OINARRIZKO GAITASUNAK:



- Ikasleek bigarren hezkuntza orokorraren oinarritik abiatzen den ikasketa-arlo batean ezagutzak dituztela eta ulertzen dituztela frogatu izana, eta testuliburu aurreratuetan oinarritzen den maila batean aurkitu ohi da, bere ikasketa-eremuaren abangoardiatik datozen ezagutzak dakartzaten alderdi batzuk ere barne hartzen dituen maila batean.



- Ikasleek beren ezagutzak beren lanean edo bokazioan modu profesionalean aplikatzen jakitea, eta argudioak landuz eta defendatuz eta beren ikasketa-eremuan arazoak konponduz erakutsi ohi diren gaitasunak izatea.



- Ikasleek datu garrantzitsuak biltzeko eta interpretatzeko gaitasuna izatea (normalean, beren ikasketa-eremuan), gizarte-, zientzia- edo etika-arloko gai garrantzitsuei buruzko hausnarketa barne hartzen duten iritziak emateko.



- Ikasleek informazioa, ideiak, arazoak eta konponbideak transmititu ahal izatea publiko espezializatu zein espezializatu gabeari.



- Ikasleek ondorengo ikasketei autonomia handiz ekiteko beharrezkoak diren ikaskuntza-trebetasunak garatu izana.



GAITASUN OROKORRAK:



- Diziplinarteko planteamenduarekin ingurumen-proiektuak planifikatzea eta garatzea.



- Ingurumen-arloan lan profesionalak (irakaskuntza eta ikerkuntza barne) egiten dituzten lantaldeetan integratzea.



- Enpresan ingurumen-kudeaketako sistemak egitea, ezartzea eta mantentzea, eta osasunerako ingurumen-arriskuak ezagutzea, aztertzea eta prebenitzea.



- Proiektu, plan eta programen ingurumen-inpaktua ebaluatzea.



ZEHARTAKO GAITASUNAK:



- Aplikatutako gai bati buruzko informazioa hainbat iturritatik erabiltzeko, behar bezala interpretatzeko, ondorio esanguratsuak ateratzeko eta jendaurrean aurkezteko gai izatea.



GAITASUN ESPEZIFIKOAK:



- Enpresetan eta administrazioetan aplikatzekoak diren ingurumen-kudeaketako sistemei buruzko ezagutza orokorrak eskuratzea.



- Enpresan eta administrazioan ingurumen-kudeaketa planifikatzea eta garatzea, eskura dauden informatika-tresnak erabilita.



Ikastearen emaitzak:



1. Ikasleak energia-iturri konbentzionalak eta berriztagarriak sortzeko printzipioak identifikatzen eta ezagutzen ditu.



2. Ikasleak remu jasangarri batean ebaluatzen ditu energia-iturri berriztagarriak: eguzki-energia, eolikoa, hidraulikoa, biomasa, geotermia, etab.



3. Ikasleak energia berriztagarriei aplikatzen zaizkien sistema elektrikoaren alderdietan sakontzen du.



4. Ikasleak gaur egungo teknologia jasangarrienak erabiltzen eta aplikatzen ditu sorkuntzan, biltegiratzean eta kontsumoan, kontsumoa eta ingurumen-kutsadura murrizteko, osasuna eta ingurumena babesteko eta energia-sistemaren iraunkortasuna bermatzeko.



5. Ikasleak energia konbentzionalak ordezkatzen dituzten estrategia ekoeraginkorrak aztertzen eta inplementatzen ditu.



6. Ikasleak proposatutako alternatiba ekoeraginkorren irismena eta inplikazioak interpretatzen ditu, simulazio energetikoaren bidez.

1. Gaia: Egungo egoera energetikoa

Energia eta potentzia. Munduko energia-sistemen ezaugarriak. Energia primarioa. Energia elektrikoa. Sortze motak. Energiaren azken erabilera. Sistema energetikoa Europan eta Espainian. Instalatutako potentzia elektrikoa. Eskaera-kurba. Erabilera-orduak. Egungo energia-sistemaren eraginkortasuna. Mendekotasun energetikoa. Emisio kutsatzaileak. Energiaren kostua. Erregai fosilen arazoak (petrolioa, ikatza eta gas naturala).



2. Gaia: Energiaren agertoki alternatiboa

Alternatiba berriztagarria. Energiaren agertoki berriaren ezaugarriak. Sistema elektrikoa aldatzea. Energia-baliabide berriztagarriak. Ekoenergien ezaugarriak. Energia berriztagarria sortzeko sistemen funtzionamendu-printzipioak. Eolikoa, fotovoltaikoa, termosolarra, termoelektrikoa, minihidraulikoa, biomasakoa, geotermia, itsasoko energiak, kogenerazioa, sistema hibridoak. Energia biltegiratzeko sistemak. Sarera konektatzeko sistemak. Autokontsumoa. Balantze garbia. Komunitate energetikoak. Ekoizle-kontsumitzailea (Prosumitzailea). Smart City. Mugikortasun elektrikoa. Hidrogenoa.



3. Gaia: Energia-eraginkortasuna

Energia aurrezteko eta eraginkortasunez erabiltzeko ekintzak. Aplikazio-sektoreak. Eraikuntzako, argiztapeneko, garraioko eta bero- eta hotz-sareetako ekintzak. Energia-kontsumo ia nuluko eraikina. Passive house. Hiri jasangarriak. Mugikortasuna. Ekoeraginkortasunaren definizioa, helburuak eta oinarriak.



4. Gaia: Ekintza ekoeraginkorrak

Eskura dauden teknologiekin egin daitezkeen ekintza ekoeraginkorrak ebaluatzea, ekonomiari, eraginkortasunari eta ingurumen-inpaktuari dagokienez. Jasangarritasun-irizpideak, gizarte- eta ingurumen-konpromisoa, energiaren sorkuntzaren, garraioaren, banaketaren eta kontsumoaren esparruan aplikatzekoak direnak. Soluzio ekoeraginkorrak simulatzea.

Teoria klaseak irakaslearen azalpenen bidez gauzatzen dira, eta azalpen horietatik taldean egin beharreko zereginak, irakasleak proposatutakoak edo ikasleen ekimenez egindakoak sortzen dira.



Gelako praktiketan, taldean lan egiten da, irakaslearen laguntzarekin, ikasturtean egin beharreko hiru zereginetan. Zeregin horiek amaitzean, lanaren ahozko azalpena egiten da, gardenki, bideo edo posterraren laguntzarekin.



Ordenagailuko praktiketan proposatutako gaiei buruzko informazioa biltzeko eta simulatzeko hainbat jarduera egiten dira. Taldekako zereginak entregatzen eta ebaluatzen dira.



Landa-praktiketan, energia-sektoreko enpresak edota sistema ekoeraginkorrak dituzten instalazioak bisitatzen dira.

Ebaluazio jarraitua



Ebaluazio jarraituak hiru ebaluazio-bloke ditu:

- Praktikak egitea (ariketak, kasuak, landa-lana): % 20

- Talde-lanak: % 60

- Lanak erakustea, irakurketak. Banakako ariketak: % 20

(Epez kanpoko entregak % 20rekin zigortzen dira).



Ikasleek ebaluazio jarraituari uko egin diezaiokete, ikasturteko 9. astea baino lehen sinatutako idazkiaren bitartez ebaluazio jarraituari uko egiten diotela eta azken ebaluazioa aukeratzen dutela jakinaraziz irakasleari.



Azken ebaluazioa



Azkeneko ebaluazioa proba bakarraz osatuta dago ikasturtean garatutako edukien gainean eta bere balioa % 100 da.



Uko egitea



Ohiko deialdiaren azterketaren data ofizialera ez aurkezteak deialdira uko egite automatikoa berekin dakar eta kalifikazioa "Ez Aurkeztua" izango da.

eGela plataforman eskuragarri dagoen irakaskuntza-materiala.

Oinarrizko bibliografia

Gregorio Gil García. Energías del siglo XXI. De las energías fósiles a las alternativas. Madrid 2008. Ediciones Mundi- Prensa.

Xabier Elías Castells y Santiago Bordas Alsina. Energía, agua, medioambiente territorialidad y sostenibilidad. España 2011. Ediciones Diaz de Santos.

Norma Básica de la Edificación sobre Condiciones Térmicas NBE-CT-79, Madrid, 1979, MOPU

Mazria, Edward. El libro de la energía solar pasiva. Barcelona, 1983, Gustavo Gili

Manuales de Eficiencia Energética y Auditorías Energéticas del CADEN

Molina Igartua, Luis Alfonso, "Manual de eficiencia energética térmica en la industria", Bilbao 1993. Ente Vasco de la Energía.

Manuales de energías renovables: Minicentrales hidroeléctricas, energía eólica, energía e la biomasa, incineración de residuos sólidos urbanos, energía solar térmica, energía solar fotovoltaica. Madrid: IDAE.

El libro de les Energías Renovables, Colección ERA SOLAR Facturación. ADAE-Centro. Madrid, 1993.

L. Jutglar, I. Banyeras. Cogeneración de calor y electricidad. Ediciones CEAC.

José Mª Sala Lizarraga. Cogeneración. Servicio Editorial de la UPV/EHU.

Código Técnico de la Edificación © Copyright 2020

Acción de la UE en materia de energía y cambio climático (Análisis panorámico). Tribunal de cuentas Europeo. © Unión Europea, 2017

Estrategia a largo plazo para una economía española moderna, competitiva y climáticamente neutra en 2050. Ministerio para la Transición Ecológica y el Reto Demográfico. Madrid, noviembre 2020

Gehiago sakontzeko bibliografia

SZOKOLAY, S. V. Energía solar y edificación, Barcelona, 1979, Ed. H. Blume
WILSON, J. I. B. La energía solar, Madrid, 1982, Ed. Alhambra
RAMÓN MOLINER, Fernando. Iluminación natural en una situación urbana. Madrid, COAM

Aldizkariak

Energía. Ingeniería energética y medioambiental
Era solar
Revista Técnica de Energía Solar. Tecnología Térmica y Fotovoltaica
Energías renovables
Revista Energía. El economista
www.revista-anales.es/