Sariak
Ikasleen eta Konpromiso Sozialerako Errektoreordetzak zortzi Gradu Amaierako Lan (GrAL) onenak sarituko ditu. 400 euroko saria jasoko du ardatz bakoitzeko lehenengo GrAL onenak, eta 200 eurokoa, ardatz bakoitzeko bigarren GrAL onenak (pertsonak, planeta, oparotasuna eta bakea-aliantzak izango dira ardatzak).
Irabazleak Batzorde Zientifikoaren, Antolakuntza Batzordearen eta biltzarreko saioetara joaten den publikoaren bozketak batuz erabakiko dira, irizpide honen arabera:
| GrALaren hasierako nota | 10 |
|---|---|
| Batzorde zientifikoak ekarpenari (GrAL) egindako balorazioa | 50 |
| Egindako aurkezpenari balorazioa | 25 |
| Publikoak egindako balorazioa | 15 |
| Guztira | 100 |
Gainera, IX. edizio honetan beste lau sari emango dira:
- Zerbitzuen bidezko Ikaskuntza metodologian oinarrituta garatzen den GrAL onena (400 €)
- Erronketan Oinarritutako Hezkuntza metodologian oinarrituta garatzen den GrAL onena (400€)
- Campus Bizia Lab (CBL) deialdiko proiekturen baten barruan egindako GrAL onena (400 €)
- Poster formatuan aurkeztutako GrAL onena (300 €)