XSLaren edukia
Sistemen eta Sareen Administrazioa
- Ikastegia
- Informatika Fakultatea
- Titulazioa
- Informatikaren Ingeniaritzako Gradua
- Ikasturtea
- 2019/20
- Maila
- X
- Kreditu kopurua
- 6
- Hizkuntzak
- Gaztelania
- Euskara
IrakaskuntzaToggle Navigation
Irakaskuntza mota | Ikasgelako eskola-orduak | Ikaslearen ikasgelaz kanpoko jardueren orduak |
---|---|---|
Magistrala | 20 | 30 |
Laborategiko p. | 40 | 60 |
Irakaskuntza-gidaToggle Navigation
HelburuakToggle Navigation
Ikasgai honen helburu nagusia sistemen eta sareen administrazioari lotutako
funtzioak eta ardurak deskribatzea da, bi arlotan sailkatuz. Alde batetik
sistema autonomoaren administrazioa lantzen da (kontuen eta sistemaren
baliabideen kudeaketa). Bigarren arloan aurreko sistema bera sarean integratzen
da, lotutako zerbitzuekin batera. Segurtasun aldetik betebeharrekoak ere
aurkeztu eta praktikan jarriko dira.
Ikasgaian Informatikako Adarraren ondorengo gaitasunak garatzen dira:
- Sistema, zerbitzu eta aplikazio informatikoen ezagutza eta haiek
kudeatzeko eta mantentzeko gaitasuna (IA5).
- Sistema eragileen ezaugarriak, funtzionalitateak eta egitura ezagutzea
eta aplikatzea, eta haien zerbitzuetan oinarritutako aplikazioak
diseinatzeko eta gauzatzeko gaitasuna (IA10).
- Sistema banatuen, konputagailu-sareen eta internetaren ezaugarriak,
funtzionalitateak eta egitura ezagutzea eta aplikatzea, eta haietan
oinarritutako aplikazioak diseinatzeko eta gauzatzeko gaitasuna (IA11).
Aurrekoez gain, Konputagailuen Ingeniaritza (KI) espezialitatearen
ondorengo gaitasunak ere landuko dira:
- Sistemako eta komunikazioetarako softwarea diseinatzeko eta sortzeko
gaitasuna (KI4).
- Sistema informatikoen bermea eta segurtasuna ulertzeko, erabiltzeko eta
kudeatzeko gaitasuna (KI6).
- Konputagailu-sareak diseinatzeko, garatzeko, administratzeko eta
kudeatzeko gaitasuna (KI8).
Irakasgai-zerrendaToggle Navigation
1. gaia. Sarrera.
Administrazioaren atazak; sistemen administratzailearen funtzioak
eta Sarrera. Tresnak.
2. gaia. Oinarrizko scripting.
Oinarrizko kontzeptuak. Programazioa.
3. gaia. Baliabideen kudeaketa.
Fitxategi-sistema. Lan-ingurunea.
Erabiltzaileen kontuak, taldeak eta kontabilitatea.
4. gaia. Sistemaren hasieratzea eta gelditzea.
Atazen eta zerbitzuen hasierako konfigurazioa.
Prozesu periodikoak. Instalatutako softwarearen kudeaketa.
5. gaia. Segurtasuneko oinarrizko aldeak.
Segurtasun kopiak. Tresnak.
6. gaia. Sareko konfigurazioa.
Zerbitzariak eta segurtasuna. Suhesiak.
7. gaia. Sare lokaleko zerbitzuak.
Sareko biltegiratze-zerbitzuak (NFS, Samba). Partekatutako
konfiguratze-zerbitzuak (NIS). Kautotze-zerbitzuak (LDAP).
Zerbitzu-laguntzaileak (DHCP).
8. gaia. Internet-zerbitzuak.
Izen-zerbitzua (DNS). Korreo-zerbitzua. Web-zerbitzua (Apache).
SSH eta VPN.
9. gaia. Proiektua.
Sistemen administrazioari lotutako zerbitzu baten diseinua,
konfigurazioa eta inplementazioa. Ikasleak berak proposatutako
zerbitzu bat aztertu eta inplementatu beharko du eta ondoren
horren demostrazioa aurkeztu.
MetodologiaToggle Navigation
Ikasgai honetan jarduera batzuk proposatzen dira, batez ere metodologia
aktiboetan oinarrituta:
- Klase magistralak: bertan oinarri teorikoak aurkezten dira, horiek
praktikan jarriko dituzten laborategiekin batera.
- Laborategiak eta haien jarraipena: laborategiak gaika antolatuta daude.
Laborategi bakoitzean gaiarekin lotutako kontzeptuak aurkeztu ondoren,
planteatutako ariketak egin beharko dira. Ariketa horien ebazpenak Ariketen
koadernoa izeneko dokumentuan metatu beharko dira. Dokumentu honek ikaslearen
lana defendatzeko balioko du, elkarrizketa pertsonal batekin batera.
- Ikasgaiaren proiektua: ikaslea aztertu, diseinatu eta inplementatu
beharko du sistemen administrazioarekin lotutako zerbitzu bat. Horrez
gain, zerbitzu horren funtzionamenduaren demostrazioa ere egin beharko
du. Jarduera hau bakarrik edo taldean egin beharko da, proiektuaren
lan-kargaren arabera.
Ebaluazio-sistemakToggle Navigation
Bi motako ebaluazio posible daude; globala (edo bukaerakoa) eta jarraitua. Ikasle bakoitzak hautatu ahal izango du posible/nahiago duena bien artean.
- Ebaluazio jarraitua borondatezkoa da. Ikasleak esplizituki eskatu
beharko du eta horrek dakar ikasleak onartzen duela lotutako
ebaluatzeko modua (ondoren azalduko dena). Gerora posible izango
da ebaluazio honi uko egitea, baina lauhilekoaren %60 luzera pasa
ez bada.
Ebaluazio honetan ondorengo probak hartuko dira kontutan,
bukaerako notan duten pisuarekin batera:
Pisua Proba
------- -------------------------------------------------------------
% 15-20 Parte-hartze aktiboa gelako saioetan eta jardueren jarraipena
% 50-60 Ikasgaiaren jarraipenari lotutako idatzizko probak
% 20-30 Proiektua eta bere aurkezpena
Oharra: pisuak balio tartetan adierazita daude, ikasturte
zehatzaren gorabeherak aintzat hartzeko.
- Bukaerako ebaluaketa da besterik ezean erabiliko den
ebaluaketa-modua. Bi proba daude:
Pisua Proba
----- -----------------------------------------------
% 80 Deialdi ofizialeko azterketa (urtarrila/ekaina)
% 20 Proiektua (% 15) eta bere aurkezpena (% 5)
Bi kasuetan adierazitako proba guztiak derrigorrezkoak dira. Ikasgaia gainditzeko proba guztietan gutxienez 4 bat lortu beharko da eta proba guztietan batez bestekoan 5 lortu. Irakaslearekiko elkarrizketa ere egin beharko da.
BibliografiaToggle Navigation
Oinarrizko bibliografia
[1] I. Alegria and R. Cortiñas. Sistemen Administrazioa / Administración de
Sistemas. Technical Report EHU-KAT-IR-02-10, UPV/EHU, 2010. (Moodle).
[2] Iñaki Alegria, Roberto Cortiñas, and Mikel Larrea. Scripting. Technical
Report EHU-KAT-IR-01-10, UPV/EHU, 2010. (Moodle).
[3] Iñaki Alegria and Roberto Cortiñas. Linux, sistemaren eta sarearen
administrazioa. Udako Euskal Unibertsitatea, 2008. ISBN 978-84-8438-178-5.
322 pp.
Gehiago sakontzeko bibliografia
[4] Ællen Frisch. Essential System Administration. O’Reilly, 2nd edition,
December 1995. ISBN 1-56592-127-5. 758 pp.
[5] M. G. Sobell. A Practical Guide to Ubuntu Linux. Prentice Hall, 3rd
edition, 2010. ISBN 978-0132542487. 1251 pp.
http://proquestcombo.safaribooksonline.com/9780768681406.
[6] M. G. Sobell. Administración de sistemas Linux. Anaya Multimedia, 2009.
ISBN 978-84-415-2688-4. 3
[7] M. D. Bauer. Linux Server Security. O’Reilly, 2nd edition, 2005. 522 pp.
[8] J. Ma. Rivadeneyra. TCP/IP sareak. Udako Euskal Unibertsitatea, 3rd
edition, 2009. ISBN 978-84-8438-235-5. 268 pp.
[9] Craig Hunt. TCP/IP Network administration. O’Reilly Media, 2002. ISBN
1-4493-8714-4.
http://books.google.es/books?id=A_LL2LQASdoC&printsec=frontcover&dq=network+
administration&hl=es&sa=X&ei=eQoUT4OGMcWyhAeVrfycAg&ved=0CEQQ6AEwAw#v=
onepage&q=network%20administration&f=false.
TaldeakToggle Navigation
01 Teoriakoa (Gaztelania - Goizez)Erakutsi/izkutatu azpiorriak
Asteak | Astelehena | Asteartea | Asteazkena | Osteguna | Ostirala |
---|---|---|---|---|---|
1-15 | 12:30-14:00 |
Irakasleak
01 Laborategiko p.-1 (Gaztelania - Goizez)Erakutsi/izkutatu azpiorriak
Asteak | Astelehena | Asteartea | Asteazkena | Osteguna | Ostirala |
---|---|---|---|---|---|
1-15 | 09:00-10:30 | 10:45-12:15 |
Irakasleak
31 Teoriakoa (Euskara - Goizez)Erakutsi/izkutatu azpiorriak
Asteak | Astelehena | Asteartea | Asteazkena | Osteguna | Ostirala |
---|---|---|---|---|---|
1-15 | 12:30-14:00 |
Irakasleak
31 Laborategiko p.-1 (Euskara - Goizez)Erakutsi/izkutatu azpiorriak
Asteak | Astelehena | Asteartea | Asteazkena | Osteguna | Ostirala |
---|---|---|---|---|---|
1-15 | 09:00-10:30 | 10:45-12:15 |