nireEHU 
Tituluaren gakoak
Graduondoko formazio honek Unibertsitateko Aditu Titulua (15 ECTS) eskainiko die parte hartuko duten ikasleei. Unibertsitatearen berezko ikasketen arloko titulu ofizial baten bermearekin. Eremu ez-formaletan euskararen erabilerak aurrera egin dezan ditugun behar eta helburuei erantzun egokia emango dieten profesionalak prestatuko ditu. Ikasleek bereganatuko dituzte eremu ez-formalaren ezaugarri nagusiak, hizkuntza-erregistroak, edo eremu ez-formalak euskararen plangintzetan izan duen lekua. Erabilera aktibatzeko saio eta egitasmoez jabetuko dira. Haur, nerabe eta gazteengan eremu ez-formalak duen garrantzia eta landutako egitasmoak ezagutuko dituzte: hizkuntza-jarrerak, euskara sustatzeko estrategiak eta hizkuntza lantzeko programak. Kultur sorkuntza eta kultur kontsumo ohiturak ere bereganatuko dituzte eta eremu ez-formaleko elkarteak nola kudeatu ere ikusiko dute.