nireEHU Tituluaren gakoak
Atzerriko hizkuntzak jakitea ezinbesteko baldintza da gaur egungo ingurune eleanitz eta globalizatuan. Gainera, ez da nahikoa atzerriko hizkuntza bat bakarrik jakitea, lan merkatuak bultzatzen baitu gutxienez atzerriko bi hizkuntza menderatzera.
Frantses Ikasketak Diplomak (FID) ematen du zeharkako espezializazio gaurkotu bat, frantses hizkuntzan sakontzeko hiru dimentsioko ikuspegi batetik (linguistikoa, literarioa eta diakronikoa). Unibertsitate Hedakuntzako Diploma hau zabalik dago bai Filologia eta Itzulpengintza ikasketak egin ondoren frantsesaren ezagutzan sakondu nahi duten pertsonentzat, bai gaian interesatuta dauden pertsona guztientzat. Espezialistek emandako irakasgai zehatzen bidez, ikasleek beren prestakuntza humanistikoa osatu ahal izango dute alor frankofonoan, hizkuntza horretan duten gaitasuna hobetuz horrela.
