nireEHU 
TITULUAREN GAKOAK
Espezializazio hau arriskuan eta gizarte gatazkan dauden gazte kalteberekin esku hartzeko lanari erantzuteko planteatu da, IRSE-EBIko profesionalek eta beste baliabide batzuek garatutako Lotura Emozional Balidatzailearen eredu batean oinarrituta. Haurren babeseko, gazteen justiziako eta gizarteratzeko zentroetan artatzen diren eta osasun mentaleko eta portaera kanporatzaileak dituzten biztanleen esku hartze espezializatuan sakonduko da.
Espezializazioak, bada, zortzi modulu ditu. Lotura Emozional Balidatzailearen proposamenaren printzipio eta elementu nagusiekin eta Lotura Emozional Balidatzailearen ereduaren iturriekin hasiko da. Hurrengo moduluetan, aliantzaren garapen espezializatua planteatuko da, laguntza harremana arbuiatu ohi duten nerabe eta gazteekin lotura eraikiz. Gainera, hauek teknikoki ulertu eta jorratuko dira: indarkeria, kontsumoak eta ihesak, aliantza eta nahigabekotasuna, kanporatzeko eta barneratzeko jokabideei heltzea. Amaitzeko, praktikak egingo dira IRSE-EBIk edo Lotura Emozional Balidatzailearen ereduan lanean ari diren beste erakunde batzuek kudeatutako egoitza baliabideetan.