Sgikerren Zientziometria Unitateak Adimen Artifizialari eta ikerketa-jarduerari buruzko saio presentzial bat antolatu du Bilboko Ingeniari Eskolan, 2026ko maiatzaren 21ean, galdera honi erantzuteko asmoz: Nola bihur ditzake unibertsitate batek IA arduratsuaren printzipioak benetako gaitasun ikertzaile, irakasle eta ikasleentzat?

Aurkezpeneko bi orduetan, informazio zientifikoaren munduko hornitzaile nagusietako baten (Elsevier) langile tekniko eta komertzialek adimen artifizialaren erabilerari buruz mundu osoan akademikoek dituzten kezka nagusiak azaldu dituzte.

"IA sortzailea EHUn erabiltzeko printzipio eta gomendioek" egindako dokumentua goraipatu ondoren, enpresak proposatutako tresnaren ezaugarriak zehaztu dituzte: LeapSpace, ikertzaileari gai berriei, finantzaketa-iturriei, balizko kolaboratzaile eta ebaluatzaileei eta biltzar garrantzitsuei buruzko informazio garrantzitsua emateko gai dena, hori guztia IAren erabilerari esker, eta une oro lan-ingurune segurua eta fidagarria mantenduz. Ekitaldian, gainera, ikertzaileek eta Sgikerreko teknikariek planteatutako hainbat gai bildu ziren.