Irakasgai honetan landuko diren gaitasun espezifikoak honakoak dira:



1. Mikroorganismoen dibertsitatea ezagutzea.

2. Mikroorganismoek ingurunean betetzen duten funtzioa azaltzea.

3. Mikroorganismoek industria-mailan duten baliagarritasuna estimatzea.

4. Mikroorganismoek giza-osasunean duten garrantzia baloratzea.

5. Lagin naturaletan dagoen mikroorganismoen dibertsitatea adieraztea.



Gainera, hurrengo zeharkako gaitasunak ere landuko dira:



1. Analisi, sintesi, antolaketa eta plangintza gaitasunak garatzea.

2. Pertsonen arteko harremanen gaitasuna garatzea, taldeko lana hobetzeko.

3. Arrazoibide zuhur eta kritikoa lantzea.

4. Ikaskuntza autonomoa ahalbidetuko duten tresnak eskuratzea.



Ikaskuntzaren emaitzak:

Ikasleak gai izango dira mikroorganismo prokarioto, eukarioto eta azelularren aniztasuna ulertzeko, bai eta horiek gizadiarentzat duten garrantzia ulertzeko ere, klase magistraletan haien aplikazioei, ziklo biogeokimikoetan parte hartzeari eta patogenizitate-mekanismoei buruz eskuratutako ezagutzetan oinarrituta. Irakasgaiaren irakaskuntza teorikoaren azterketan ebaluatuko da.



Ikasleak gai izango dira dibertsitate birikoarekin lotuta Interneten eskuragarri dauden datu-baseetako informazioa erabiltzeko. Esleituko zaizkien birus batzuen egiturazko, genomikako eta patogenizitateko alderdiei buruzko informazioa osatu behar dute ikasleek. Ikasgelan ebaluatuko da ariketak egiten diren bitartean edo irakasgaiaren irakaskuntza teorikoaren azterketan.



Ikasleak gai izango dira mikrobio-aniztasunaren alderdiren batekin lotutako informazioa hautatzeko eta termino egokiak erabiliz kontzeptu mikrobiologikoak jendaurrean azaltzeko. Gainera, dibulgazio-komunikabideetan argitaratzen den alderdi mikrobiologikoei buruzko informazioa kritikoki aztertu beharko du. Egin beharreko jarduera mintegiko lanean parte hartzea da. Memoria idatzien zuzentasuna, ahozko aurkezpenak eta lantaldean parte-hartze aktiboa oinarri hartuta ebaluatuko da.



Ikasleak hainbat mikroorganismo mota isolatzeko eta identifikatzeko gai izango dira laborategian, hainbat teknika, hazkuntza-ingurune eta inkubazio-baldintza erabiliz. Laborategiko praktikak egiten diren bitartean, ikasleek laginak behar bezala manipulatzen ikasiko dute, baita lan-eremuaren ordenaren eta garbitasunaren garrantzia, materiala behar bezala esterilizatzen/desinfektatzen eta hondakinak behar bezala ezabatzen ere. Laborategiko jarreraren ebaluazio jarraituaren bidez eta azterketa bat eginez ebaluatuko da.

Teoria eskolak:



1 Gaia. Mikroorganismoen taxonomia eta dibertsitatea.

Kontzeptua. Ezaugarri taxonomikoak eta beraien zehaztapena. Sailkapen-sistemak. Mikroorganismoen filogenia.

2 Gaia. Arkeoak.

Arkeoen ezaugarri orokorrak. Arkeoen sailkapena. Haloarkeoak. Metanogenoak. Arkeo termofiloak eta hipertermofiloak.

3 Gaia. Proteobakterioak.

Proteobakterioen aniztasuna. Heste-proteobakterioak. Vibrio eta antzeko generoak. Pseudomonas. Beste proteobakterio batzuk.

4 Gaia. Beste bakterio Gram negatibo batzuk.

Zianobakterioak eta beste bakterio fototrofo batzuk. Bacteria Domeinuaren antzineko adarrak. Planktomizetoak. Klamidioak. Espiroketoak.

5 Gaia. Bakterio Gram positiboak eta antzekoak.

Firmicutes Phylum-a. Tenericutes Phylum-a. Actinobacteria Phylum-a.

6 Gaia. Onddoak.

Onddoen ezaugarri orokorrak. Ondoen identifikazioa. Sailkapena eta talde nagusiak.

7 Gaia. Protistak.

Protisten ezaugarri orokorrak. Sailkapena eta talde nagusiak.

8 Gaia. Birusen orokortasunak.

Birioiaren egitura. Birusak ikertzeko metodoak.

9 Gaia. Birusen ugalketa-ziklo desberdinak.

Aurkezpena. Ziklo litikoa. Ziklo lisogenikoa. Birusen infekzioak zelula ostalarian eragindako ondorioak.

10 Gaia. Birusen taxonomia eta dibertsitatea. Beste zoltzaile azpizelular batzuk.

Birusen sailkapena. Prokariotoen birusak. Eukariotoen birusak. Biroideak eta prioiak.

11 Gaia. Mikroorganismoak eta beste bizidun batzuen arteko harremanak.

Mikroorganismoen arteko harremanak. Mikroorganismo-landareen arteko harremanak. Mikroorganismo-animalien arteko harremanak. Mikroorganismoak eta gaixotasun infekziosoak.

12 Gaia. Mikroorganismoak ingurumenean.

Mikroorganismoen ekologia arloan erabilitako metodoak. Ziklo biogeokimikoak. Mikroorganismoen ekosistemak.

13 Gaia. Industri Mikrobiologia eta Mikrobiologia Aplikatua.

Mikroorganismoak eta elikagaiak. Industri Mikrobiologiaren ekoizkin nagusiak. Biodegradazioa eta biorremediatzea.



Praktika eskolak:



1. Mikroorganismoen isolaketa eta identifikazioa. Isolaketa-teknikak. Kultibo-medio hautakorrak. Kultibio-medio bereizgarriak.

2. Interes aplikagarria duten mikroorganismoen behaketa. Esnekiak egiteko erabiltzen diren mikroorganismoak.

3. Mikroorganismo eukariotoen behaketa. Legamien eta onddo firukarien behaketa. Protisten behaketa.

4. Bakteriofagoen detekzioa. Bakteriofagoen aurreko sentikortasuna. Soilguneen detekzioa.

- Eskoletan irakasleak egingo duen teoriaren azalpena.

- Ikasitako kontzeptuen aplikazio esperimentala.

- Irakasgaiarekin erlazionatutako gai espezifikoen prestapena, aurkezpena, eta eztabaida.

- Zalantzen ebazpena eta orientazioa.

- Proba idatziak eta praktikoak.

Irakasgai honen ebaluazioa Graduko Titulazio Ofizialetako Ikasleen Ebaluaziorako Arautegia izeneko dokumentuan oinarritzen da (https://www.euskadi.eus/y22-bopv/es/p43aBOPVWebWar/VerParalelo.do?cd2017001311).



Lehentasunezko ebaluazioa: "Etengabeko ebaluazioa".



Irakaskuntza teorikoaren ebaluazioa (kalifikazio osoaren %60, gutxieneko nota 5/10) azterketa bakar baten bidez egingo da, eta test motako galderak izango ditu.



Irakaskuntza praktikoaren ebaluazioa (kalifikazio osoaren %25, gutxieneko nota 5/10) test motako azterketa baten bidez egingo da.



Mintegi monografikoak ebaluatzeko (kalifikazio osoaren: %15) idatzizko lanaren zein ahozko aurkezpenaren kalitatea, edukinaren egokitasuna baita informazio-igorpenaren eraginkortasuna ere, hartuko dira kontuan.



Irakasgaia kalifikatzeko 3 jarduera posibleen (azterketa teorikoa, eskola praktikoak, mintegiak) notak batuko dira, azterketa teorikoa eta praktikak gaindituta badaude. Horrelakoa ez bada, ikaslearen gehieneko kalifikazio orokorra 4/10 izango da.



Ordezko Ebaluazioa: "Azkeneko ebaluazioa".



Indarreko Arautegiaren arabera “Ikasleek eskubidea izango dute azken ebaluazio bidez ebaluatuak izateko, etengabeko ebaluazioan parte hartu zein ez hartu. Eskubide hori baliatzeko, ikasleak etengabeko ebaluazioari uko egiten diola jasotzen duen idatzi bat aurkeztu beharko dio irakasgaiaren ardura duen irakasleari”. Etengabeko ebaluazioari uko egitearen aurkezpen epea eskola magistralen azken egunean bukatuko da.



Azken ebaluazioa bi jardueren bidez burutuko da: azken azterketa (kalifikazio osoaren: %75, gutxieneko nota: 5/10) eta praktiketako azterketa (kalifikazio osoaren: %25, gutxieneko nota: 5/10).



Teoria eta praktikak ebaluatzeko etengabeko ebaluazioan azaldutako irizpide berberak erabiliko dira.



Ohiko deialdiari uko egitea. Azkeneko zein etengabeko ebaluazioaren kasuan, nahikoa izango da proba horretara ez aurkeztea azken kalifikazioa "Ez aurkeztua" izan dadin.



Irakasgaiko ebaluazio probetan ikasleek debekatuta izango dute liburuak, oharrak edo apunteak erabiltzea, bai eta tresna edo gailu telefoniko, elektroniko, informatiko edo bestelakoak erabiltzea ere. Jokabide makur eta iruzurrezkoren bat gertatzekotan, UPV/EHUko ebaluazio probetan eta lan akademikoetan jokabide makur eta iruzurrezkoak eragozteari eta etika akademikoari buruzko protokoloan zehazten dena aplikatuko da.

1. Praktika protokolo eta koadernoa.
2. Laborategiko mantala.
3. Errotulatzaile iraunkorra.

Oinarrizko bibliografia

- Madigan, M.T.; Martinko, J.M.; Bender, K.S.; Buckley, D.H.; Stahl, D.A. (2015). Brock Biología de los Microorganismos. 14ª Ed.(castellano). Pearson-Prentice Hall, Madrid. ISBN: 978-03-2189-739-8.

- Madigan, M.T.; Bender, K.S.; Buckley, D.H.; Sattley, W.M.; Stahl, D.A. (2022). Brock Biology of Microorganisms (16th Edition, Global Edition). Pearson, London. ISBN: 1-292-40479-5 / 978-1-292-40479-0 / 978-1-292-40506-3.

- Martín, M.; Béjar V.; Gutiérrez J.C.; Llagostera M.; Quesada E. (2018). Microbiología Esencial. Editorial Médica panamericana. Madrid. ISBN: 978-84-9835-786-8.

- Willey, J.M.; Sherwood, L.M.; Woolverton, C.J. (2009). Microbiología de Prescott, Harley y Klein. 7ª Ed. (castellano). MacGraw-Hill Interamericana, Madrid.ISBN: 978-84-4816-827-8.

- Willey, J.M.; Sandman, K.; Wood, D.. (2023). Prescott's Microbiology 12th Edición . MacGraw-Hill Education, New York. ISBN: 978-1-265-12303-1.

- Tortora, G.J.; Funke, B.R.; Case, C.L. (2017). Introducción a la Microbiología 12ª Ed.(castellano). Editorial Médica Panamericana, Madrid. ISBN: 978-95-0069-540-4.

- Abbas, A.K., Lichtman, A.H.; PIllai, S. (2022) Inmunología celular y molecular (10 edición). Elsevier España. ISBN:978-84-1382-206-8.

- Arregui L.; Calvo, P.; Martín, M.; Patiño, B.; Pérez, B.; Serrano, S.; de Silóniz, M. I.; Vázquez, C. (2014). Microbiología. Cuestiones y casos prácticos resueltos. Editorial Pearson, Madrid. ISBN: 978-84-9035-459.

Gehiago sakontzeko bibliografia

- Rosenberg E.; DeLong E.F.; Lory S., Stackebrandt E., Thompson F. (Editores) (2014) The Prokaryotes. Vols. 1-11, 4ª ed. Springer-Verlag, New York.
- Hausmann, K.; Hülsmann, N. (1996). Protozoology. Thieme Medical Publishers Inc., Stuttgart.
- Wagner E.K. y otros. (2007). Basic Virology, 3ª ed. Wiley, Hoboken.
- Webster, J.; Weber, R. (2007). Introduction to the Fungi. Cambridge University Press, Cambridge.
- Hoggs, S. (2005). Essential Microbiology. Wiley, Hoboken.

Aldizkariak

Investigación y Ciencia.
Nature Reviews Microbiology.
Elhuyar. Zientzia eta Teknologia.