nireEHU 
Tituluaren gakoak
Gure inguruneko industria enpresek gero eta sarriago eskatzen dituzte zuzendaritza karguetarako profil berriak, beren baitan biltzen dituztenak ingeniaritza ezagutzak, batetik, eta kudeaketa ekonomikoa eta enpresari buruzkoak, bestetik. Profil hori lortzeko ohiko bidea izaten da ezagutza hori ikasketa teknikoak bukatu eta gero lortzea. Enpresen gestioko aditu tituluak helburu dauka ingeniaritzaren eta arkitektura teknikoko titulazioetako ikasleei oinarrizko ezagutza ematea enpresen gestio eta administrazioaren arloan. Hori guztia, ikasketak egin bitartean.
Ikasketa teknikoen osagarri diren zenbait gaitasun lortuko ditu ikasleak lan munduan eskari handia dutenak:
- Marketinaren oinarriak ulertuko ditu, baita enpresa estrategiarekiko erlazioa ere.
- Finantza iturri egokiak hautatzeko irizpideak enpresarentzat egokia den finantza egitura bat lortzeko, betiere enpresaren beharrak eta lehia egoera kontuan hartuta.
- Zuzentze estrategikoaren prozesuko egitura eta edukiak ulertu eta, hala, enpresen errealitate konplexu eta nahasia egokiro interpretatzen ikasiko du.
- Kontzeptuak eta tresnak erabiltzen ikasi eta enpresa batentzako plan estrategikoa formulatzeko aukera izango du.
- Inbertsio eta finantziazioetarako erabaki egokiak hartuko ditu enpresaren finantza oreka lortze aldera.
- Enpresaren finantza plan bat egiteko trebetasuna eskuratuko ditu. Ezagutzen bidez profil profesionala hobetu nahi badute. Horretarako, taldeak zuzentzeko, ikuspegi estrategikorako, erabakiak hartzeko eta finantzak kudeatzeko trebeziak landu eta hobetu behar dira.
Titulu hau egin ahal izateko, gaindituta izan behar dira lotutako graduko lehenengo bi mailak.
