nireEHU 
Masterraren gakoak
Euskal Herriaren ezaugarri sozioekonomikoek agerian uzten dituzte gurean horren sustraituta dagoen ekonomia sozial eta solidarioak etorkizunari begira dituen aukerak. Hori horrela, gure ingurunean bultzada eman zaie beste era bateko ekonomia sustatzen duten ekimen produktiboei, merkatuan eta errentagarritasun pribatuan oinarritzen den ekonomia klasikotik harago.
Gizarte ekonomiaren eta ekonomia solidarioaren inguruan garatzen ari diren jarduera ekonomikoek profesionalak behar dituzte, prestakuntza akademiko eta zientifiko sendoa izango dutenak, sektore honetako erakundeetan lan egiteko (besteak beste, aholkularitzan).
Master honek gizartearen behar jakin bati erantzuten dio: hots, gizarte eta ekonomia aldaketarako profesionalak eta agenteak trebatzea, balio etiko eta solidarioekin lan egingo dutenak organismo eta erakundeetan. Horretarako, prestakuntza programak alderdi teorikoak eta praktikoak uztartzen ditu: alde batetik, gizarte ekonomiaren eta ekonomia solidarioaren izaera eraldatzailearen garapen teorikoa; bestetik, alderdi praktikoagoa, sektoreak gure inguruan duen egoerari buruzkoa, eta alderdi normatibo eta positiboak, sektorea bultzatzeko politikak eta tresnak, eta egungo eta etorkizuneko garapena.
Masterra gizarte ekonomia eta ekonomia solidarioaren ingurune errealera aplikatuta dagoenez, sektoreko enpresak kudeatzeko lan tresnak garatzen ditu, pertsonak jarririk beti lan eta aldaketa sozial eta ekonomikoko prozesuen erdian.
Master honen bidez zuzenean sar daiteke UPV/EHUko Garapenari buruzko Ikasketak doktorego programara.
Master hau gauzatzeko, ezinbestekoa da irakasgai bakoitzera joatea egutegian zehazten diren egunetan, bai eta prestakuntza osagarriak egitea ere. Informazio gehiago nahi izanez gero, galdetu masterreko idazkaritzan.
