nireEHU 
TITULUAREN GAKOAK
Mikosi inbaditzaileak erronka mediko handia dira, bai zailak direlako diagnostikatzen eta bai tratamendu farmakologiko konplikatua dutelako.Azken urteotan, medikuntzaren aurrerapenak direla eta, gero eta teknika inbaditzaileagoak eta tratamendu immunoezabatzaile erasokorragoak erabiltzen dira, eta horren ondorioz herrialde guztietan gaur egun askoz jende gehiago dago arrisku faktoreak dituena hilgarriak izan daitezkeen onddo infekzioak harrapatzeko.Gainera, infekzio horiei lotutako gero eta patogeno fungiko gehiago daude, bai onddo ezagunenak eta bai onddo berrienak, eta berrietariko asko gaiztoagoak dira, eta gainera erresistentzia diete farmako antifungikoei.
Horregatik guztiagatik, ezinbestekoa da jardun medikoan gero eta presenteago dagoen errealitate honen ezagutza zientifikoa eguneratzea eta egokitzea, profesional espezializatuak prestatzea haren prebentzio, diagnostiko eta tratamendurako, eta ikertzaileak gaitzea mikosia eta haren patogenia eta epidemiologia azter ditzaten, eta diagnosirako eta tratamendurako metodo eraginkorragoak gara ditzaten.Ikasketa hauen helburua, azken buruan, da profesional gehiagok edukitzea mikosien prebentzio, diagnostiko eta tratamendurako behar den prestakuntza.
