DESKRIBAPENA

Estatistika Deskribatzailea ikasgaian datu estatistikoak antolatzeko eta aurkezteko oinarrizko teknikak lantzen dira grafiko eta taulen bidez, bai aldagai bakar bat zein bi aldagai ditugunean. Halaber, aldagaien zenbakizko laburpena ematen duten estatistikoak (joera zentraleko, sakabanapen, posizio eta formakoak) landuko dira beharrezkoak diren baliabide teoriko eta konputaziozkoak erabiliz.



TESTUINGURUA

Estatistika Deskribatzailea ikasgaia, metodologia estatistikoan sakondu ahal izateko oinarria da. Bertan, estatistikako oinarrizko kontzeptuak lantzen dira eta, geroago, Probabilitate Kalkulua eta Inferentzia Estatistikoa ikasgaietan, ikuspegi teorikotik landuko dira kontzeptu horiek, lagina eta populazioa bereiztuta, laginean lorturiko emaitza deskribatzaileak populazio osora orokortzeko asmoz.

GAITASUN ESPEZIFIKOAK

M03CM01. Probabilitate-kalkuluaren eta estatistikaren oinarrizko kontzeptuak eta emaitzak ezagutzea.

M03CM02. Probabilitate-banaketa garrantzitsuenak, datu azterketarako eta estatistika-inferentziarako ohiko teknikak menperatzea.

M03CM05. Aipaturiko egoerak aztertzeko egokiak diren informatika-baliabideak ezagutzea eta horietako batzuk ondo erabiltzea.

M03CM06. Egoera ezberdinak aztertzean bilatzen den helburuaren arabera, egokia den azterketa estatistikorako teknika ondo aukeratzea.

M03CM07. Beharrezkoak diren kalkuluak eta irudikapen grafikoak ondo egitea, egokiak diren baliabide teorikoak edo/eta konputaziozkoak erabiliz.

M03CM08. Buruturiko azterketen emaitzak era kritikoan interpretatzea.



EMAITZAK

- Datu-multzo baten azterketa deskribatzailea egiteko egokiena den metodoa aukeratzen jakitea.

- Egindako azterketa deskribatzaileen bidez lorturiko emaitzak interpretatzen jakitea.

- Datu-multzoa aztertzeko beharrezkoak diren kalkuluak edo adierazpen grafikoak lortzeko egokiak diren baliabide informatikoak ondo erabiltzea.

SARRERA

1. GAIA - Oinarrizko Kontzeptuak



LEHENENGO ATALA - ALDAGAI BAKARREKO ESTATISTIKA

2. GAIA - Taula Estatistikoak

3. GAIA - Adierazpen Grafikoak

4. GAIA - Posizio eta Joera Zentraleko Estatistikoak

5. GAIA - Sakabanatze eta Kontzentrazio Estatistikoak

6. GAIA - Momentuak eta Forma Estatistikoak



BIGARREN ATALA - BI ALDAGAIKO ESTATISTIKA

7. GAIA - Bi dimentsioko Aldagai Estatistikoak

8. GAIA - Erregresioa eta Korrelazioa

9. GAIA - Atributuen Korrelazioa



HIRUGARREN ATALA - DENBORAZKO SERIEAK

10. GAIA - Denborazko Serietarako Sarrera



Ordenagailuko praktiketan ikasitako estatistika-teknika ezberdinak datu-fitxategi zehatz batean aplikatuko dira R lengoaia eta RStudio garapen ingurune integratua erabiliz. Lorturiko emaitzak erabiliko dituzte ikasleek irakasleak saio bakoitzean aplikaturiko tekniken inguruan planteaturiko galderei erantzuteko.

Ikasturte hasieran, eGela plataforman argitaratuko dira irakasgaiaren apunteak eta irakasgaia garatzeko behar den material guztia.



Eduki teorikoa klase magistraletan azalduko da, Bibliografian eta erabili beharreko materialean agertzen diren oinarrizko erreferentziak jarraituz. Klase magistral horiek osatzeko, ariketetako klaseak (ikasgelako praktikak) daude, non ikasleei hainbat galdera, ariketa eta proiektu proposatuko zaizkie beraiek ebazteko. Mintegietan, aurretik planteaturiko lan zehatzak azalduko dituzte ikasleek. Eta ordenagailuko praktiken bidez ikasgaiaren gaitasunak landuko dira R software estatistikoa eta RStudio garapen ingurune integratua erabiliz.



Ikasleak egin beharreko lanaren parte handi bat indibidualki edo taldeka egin beharrekoa da. Horretarako, irakaslearen orientazio eta gida izango dute uneoro eta lana modu jarraitu eta konstantean egitea sustatuko da. Gainera, tutoretza pertsonalen erabilera gomendatuko da irakasgaiaren inguruko edozein duda edo zailtasun argitzeko.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 50
  • Praktikak egitea (ariketak, kasuak edo buruketak) (%): 15
  • alde lanak (arazoen ebazpenak, proiektuen diseinuak) (%): 35

EBALUAZIO JARRAITUAREN IRIZPIDEAK (%):



TXOSTEN ESTATISTIKOA (%35):

Taldekako azken lana. Honetan, ikasleek datu base bat aurkitu behar dute, aztertu behar dute R software erabiliz, eta behar diren ondorioak bilatu behar dituzte. Lana, txosten eran, irakasleari bidaliko zaio, eta klasekideen aurrean aurkeztuko da.



PRAKTIKAK, ARIKETAK ETA MINTEGIAK (%15):

- Taldeka egindako ordenagailu praktikak, lauhilekoan zehar entregatzeko. R programazio lengoaia eta RStudio ingurunea erabiliz.

- Mintegietan garatutako ariketak.



BAKARKAKO AZTERKETA IDATZIA (%50):

Ohiko deialdian, bakarkako azken proba bat egingo da, azterketaldiko ordutegi ofizialean emandako egunean eta tandan.





Oharra: Proposatutako ekintza guztiak derrigorrezkoak dira eta irakasgaia gainditzeko, atal ezberdinetan, gutxienez 4ko nota atera behar da, atal guztien batezbesteko nota 5 izanez.







AZKEN EBALUAZIOAREN IRIZPIDEAK:



Ebaluazio jarraitua egin nahi ez duten ikasleek aukera izango dute azken ebaluazioa aukeratzeko. Hala ere, aukera hau egiten duten ikasleek irakasleari idatziz adierazi beharko diote lauhilabetekoa hasi eta gehienez 15 asteko epean.



Ebaluazio mota hau aukeratzen duten ikasleek, azterketa egiteaz gain (notaren %50), proba gehigarri bat burutu beharko dute azterketaren data ofizialean (beste %50), kurtsoan zehar burututako ekintzetan lortu beharreko konpententziak ebaluatzeko balioko duena. Proba hau ahozko azalpena, ordenagailu aurrean egin beharreko proba edo kurtsoan zehar egindako praktikei eta jarduerei buruzko lan idatzia izan daiteke. Irakasgaia gainditzeko, atal ezberdinetan, gutxienez 4ko nota atera behar da, atal guztien batezbesteko nota 5 izanez.





UKO EGITEA:



Nahiz eta ikasturtean zehar egindako jarduerak ebaluatuak izan, ohiko deialdira aurkezten ez den ikaslearen kalifikazioa "ez-aurkeztua" izango da.

Ebaluazio-irizpideak ohiko deialdiaren berdinak izango dira.



Ikasturtean zehar egindako jarduerak (praktikak, ariketak, mintegiak eta txosten estatistikoa) ebaluatuak izango dira ikasturteko bi deialdietarako. Beraz, gaindituta dituzten ikasleek ez-ohiko deialdian azterketa egin beharko dute soilik. Nota finalaren portzentajeak ohiko deialdian erabilitakoak dira: txosten estatistikoa %35, praktikak, ariketak eta mintegiak %15, eta idatzizko azterketa %50. Ikasturtean zehar ebaluaturiko jarduerak gainditu ez dituzten ikasleek, edo azken ebaluazioa aukeratu dutenek, ez-ohiko deialdian, azterketaren data bertan, jarduera horiek ebaluatzeko diseinaturiko beste proba bat egin beharko dute azterketa idatziaz gain, eta notaren %50 balioko du. Proba hori ahozko azalpena, ordenagailu aurrean egin beharreko proba edo kurtsoan zehar egindako praktikei eta jarduerei buruzko lan idatzia izan daiteke.



Dena den, bi kasuetan, irakasgaia gainditzeko, atal ezberdinetan, gutxienez 4ko nota atera behar da, atal guztien batezbesteko nota 5 izanez.

Apunteak eta eGela plataforman argitaratuta dauden materialak.

Oinarrizko bibliografia

- Fernandez Aguirre, Karmele: Estatistika Deskribatzailea. U.E.U. Arg., 1997

- Coquillat, Fernando. Estadística Descriptiva. Metodología y Cáculo. Tebar Flores Arg., 1991

- Fernandez, Carloz & Fuentes, Felipe. Curso de Estadística Descriptiva. Teoría y Práctica. Ariel Economía Arg., 1995

- Fernandez, Santiago & Cordero, Jose Maria & Cordoba, Alejandro. Estadística Descriptiva. Esic Arg., 1996

- Casa Aruta, Ernesto. 200 Problemas de Estadistica Descriptiva. Vicens-Vives Arg., 1988

- Tomeo, Venancio & Uña, Isaias. Doce lecciones de Estadística Descriptiva. Alfa Centauro Arg., 1997

- Paradis, Emmanuel. R para principiantes. 2002 (traducido al castellano por Ahumada, Jorge A. en 2003)

- Merino, María & Mori, Usue. Oinarrizko Estatistika: R Praktikak. UPV/EHU-ko argitalpen zerbitzua. 2017.

- Mori, Usue & Calvo, Borja. R lengoaia: lehenengo urratsak. UPV/EHU-ko argitalpen zerbitzua, 2018.

Web helbideak

- EUSTAT: http://www.eustat.es
- GAINDEGIA (Euskal Herriko ekonomia eta gizarte garapenerako behategia): http://www.gaindegia.org
- EUROSTAT: http://epp.eurostat.ec.europa.eu/portal/page/portal/eurostat/home/
- INE (INSTITUTO NACIONAL DE ESTADÍSTICA): http://www.ine.es
- Open Data Euskadi: http://opendata.euskadi.eus/hasiera/
- R-project: http://www.r-project.org
- RStudio: https://rstudio.com
- RStudio Cloud: https://rstudio.cloud