SGIker-ek kalitatezko informazioa bilatzeari buruzko tailer bat eman diete Bilboko La Salle ikastetxeko DBHko 4. mailako ikasleei (2018/02/13)

Lehenengo argitaratze data: 2018/02/13

DBHko gazteei bokazio zientifikoa pizteko jardueren artean, UPV/EHUko SGIker Ikerkuntzarako Zerbitzu Orokorren Zientziometria Unitateak ¿Cómo buscar información de calidad? tailerra eman die La Salle ikastetxeko DBHko 4. mailako 37 ikasleri, UPV/EHUko Ingeniaritza Eskolako Informatika Ikasgelan, Bilbon, 2018ko otsailaren 2an.

Tailerrean, Bilboko ikastetxeko ikasleek, 20 emakume eta 17 gizon, zientzialariek datuak bilatzeko zein iturri erabiltzen dituzten ikasi dute, baita informazio kontrastatua eta kalitatezkoa aurkitzeko estrategia eraginkorrenak zein diren ere. Saioaren amaieran, gazteek taldean eginiko lana aurkeztu dute, azterturiko datu baseetan (Web of Science, Scopus, Medline) eta Interneteko beste informazio iturri batzuetan aurkituriko emaitzak erakutsiz.

Egitasmo hau UPV/EHUko SGIkerrek 2015-2016 ikasturtetik jorratzen duten jarduera lerroaren barruan antolatu da, eta helburu du gazteenen artean karrera zientifikoetarako joera sustatzea, ikerkuntzaren hainbat alderdi erakutsita.