Masterraren gakoak

Europa eta Mundu Atlantikoa: boterea, kultura eta gizartea unibertsitate arteko masterra ofiziala da, Goi Mailako Hezkuntzaren Europako Esparrua garatzeko ildoekin bat diseinatua, eta Universidad del País Vasco/Euskal Herriko Unibertsitatearen eta Valladolideko Unibertsitatearen artean eskaintzen da. Masterrak goi mailako eta diziplina anitzeko prestakuntza espezializatua ematen du, bereziki doktorego aurreko ikerkuntzara bideratua. Historiako, Artearen Historiako, Giza Zientzietako edo antzeko beste alor batzuetako gradu (edo lizentziatura) titulua izanez gero egin daiteke masterra.

Masterraren programan, nahitaezko irakasgai metodologiko-instrumentalak eta hautazko irakasgaiak ematen dira, ikasleek askotariko esparruak ikas ditzaten (Erdi Aroaren Historia eta Arkeologia, Aro Berriaren Historia, Amerikaren Historia, Gizartearen eta Mentalitateen Historia, Historia Ekonomikoa, Artearen Historia, etab.). Programak etekina ateratzen die masterreko irakasleak partaide dituzten ikertaldeen jarduera zientifikoei, eta bereziki azpimarratzen ditu Europako gizarteen gune fisiko eta humanoen eraketa eta garapena, eta behe Erdi Aroko mendeetatik Aro Garaikidearen hasierara arte Mundu Atlantikoan gertatu ziren kultura trukeak eta transferentziak.

Eskainitako plazak

40

Modalitatea

Ikasgelakoa

Hizkuntza

Gaztelania

Kredituak

60

Iraupena

1 maila

Gutxi gorabeherako prezioa

1.600 €

Unibertsitate arteko masterra

Euskal Herriko Unibertsitatea: Letren Fakultatea

Instituto Universitario de Historia Simancas (Universidad de Valladolid)

Harremanetarako

Masterraren arduraduna:
ALVAREZ GILA, OSCAR

Idazkaritza:
DEL CORRAL, VANESA

945013410

4 arrazoi master hau aukeratzeko

  • Unibertsitate artekoa da, eta horrek aukera ematen du espezialitate ugari ikasteko hautazko irakasgaien bidez.
  • Ikertalde finkatuei lotuta dago.
  • Ikerkuntzara bideratuta dago.
  • Izen handiko irakasle gonbidatuek aparteko ikastaroak ematen dituzte.

Parte hartzen duten unibertsitateak

Logotipo de Instituto Simancas

Irteera profesionalak

* Masterraren helburu nagusia ikerkuntzaren arloko prestakuntza ematea da. Masterra gainditzen duten ikasleak gai izango dira Historiako ikertzaile gisa jarduteko.

* Horrekin batera, masterrean jasotzen duten goi mailako prestakuntzari esker, ikasleek lan aukera hauek izan ditzakete:

  • Historiako irakaskuntza, erdi eta goi mailetan.
  • Dokumentazioaren eta artxiboen kudeaketa.
  • Ondare historiko material, immaterial eta dokumentalarekin lotutako komunikazio eta dinamizazio kulturaleko enpresak.
  • Aholkularitza kulturala.
Iradokizunak eta eskaerak