SAGARLUP: tradiziotik berrituz

SAGARLUP Adunako (Gipuzkoa) Zabala sagardotegiaren eta Euskal Herriko Unibertsitateko (EHU) Gipuzkoako Unitateko RMN-SGIker Zerbitzuko Iñaki Santos doktorearen arteko lankidetzatik sortutako produktu berria da.

SAGARLUP ez da lupulua gehituta duen sagardoa soilik, bertako sagar-zukua eta basoko lupuluak dituen edari hartzitua baizik. Bermuta "ardoa belarrekin" besterik ez den bezala, SAGARLUP ez da "sagardoa lupuluarekin".

SAGARLUP izen propioa duen kategoria bat da, bere euskal sustraiak (SAGARra, "sagarra" euskaraz) eta osagai bereizgarria (LUPulua, "lupulua") gogora ekartzen dituen hitza.

Lupulua ZABALA familiaren baserriko baratze pilotuaren 1.500 m²-etan hazten da eta sagarra, sagardotegiaren inguruan dituzten 8.000 sagarrondoetan. Beraz, zero kilometroko lehengaiekin egina.

RMN-SGIker Zerbitzuan, basa-lupuluaren bi barietateren karakterizazio kimikoa egin da. Azido mingotsak (humulona, lupulona), azido fenolikoak (xanthohumol), flabonoideak eta terpenoak aztertu ditu. SAGARLUPen hartzidura- eta heltze-prozesuari ere jarraitu zaio.