MBAe3 masterreko Zuzendaritza eta Batzorde Akademikoa

MBAe3 (emprendimiento - estrategia -  empresa)

MBAe3 masterreko Zuzendaritza

María Saiz

UPV/EHUko Ekintzailetzako irakaslea. GEM (Global Entrepreneurship Monitor) nazioarteko ikerketa partzuergoko GEM EAEko zuzendari exekutiboa. UPV/EHUko Bizkaiko Campuseko Kanpo Harremanetako zuzendaria (2007-2014). UPV/EHUko ZITEK Unibertsitateko Spin Off-ak sortzeko programako zuzendaria (unibertsitateko hiru Spin Off inkubagailu kudeatzea eta finkatzea). Bus Emprende, Etorkizulan, Think Big eta Izpiritu Ekintzailea Motibatzen duten Irakasleentzako Udako Eskola proiektuen zuzendaria eta sortzailea. Startinnovako zuzendari akademikoa eta Ekonomialarien Euskal Elkargoko Ekintzailetza taldeko kidea.

 

MBAe3 masterreko Batzorde Akademikoa

Halaber, BATZORDE AKADEMIKOA hauek osatzen dute:

Iñaki Periañez Cañadillas

“Merkaturatzea eta Merkatuen Ikerketa”-ko irakasle titularra. Hogeita bost urtetik gorako eskarmentua du “Marketin”-ari buruzko irakaskuntzan, hala ospe handiko graduondoetan nola lizentziaturan eta graduan. UPV/EHUko Marketin Masterreko zuzendaria izan da (1989-2001; gaur egun, 26. promozioan), baita Ebaluazio Instituzionalerako Zerbitzuko zuzendaria (2003-2010) eta ANECAko ebaluatzailea ere (2003-2010). 2010etik gaur egunera arte, Gaztela eta Leongo Kalitate Agentziako eta Kataluniako AQUko ebaluatzailea izan da. Gaur egun, halaber, Kataluniako AQUko Gizarte Zientzia eta Zientzia Juridikoen Batzordeko kidea da, zeina titulu ofizialak egiaztatu, jarraitu, akreditatu eta aldatzeaz arduratzen baita.

Miren Gabantxo Uriagereka

Telebistako kazetaria eta "Komunikazio Komertziala, Korporatiboa eta Instituzionala" irakasgaiko irakaslea da. Halaber, aditua da Interneten komunikazio inguruneak garatzen, eta Mondragon Unibertsitateko Prestakuntzara aplikatutako IKTen Masterreko zuzendaria ere izan da. Horrez gain, zortzi urteko eskarmentua du unibertsitateko kudeaketan: 2008-2013 artean, Gizarte eta Komunikazio Zientzien Fakultateko Azpiegituren dekanordea, non Medialab proiektu teknologikoaren buru izan zen; eta 2013-2017 artean, UPV/EHUko Bizkaiko Campuseko Unibertsitate Zabalkuntzako zuzendaria, non kultur programazioa eta komunikazio estrategia garatu baitzituen EHUkultura markarako eta Bizkaiko Udako Ikastaroetarako. 2015etik, Eusko Jaurlaritzak urtero Sormen Lantegiak / Fábricas de Creación ekintzailetza kulturalerako dirulaguntzen emakida ebaluatzeko izendatzen duen epaimahaiko kide da.

Goizalde Hernando Saratxaga

Ekonomia eta Enpresa Zientzietan lizentziatua (1997) eta doktoratua (2017), UPV/EHUn. Industria Antolakuntzaren Ingeniaritza Teknikoan diplomatua, UPV/EHUn eta Merkataritza Ganberan (2000). Logistika Integraleko Zuzendaritzako Executive Masterra (2001). Derrigorrezko Bigarren Hezkuntzako eta Batxilergoko Irakasleen Prestakuntzako Unibertsitate Masterra (2015).

UPV/EHUn ari da irakasle lanetan 2008tik. Garanova Proyectos Renovables enpresako bazkide sortzailea eta zuzendari kudeatzailea izan da, baita IPF SL enpresako Esportazio Saileko arduraduna eta zuzendari kudeatzailea ere.

Hainbat ikerketa, artikulu, liburuen kapitulu eta irakaskuntzako materialen egilea edo egilekidea izan da (euskaraz, gaztelaniaz eta ingelesez), eta ekarpen ugari egin ditu kongresu nazionaletan eta nazioartekoetan.  Horrez gain, hainbat ikerketa proiektutan parte hartu du.

Gai hauek dituzte ardatz bere ikerketa lerroek: esperientzian oinarritutako ikaskuntza eta marketina, eta genero-berdintasuna eta horri lotutakoak.