eta behatzeko gaitasuna badituzu eta gure gizartea txikienetatik hasita (0-6 eta 6-12 urte) hobetu behar dela uste baduzu, zure aukera onena Gradu Bikoitza da.
Irteera profesionalak
Irakaslea, Lehen Hezkuntzako etapetan eta Haur hezkuntzako zikloetan, ikastetxe publiko nahiz pribatuetan.
Baita hezkuntzari lotutako beste arlo batzuetan ere: ludotekak, museoak, ospitaletako gelak, espetxetako gelak, gobernuz kanpoko erakundeak, argitaletxeak, etab.