Tituluaren gakoak
Gizarte-zerbitzuen kudeaketak funtsezko erronkei egin behar die aurre, hala nola zaintza-eredua pertsonarengan oinarritutako eredu batera aldatzea, zaintza-ekosistemak sortzea, belaunaldien arteko ordezkapena zuzendaritza-postuetan eta kudeaketa profesionalizatzeko beharra digitalizazioak, zahartzeak eta familia-eredu berriek markatutako testuinguru konplexu batean. Errealitate horren aurrean, Ekonomia eta Enpresa Fakultateak sustatutako Aditu Tituluaren helburua aldaketa horien buru izateko kudeatzaile gaituak prestatzea da. Programak aukera ematen du sektorearen egungo testuingurua, arreta-eredu berriak, koordinazio soziosanitarioa eta pertsonarengan eta erabiltzailearen eta haren familiaren esperientzian oinarritutako plangintzaren garrantzia sakon ezagutzeko. Era berean, arreta soziosanitarioko joera berriei heltzen die, kudeaketa eraginkor eta berritzailerako tresnak eskainiz. Parte-hartzaileek sektoreko erakundeen ikuspegi integrala eskuratuko dute, eta lidergo humanistako trebetasunak garatuko dituzte, funtsezkoak baitira antolaketa-berrikuntzako prozesu aurreratuak kudeatzeko eta egungo erronkei eraginkortasunez erantzuteko.
