FREDERIK VERBEKE

Irakasle agregatua naiz UPV/EHUko Filologia eta Historia Sailean. Literatura Konparatuko doktorea (cum laude, UPV/EHU) eta Hizkuntza eta Literatura Erromantzeetako lizentziaduna Ganteko Unibertsitatean (Belgika).

Nire ikerketa-ardatzak dira literatura konparatua, itzulpengintza, imagologia, ekokritika eta literatura minorizatuen arteko harremanak. IBERMAGIC21 proiektuko kidea naiz eta parte hartzen dut ENLIGHT sare tematikoko LEMuR egitasmoan, eskualde eleaniztunetako hizkuntza-berdintasuna sustatuz. Halaber, CBE i3lab laborategiko kide naiz, Challenge Based Education (CBE) metodologian oinarrituta.

Egonaldiak egin ditut CETRA (KU Leuven), Université Paris III – Sorbonne Nouvelle eta IKER (CNRS/UPPA/UBM) erakundeetan, eta maiz aurkezten ditut nire ikerketak nazioarteko kongresuetan.

2016tik irakasle naiz Filologia graduan (frantsesa) eta Literatura Konparatua eta Literatur Ikasketak masterrean. Erasmus+ proiektuak gidatzen ditut, hala nola “Connecting Cultures”, ENLIGHT aliantzak eredugarritzat joa.

Kazetari eta itzultzaile izandakoa naiz EITBn, eta kudeaketa akademikoan aritu naiz: gradu eta master koordinatzaile, eta gaur egun Letren Fakultateko Plangintza eta Antolakuntza Akademikorako dekanorde gisa.

Informazio gehiago :

- Academia: https://frederikverbeke.academia.edu/

- Researchgate: https://www.researchgate.net/profile/Frederik_Verbeke2

- LinkedIn: https://www.linkedin.com/in/frederikverbeke/