Giza Anatomia zientziak giza gorputzaren egiturak osasunean ikasten ditu. Giza Anatomia I Medikuntzako graduan lehenengo moduluko gaia da eta lehenengo kurtsoaren lehenengo lauhilabetean ikasten da. Giza gorputzaren organu guztien jatorria eta garapena ikasten dira.



Giza Anatomia I oinarrizko gaia da, giza gorputzaren morfologia eta egitura ulertzeko eta derrigorrezkoa da Giza Anatomia II, III eta IV gaiak menperatzeko. Halaber, ezinbestekoa da Mediku-Enbriologia eta Pediatria gaiak ikasteko.

1.- Giza gorputzaren jaio aurreko garapena aroetan ematen diren aldaketak, bai morfologikoak bai funtzionalak, ezagutzea eta definitzea.



2.- Gorputzaren eta horren eremuetakoen itxuratzean ematen diren aldaketak ezagutzea eta azaltzea, hau da, organogenesia, sistemen eraikuntza eta gorputz-aparatuen osaketa, sexu bietan.



3.- Ikasitako atal anatomikoak zehaztasunez deskribatzea eta jaio aurreko garapenean irudi-tekniken bitartez lortutako argazkietan identifikatzea.



4.- Talde-lanaren bitartez, hizkuntz anatomiko egokiaren erabileran trebatzea, komunikazio teknikoa lortzeko.



5.- Gauregungo jaio aurreko giza garapenari buruzko ikerkuntzaren aukerak eta errokak ezagutzea eta ondorioz, etengabeko formakuntzaren beharra onartzea.



6.- Zientzia-informazioaren bilatzen eta aukeratzen ohitzea

EDUKI TEORIKOA

-I BLOKEA: SARRERA ETA OROKORTASUNAK (1 gaia).

Aurkespena. Anatomiarako sarrera.

-II BLOKEA: ENBRIOLOGIA OROKORRA (2.-7. gaiak)

Gametogenesia. Garapeneko lehenengo hiru aste. Enbrioi-aroa eta umeki-aroa. Zirkulazio-aparatuaren hastapena. Umeki-eranskinak.

-III BLOKEA. ENBRIOLOGIA BEREZIA: ORGANOGENESIA (8.-23. gaia)

Datozen egituren, sistemen eta aparatuen garapena: zirkuazio aparatua, digestio eta arnas-aparatua, iraitz-sistema, ernal-aparatua, sistema muskulueskeletikoa, aurpegia, azala eta azalaren eranskinak, zentzu organuak eta nerbio-sistema.



EDUKI PRAKTIKOA

Bi ordutako derrigorrezko 16 saio, materiala taldeka zein banaka lantzeko, eduki teorikoekin koordinatuta.

ESKOLA MAGISTRALA

Eskola magistraleetan, irakasgaiaren edukien ahozko azalpena emango da. Laguntza moduan marrazkiak, proiektatutako aurkezpenak eta eskemak erabiliko dira.



PRAKTIKAK

Praktikak, berezko praktika aretoan ematen dira. Praktika hauetan, ikasleen esku dago materiala, hau da, irudiak, argazkiak, hiru-dimensiozko ereduak eta giza-materiala, egiturak ezagutzeko eta deskribatzeko aldez aurretik emandako gidoia jarraituz.



MINTEGIAK

Mintegiak eskola magistraleetan emandako gaiak zabaltzeko saioak dira, giza-bizitzaren hasiera eta garapenaren arloan, bereziki interesgarriak diren gaiak landuz. Ikasleek taldeka estabaidatuko dute gaia eta lan txiki bat prestatuko edota aurkeztuko dute.



TALDEKA EDO BANAKA EBAZTEKO LANAK sustatuko dira, ikasleei gaiaren alde desberdinak ulertzen lagunduko dieten

baliabide informatiko eta bibliografikoen bidez.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 26
  • Test motatako proba (%): 35
  • Ahozko defentsa (%): 9
  • formazio-kontrolak, ariketak, kasuak, etab. (%): 30

Etengabeko ebaluazio-sistema bat erabiliko da batetik, ikasle bakoitzaren prestakuntza-epealdiko aurrerapena balioesteko, eta bestetik azterketen deialdiko egutegi ofizialean ezarritako azkeneko froga bat. Etengabeko ebaluaziorako sistema eta tresnak, froga edo jarduera bakoitzak irakasgaiaren kalifikazioan duen pisua, berauen derrigorrezkotasuna edo asignatura gainditze aldera gutxienezko kalifikazio bat lortzeko beharra, denak dira Irakas-Gida honetan zehazten direnak.



Ikasleak etengabeko ebaluazioari uko egitea du, eta hortaz ebaluazioa azkeneko frogaren bitartez soilik egitea. Horretarako, idatziz adierazi beharko dio irakasgaiaren arduradunari, lauhilekoa hasten denetik 9 asteko epearen barruan.



Ikasleak deialdiari ere uko egitea du. Deialdiari uko eginez gero, kalifikazioa "ez aurkeztua" izango da. Etengabeko ebaluazioari dagokionez, azken probaren pisua irakasgaiaren kalifikazioaren %40 baino handiagoa bada, nahikoa izango da azken proba horretara ez aurkeztea deialdiari uko egiteko. Azkeneko ebaluazioari dagokionez, ebaluazio-frogetara bere burua ez aurkezteaz automatikoki deialdia bertan behera utziko du.



Ikasgai honen ebaluazio sistemak honako prozedura jarraituko du:



- Azterketa teoriko-praktikoa (testa + idatzizko/ahozko azterketa): %70

- Ebaluazio jarraitua (formazio-kontrolak, ariketak, kasuak, etab.): %30



IKASGAIA GAINDITZEKO EZINBESTEKOA DA BANAKAKO AMAIERAKO FROGA GAINDITZEA.



Egoera ez-presentziala batera itzultzea beharrezkoa izango balitz, kalifikazioko tresnak eta ehunekoak berdin mantenduko lirateke, baina ebaluazio-probak ez-presentzialak izango lirateke.

Ohiko deialdian erabiliko diren ebaluazio irizpide berberak jarraituko dira.

Ezohiko deialdiko ebaluazioa azkeneko ebaluazio-sistemaren bidez soilik egingo da. Etengabeko ebaluazioaren emaitzak positiboak izan badira, gorde egin daitezke ezohiko ebaluaziorako, eta ordea negatiboak izan badira ikasleak aukera izango du irakasgaiaren ebaluazioa oso-osorik ezohiko frogaren bidez egiteko.

Praktika-gelara sartu ahal izateko ezinbestekoa da amantala zuria janztea. Horretaz gain behin behineko eskularruak eta disekzio-pintzak ere eraman beharko dira praktika guztietara.

Praktiketan beharrezkoa izango da lan-talde bakoitzean gutxienez giza anatomia atlas bat izatea.

Oinarrizko bibliografia

1. Moore KL, Persaud TVN, Torchia MG (2020). Embriología Clínica. 11ª edición. Ed. Elsevier.

2. Sadler TW (2019). Langman: Embriología Médica. 14ª edición. Ed. Lippincott Williams and Wilkins. Wolters Klumer Health.

3. Cochard LR (2005) Netter, Atlas de Embriología Humana. Ed. Masson.

4. Schoenwolf G et al. (2020). Larsen´s Human Embryology. 6th edition. Ed. Elsevier.

5. Moore KL, Persaud TVN, Torchia MG (2017). Antes de Nacer, Fundamentos de embriología y anomalías congénitas. 9ª edición. Ed. Panamericana.

6. Carlson BM (2019). Embriología Humana y Biología del desarrollo. 6ª edición. Ed. Elsevier.

Gehiago sakontzeko bibliografia

1. Carlson BM (1990). Embriología Básica, de Patten. 5ª edición. Ed. McGraw-Hill Interamericana.
2. Tuchmann-Duplessis H (1983). Embriología. Cuadernos prácticos. 3ª edición. Ed. Toray-Masson.
3. FCAT, IFAA, SAE (2001). Terminología Anatómica Internacional. 1ª edición. Ed. Panamericana.
4. Hib J (2000).Embriología Médica. 7ª edición. Ed. McGraw-Hill Interamericana.
5. Moore KL, Persaud TVN (2000). Embriología básica. 5ª edición. Ed. McGraw-Hill Interamericana.
6. Smith-Agreda JM (2016). Reconstrucciones Humanas por planos de disección, de Escolar. 6ª edición. Ed. Panamericana.
7. Smith-Agreda JM (2016). Prontuario de las "Reconstrucciones Humanas por planos de disección" CD-ROM. Ed. Panamericana.

Aldizkariak

1. Anatomy and Embryology.
https://www.researchgate.net/journal/0340-2061_Anatomy_and_Embryology
2. Early Human Development.
http://www.elsevier.com/locate/earlhumdev

Web helbideak

Web orriak:
1. Online course in embryology for medicine students developed by the universities of Fribourg, Lausanne and Bern (Switzerland) with the support of the Swiss Virtual Campus © Copyright protected.
http://www.embryology.ch
2. The Virtual Human Embryo (illustrated atlas of human embryology).
https://www.ehd.org/virtual-human-embryo/

Anatomia-elkarteak:
1. Sociedad Anatómica Española.
http://www.sociedadanatomica.es/
2. Sociedad Española de Biología del Desarrollo.
http://sebd.es/
3. The Anatomical Society of Great Britain and Ireland.
http://www.anatsoc.org.uk/
4. The British Association of Clinical Anatomists.
https://www.baca-anatomy.co.uk/
5. Anatomische Gesellschaft (Deutschland).
http://anatomische-gesellschaft.de/
6. The European Federation of Experimental Morphology.
http://www.efem.eu/
7. The American Association of Anatomists.
https://www.anatomy.org/
8. The International Federation of Associations of Anatomists.
http://www.ifaa.net/