IKASKUNTZAREN EMAITZAK

* Konputagailu baten osagaien oinarrizko antolaketa eta funtzionamendua deskribatzea.

* Goi-mailako programazio-lengoaiaren eta makinaren barne-lengoaiaren arteko erlazioa deskribatzea.

* Mihiztadura lengoaian idatzitako programa sinple baten exekuzioa azaltzea edo traza egitea.

* C programazio lengoaian programa sinpleak garatzea.

* Konputagailuaren S/Iko sinkronizazio-metodoak bereiztea eta DMA erabiltzean datu-transferentziaren hobekuntza kalkulatzea.

* Programen errendimendua hobetzen duten arloak aztertzea: memoria-hierarkia, exekuzio segmentatua eta kodearen optimizazioa

* Adimen Artifizialaren arloko aplikazioen testuinguruan datuak biltegiratzeko plataformak aukeratzeko gaitasuna lortzea.

1 .- Konputagailu baten oinarrizko egitura

1.1 Von Neumann arkitektura

1.2 Makina lengoaia

1.3 Memoria hierarkia

1.4 Sarrera/Irteera azpisistema

1.5 Azpisistemen arteko konexioa: busak



2 .- Paralelismoa agindu mailan

2.1 Segmentazio lineala

2.2 Ziklo anitzeko prozesadoreak

2.3 Optimizazio teknikak

2.4 Prozesadore supereskalarrak

2.5 Paralelismoaren hastapenak



3 .- Biltegiratze-sistemak.

3.1 Biltegiratze-teknologiak

3.2 RAID sistemak

3.3 Biltegiratze banatuko sistemak (SAN, NAS)

3.4 Biltegiratze-sistemak adimen artifizialerako



4 .- C lengoaia

4.1 Linux eta terminala: oinarrizko kontzeptuak

4.2 Programa baten egitura orokorra

4.3 Datu-motak eta oinarrizko eragiketak

4.4 Kontrol egiturak: if, switch, while, do… while, for

4.5 Funtzioak: parametro-pasatzea balioaren eta erreferentziaren arabera

4.6 Datu-egiturak: struct

4.7 Sarrera/irteera: printf, scanf

4.8 Exekuzio-denbora

Irakasgai honetan hainbat irakaskuntza-metodologia konbinatzen dira. Alde batetik, irakasgaiaren kontzeptuak azaltzeko azalpen eskolak emango dira, eta ikasleek parte hartuko dute horiei buruzko eztabaidetan. Ariketak eta problemak bakarka edo taldean garatuko dira, eta gelan egiten direnak modu parte-hartzailean ebatziko dira.



Azken gaia jorratzeko, ikerketa lantxo bat egin, txosten bat idatzi eta horren aurkezpena egin beharko da taldeka.



Ikasgaian zehar lan autonomoa zein talde-lana sustatuko dira ikasleei eskatutako zaizkien jardueren bidez. Idatzizko zein ahozko komunikazioa landuko dira lanen eta txostenen aurkezpenen bidez eta eztabaiden bidez eta uneoro pentsaera konputazionala eta kritikoa erabil dezaten sustatuko da.

Ikasgaia bi modutan gainditu daiteke: ebaluazio jarraituan edo ebaluazioa globalean.



EBALUAZIO JARRAITUA:

Ebaluatzeko modu lehenetsia da eta ohiko deialdirako bakarrik balio du. Ikasleak aktiboki eta etengabe parte hartzea eskatzen du: klaseetara eta laborategietara joatea, ariketak eta lanak (taldekoak zein banakakoak) entregatzea, ebaluazio probak eta planteatutako gainerako jarduerak egitea. Jarduera horietako batean parte hartzen ez bada, ikaslea ebaluazio globalera pasatuko da.



Irakasgaia elementu hauen arabera ebaluatuko da:

- Banakako idatzizko probak: 8 puntu (% 80) [2 azterketa partzial, 1. gaia %35 + 2. eta 3. gaiak %45]

- Talde-lana: 2 puntu (% 20) [1. gaiari dagokiona %10 + 3. gaiko lana %10]



Ikasgaia gainditzeko, azkeneko nota 5etik gorakoa izateaz gain, ebaluazioko proba guztietan gutxienez 4 puntu (10en gainean) atera behar dira.





EBALUAZIO GLOBALA:

Ebaluazio globalaren notaren %100 azterketaren bidez lortuko da.

Ikasgaia gainditzeko, azkeneko nota 5etik gorakoa izan behar du.

Ikasgaiaren ikasgela birtualean (eGela) eskura dagoen materiala

Oinarrizko bibliografia

William Stallings

Computer Organization and Architecture. Designing for performance. (11. ed). Pearson, 2019



Andrew S.Tanenbaum , Tod Austin

Structured Computer Organization (6. ed), Pearson – Prentice Hall Ed., 2013



J.L. Hennessy, D.A. Patterson

Computer Architecture: A Quantitative Approach. (6. ed). Morgan Kaufmann, 2019



Iñaki Alegria eta Nestor Garay

C Programazio-lengoaia

https://www.elhuyar.eus/es/tienda/d/c-programazio-lengoaia



Félix García, Alejandro. Calderón, Jesús Carretero, Javier Fernández, José María Pérez

Problemas Resueltos de Programación en Lenguaje C, Thomson, 2002.

Gehiago sakontzeko bibliografia

Patterson D.A., Hennessy J.L.
Computer Organization and Design: The Hardware/Software Interface (5. ed). M. Kaufmann, 2013

Aldizkariak

Hello World: https://helloworld.raspberrypi.org/ (ondoren alearen zenbakia jarrita ale horretan sartzen da)