Mikrobiologia eta Parasitologia Klinikoko irakasgaiak hurrengo gaitasun espezifikoak lortzen laguntzen du:

1. Mikrobiologia eta Parasitologia Klinikoko laborategiaren segurtasun-, kontrol- eta kalitate- jarraibide eta elementuak ezagutzea eta erabiltzea.

2. Etiologia edo sindrome infekziosoa lagin kliniko mota bakoitzarekin lotzea.

3. Lagin kliniko mota desberdinen hartze zuzenerako, garraiorako eta prozesatzerako jarraibideak eta prozedurak ezagutzea eta identifikatzea.

4. Gaixotasun mikrobiologiko eta parasitolologikoen diagnostikoan erabilitako metodo eta tekniken oinarriak ulertzea, hala nola beren diagnostiko-erabilgarritasuna.

5. Diagnostiko-metodo desberdinen bitartez lortutako emaitzak analizatzea eta interpretatzea.

6. Farmako ezberdinekiko sentikortasun antimikrobianoa zehaztea

7. Hausnarketa-, azterketa- eta interpretazio-ohiturak garatzea, eskuratutako ezagutzak planteatutako prestakuntza-jardueren ebazpenean aplikatu ahal izateko.



Gainera, hurrengo titulazio-gaitasunak lantzen ditu zeharki:

1 Ahoz nahiz idatziz garatu beharreko komunikazio eta informaziorako gaitasunak garatzea, lanbide-jarduna burutzeko osasun-guneetako gaixo eta erabiltzaileekiko harremanetan jarduteko. Diziplina anitzeko taldeetan lanerako eta lankidetzarako eta osasun-profesionalekiko gaitasunak sustatzea.

2 Erreaktiboak, metodo eta teknika analitiko klinikoak diseinatu, aplikatu eta balioestea, analisi klinikoetarako oinarrizko funtsak eta laborategirako diagnosi-diktamenen ezaugarriak eta edukiak jakinda.

3. Norberaren mugak eta lanbide-gaitasuna mantendu eta eguneratzeko premia aitortzea, eskura duen ebidentzia zientifikoaren argitara, jakintza berrien autoikasketari berebiziko azpimarra jarrita.

4. Metodo zientifikoa aplikatzen jakitea eta gaitasunak berenganatzea legeria, informazio-iturriak, bibliografia baliatzerakoan, protokoloak egiterakoan eta saiakuntza kliniko eta klinika-aurrekoak diseinatu eta balioesteko behar diren bestelako gai eta alderdiak ere.

UPV/EHUko Zeharkako Gaitasunen Katalogoan (2019) definitutako ikasle guztientzako zeharkako gaitasun komunak kontuan hartuta, irakasgai honetan lantzen diren konpetentzien multzoa, definitutako zeharkako zortzi konpetentzia komunetatik seiri dagozkie: Autonomia eta autoerregulazioa; Gizarte-konpromisoa; Komunikazioa eta eleaniztasuna; Etika eta lanbide-erantzukizuna; Pentsamendu kritikoa; eta Talde-lana.



IKASKUNTZA-EMAITZAK

Egokiro jorratu bada, ikastaroa amaitzean irakasgaian parte hartu duen ikasleak: - 1. Mikrobiologia klinikoko profesionalen zeregina eta erantzukizunak ulertzen ditu.

2. Gizakiaren gaixotasun infekziosoen diagnostiko mikrobiologikoko metodo zuzenak eta zeharkakoak ezagutzen ditu.

3. Teknika diagnostikoen aplikazioak bereizten ditu, sindrome infekziosoaren arabera.

4. Erabilgarritasuneko diagnostiko-protokolo bat garatzen du, eta, horretarako, egoera eta sindrome infekzioso jakin batekin bat datozen proba egokiak hautatzen ditu.

5. Diziplina ulertzeko, osasun-zientzietako profesionalekin interakzionatzeko eta informazio zientifikoaren idatzizko komunikazio egokirako beharrezkoa den hizkuntza mikrobiologikoa ezagutu eta erabiltzen du

6. Mikrobiologia klinikoko laborategian modu egokian lan egiten du, segurtasuna eta hondakinen beharbezalako manipulatzea eta ezabatzea barne.

7. Mikroorganismo patogenoak identifikatzen ditu, mikrobiologia klinikoko laborategian, diagnostikorako proba ezberdinen bidez.

8. Bakterio patogenoen antimikrobianoekiko sentikortasuna zehazten du.

9. Taldean behar bezala lan egiten du

EDUKI TEORIKOA

Eduki teorikoa 3 gai-bloke edo unitate didaktikoetan taldekatuta dauden 25 ikasgaietan dago antolatuta.

I. SARRERA

1go ikasgaia. Mikrobiologiako eta Parasitologia Klinikoko gaurko arrazoia eta testuingurua

2. ikasgaia. Mikrobiologia- eta Parasitologia-laborategiko segurtasuna eta kalitate-kontrola

II. MICROBIOLOGIA KLINIKOA

3. ikasgaia. Gaixotasun infekziosoaren ezarpena

4. ikasgaia. Diagnostiko mikrobiologikoko metodo klasikoak

5. ikasgaia. Diagnostiko mikrobiologikoko metodo azkarrak: metodo serologiko eta molekularrak.

6. ikasgaia. Mikroorganismoen kontrola: eragile antimikrobianoak eta sentikortasun probak

7. ikasgaia. Nerbio Sistema Zentraleko infekzioen laborategiko diagnostikoa

8. Ikasgaia. Zirkulazio aparatuko infekzioen laborategiko diagnostikoa.

9. ikasgaia. Gernu-traktuko infekzioen laborategiko diagnostikoa.

10. ikasgaia. Sexu-transmisiozko gaixotasunen laborategiko diagnostikoa.

11. ikasgaia. Traktu gastrointestinaleko infekzioen eta elikadura-intoxikazioen diagnostikoa

12. ikasgaia. Goi arnas-bideetako infekzioen laborategiko diagnostikoa.

13. Ikasgaia. Behe arnas-bideetako infekzioen laborategiko diagnostikoa.

14. ikasgaia. Bestelako infekzioen laborategiko diagnostikoa.

III. PARASITOLOGIA KLINIKOA

15. ikasgaia. Gaixotasun parasitarioaren ezarpena.

16. ikasgaia. Gaixotasun parasitarioen diagnostiko-metodoak.

17. ikasgaia. Enteroparasitosien diagnostiko parasitologikoa: azterketa koproparasitarioa I

18. ikasgaia. Enteroparasitosien diagnostiko parasitologikoa: azterketa koproparasitarioa II.

19. ikasgaia. Enteroparasitosi batzuen diagnostikoko metodo bereziak.

20. ikasgaia. Parasitosi urogenitalen diagnostikoa

21. ikasgaia. Hemoparasitosien diagnostikoa.

22. ikasgaia. Ehunetako parasitosien diagnostikoa

23. ikasgaia. Ektoparasitosien diagnostikoa

24. ikasgaia. Parasitosien diagnostiko immunologikoa.

25. ikasgaia. Teknika immunologikoen erabilera parasitosien diagnostikoan



EDUKI PRAKTIKOA

Eduki praktikoa hamar praktikatan banatuta dago. Praktika horiek lau orduko iraupena izango duten elkarren segidako bost saiotan (astelehenetik ostiralera) burutuko dira.

Praktika 1 Meningitis bakteriano eta fungikoaren diagnostiko mikrobiologikoa

2. Praktika. Gernu-infekzioen diagnostiko mikrobiologikoa

3. Praktika. Arnas traktuko infekzioen diagnostiko mikrobiologikoa

4. Praktika. Gastroenteritis infekziosoen diagnostiko mikrobiologikoa

5. Praktika. Larruazaleko eta ehun bigunetako infekzioen diagnostiko mikrobiologikoa

6. Praktika Sexu-transmisiozko infekzioen diagnostiko mikrobiologikoa

7. Praktika. Zirkulazio-uholdeko infekzioen diagnostiko mikrobiologikoa

8. Praktika. Antimikrobianoekiko sentikortasuna

9. Praktika. Enteroparasitoen diagnostiko parasitologikoa

10. Praktika. Hemoparasitoen diagnostiko parasitologikoa

Irakasgai honetan hainbat irakaskuntza-metodologia erabiltzen dira:



Metodologia magistralean azalpen-klaseak emango dira, zeintzuetan irakasleak programa teorikoaren gaiak azalduko dituen. Irakaslearen aldetik azalpenezko saioak izanez ere, ikasleen parte-hartze aktiboa sustatuko da galderen eta kasuen gogoetazko eztabaidaren bitartez, hala nola planteatutako suposizio praktikoen ebazpen posibleen bidez.



Programa teorikoaren atal bat irakaskuntzako metodologia aktiboko jardueren bidez jorratuko da. Uneko ikasturteko jarduerak, taldean la egiteko AOI (Arazoen ebazpenean Oinarriturako Ikaskuntza) bat eta Kasuaren Metodo bat, “Contribuyendo a los ODS 2030 desde la formación de profesionales en Farmacia” izeneko IKD i3 proiektuaren barruan diseinatu dira. Jarduera hauei esker, ikasleek beren ezagutza modu aktiboan eraiki ahal izango dute, informazioa bilatzeko eta aztertzeko trebetasunak sustatuko baitituzte, bai eta ezagutza komunikatzeko eta transmititzeko trebetasunak ere. Gainera, informazio teorikoa ulertzen lagunduko dute, egoera praktiko baten analisitik abiatuta.



Laborategiko praktiken helburua Mikrobiologiako eta Parasitologia klinikoko laborategi batean egiten diren teknikak ezagutzea, aplikatzea eta maneiatzea da. Gehienez 20 ikasleko taldeetan egiten dira. Ikasleek, bikoteka antolatuta eta irakasleek gainbegiratuta, Mikrobiologiako eta Parasitologia Klinikoko laborategietan erabiltzen diren diagnostiko mikrobiologiko eta parasitologikoko metodo eta teknika batzuk praktikan jarriko dituzte, esleitutako lagin klinikoetatik abiatuta. Horrela, ikasgaiaren ezagutza teorikoetan sakonduko dute, eta teknika diagnostikoetan ezagutzak eta trebetasunak eskuratuko dituzte.

EBALUAZIO ETENGABEA



Irakasgaiaren ebaluazioa ETENGABEA izango da eta ondorengoaz osatuta egongo da:



-Kasu kliniko baten ebazpenean eta idatzizko txosten baten prestaketa, taldeka. Hartarako lantalde bakoitzari kasu erreal bat proposatuko zaie, ikasleak egoera partikularretan jarriko dituzten galderak eta suposizioekin batera. Lan hau egin ahal izateko ezinbestekoa izango da lantaldearen eta irakaslearen arteko komunikazioa eta feedback-a. Balioa: azkeneko notaren gaineko % 15, txostenaren eduki zientifikoaren ebaluazioa (%50) eta idatzizko komunikaziorena (%50) barneratzen dituelarik



-Problematan Oinarritutako Ikasketa (POI). Eduki teorikoaren atal bat ikasketa kooperatiboko metodologia aktiboen bitartez landuko da. Balioa: azkeneko notaren gaineko % 15, POI-jardueren banakako ebaluazioa (%50) eta taldekakoa (%50) barneratzen dituena



-Amaierako froga integratzailea (banakakoa), erantzun anitzeko test motako galderaz osatutakoa. Galdera bakoitzak zuzena den erantzun bakarra izango du, puntu bateko balioarekin, eta huts bakoitzak 0,33 puntu kenduko ditu. Frogak ikasgaian bereganatutako eduki teorikoak eta praktikoak ebaluatuko ditu, eta hau gainditzeko ezinbestekoa izango da irakasgaian landu diren konpetentzia guztiei buruzko ezaguera orekatua lortu dela erakustea. Balioa: azkeneko notaren gaineko %70

Azkeneko kalifikazioa aurreko kalifikazioak gehituz lortuko da, baina BEHARREZKOA da etengabeko ebaluazioa osatzen duten froga guztiak bere kabuz gainditzea (Kasu klinikoa, POI, bukaerako froga).



EBALUAZIO FINALA:



Etengabeko ebaluazioan parte hartu nahi ez duten ikasleek aipaturiko ebaluazioari uko egiteko aukera izango dute lauhilekoko lehen 9 asteetan zehar. Hartarako, esandako epean sinatutako uko egitearen eskaera aurkeztu behar izango diote irakasgaiko irakasleari. Kasu honetan, irakasgaiaren ikasketa-emaitzen lorpena ebaluazio final baten bidez akreditatuko dute. Hau ondorengoaz osatuta egongo da:



-Bukaerako froga integratzailea (banakakoa). Balioa: irakasgaiaren notaren %100a. Froga hau test motako galderaz (erantzun anitzekoak, puntu bateko balioarekin bakoitza, erantzunetako bat soilik zuzena izanik eta huts bakoitzak 0,33 puntu kentzen dituelarik) eta galdera irekiez eta/edo ebatzi beharreko kasu klinikoez osatuta egongo da. Galdera mota bakoitzaren pisua froga honetan hamar puntuen gaineko 7 eta 3 puntuetakoa izango da, hurrenez hurren, test motako eta galdera irekientzako. Frogak ikasgaian bereganatutako eduki teoriko eta praktiko guztiak ebaluatuko ditu.

Kasu honetan, irakasgaia gainditzeko EZINBESTEKOA izango da amaierako froga integratzailea gainditzea.



DEIALDIARI UKO EGITEA

Bai ebaluazio etengabean zein azken ebaluazioan azterketa egun ofizialean egin beharreko probara ez aurkezte hutsak ekarriko du automatikoki deialdiari uko egitea. Deialdiari uko egiten dioten ikasleek «aurkezteke» kalifikazioa jasoko dute.



PRAKTIKEI BURUZKO AIPAMENA

Oso gomendagarria da IKASLE GUZTIAK klase praktikoetara bertara daitezela, parte hartzen duteneko ebaluazio mota edozein izanda. Edozein motibo dela praktiketara bertaratu ezin diren ikasleen kasuan, praktikei loturiko gaitasunen ebaluazioa banakako froga baten bidez gauzatuko da, praktiketako laborategian burutuko dena. Salbuespen gisa, uneko ikasturtean (23-24) laborategiko praktiketara bertaratzen ez diren baina aurreko ikasturtean (22-23) bertaratu zirenen ikasleentzat soilik, aipaturiko gaitasunen ebaluazioa laborategiko froga baten bitartez egitea ez da beharrezkoa izango. Praktiketara ez bertaratzekotan, irakasleari 15 eguneko aurrerapen minimoarekin abisatu beharko zaio.

Laborategiko praktiketara eraman beharreko materiala:
 Koadernoa
 Laborategiko amantala
 Berarentzako errotuladorea
 Metxeroa / pospoloak
 Ilea lotzekoa

Oinarrizko bibliografia

 Cordero del Campillo M, Rojo Vázquez FA. Parasitología General. Mc Graw Hill Interamericana; 2007.

 D T John, W A Petri. Markell and Voge's Medical Parasitology. 9th ed. London. Saunders (W.B.) Co Ltd.; 2006.

 Gallego Berenguer J. Manual de Parasitología. Morfología y Biología de los Parásitos de Interés Sanitario. Publicacions i Edicions de la Universitat de Barcelona; 2007.

 García LS. Diagnostic Medical Parasitology. 5th ed. AMS Press, Washington D.C.; 2007.

 García LS. Practical Guide to Diagnostic Parasitology. 2nd ed. ASM Press. Washington DC.; 2009.

 Goering R, Dockrell H, Zuckerman M, Roitt I, Chiodini PL. Mims' Medical Microbiology and Immunology 6th ed. Saunders Elsevier; 2018.

 Lawrence A, Orihel T. Atlas de parasitología humana. 5ª Edición. Buenos Aires. Editorial Médica Panamericana; 2010.

 Mahon CR, Lehman DC. Diagnóstico Microbiológico. 6ª ed., Editorial AMOLCA; 2020

 Mahon CR, Lehman DC. Textbook of Diagnostic Microbiology. 6th ed. Editorial Saunders Elsevier; 2018.

 Murray PR, Rosenthal KS, Pfaller MA. Medical microbiology. 9th ed. Elsevier; 2020.

 Murray PR, Rosenthal KS, Pfaller MA. Microbiología médica. 9ª ed. Elsevier; 2021.

 Prats G. Microbiología y Parasitología Médicas. Editorial Panamericana; 2013.

 Procop GW, Church DL, Hall GS, Janda WM, Koneman EW and cols. Koneman's Color Atlas and Textbook of Diagnostic Microbiology. 7th ed. Wolters Kluwer; 2017.

 Procop GW, Church DL, Hall GS, Janda WM, Koneman EW y cols. Diagnóstico Microbiológico. Texto y Atlas en color. 7a ed. Wolters Kluwer; 2017.

 Roberts L, Janovy, Schmidt GD, Roberts L. Foundations of Parasitology. 8th ed. McGraw Hill. 2009.

 Ryan KJ, Ray CG. Sherris Medical microbiology. 7th ed. McGraw-Hill; 2018.

 Ryan KJ, Ray CG. Sherris Microbiología médica. 6ª ed. McGraw-Hill; 2017.

 Tille PM. Bailey & Scott's Diagnostic Microbiology. 15th ed. Mosby Elsevier; 2021.

Gehiago sakontzeko bibliografia

 Carroll KC, Pfaller MA, Funke G, Landry ML, Mc Adam AJ, Patel R, Richter SS, Warnock DW. Manual of clinical microbiology. 12th ed. Editorial ASM Press; 2019. (solicitado)
 Farrar J, Hotez P, Junghanss T, Kang G, Lalloo D, White NJ. Manson's Tropical Diseases. 23rd ed. Saunders Ltd.; 2014
 Guillermo Quindós Andrés. Micología Clínica. Elsevier; 2015