Breadcrumb

GAKOAK: Hizkuntzaren Azterketa eta Prozesamendua (plan berria)

Masterraren Gakoak

Hizkuntza- eta komunikazio-teknologiak —hala nola oinarrizko hizkuntza-ereduak, itzulpen automatiko neuronala, ahotsaren ezagutza eta sintesi eleaniztuna, elkarrizketa-sistema multimodalak edo bilaketa semantikoak— gure tresna digitalen funtsezko osagai bihurtu dira. Teknologia horiek ezinbestekoak dira bai pertsonen arteko komunikaziorako, bai pertsona-makina elkarrekintzarako, eta oso hedatuta dauden aplikazioetan aurki ditzakegu, hala nola laguntzaile birtualetan, itzulpen automatikoa duten bideo-deien plataformetan edo informazioa berreskuratzeko sistemetan.

Testuinguru berri horrek askotariko ezagutzak dituzten profesionalak esaktzen ditu: informatikan, hizkuntzalaritzan, adimen artifizialean, ikasketa automatikoan, hizkuntza-ereduetan eta hizketaren prozesamenduan.

UPV/EHUko Hizkuntzaren Azterketa eta Prozesamendua (HAP/LAP) masterra bokazio bikoitz horrekin sortu da: bai erabiltzaile aurreratuak prestatzeko, bai hizkuntza-teknologien aurrerapena gidatuko duten ikertzaileak eta garatzaileak trebatzeko.

Master hau HiTZ Hizkuntza Teknologiako Zentroak babesten du, hau da, lengoaia naturalaren prozesamenduan (LNPn) nazioarteko erreferentea den ikerketa-zentroak. Gainera, HiTZek Adimen Artifiziala eta Hizkuntza Teknologiako Katedra ere sustatzen du.

Master honek zuzeneko sarbidea ematen du Hizkuntzaren Azterketa eta Prozesamendua doktorego-programara.

XSLaren edukia

Eskainitako plazak

25

Modalitatea

Ikasgelakoa

Hizkuntza

Ingelesa

Kredituak

90

Iraupena

1,5 ikasturte

Gutxi gorabeherako prezioa

3.000 €

Irakaslekua

Euskal Herriko Unibertsitatea: Informatika Fakultatea

Harremanetarako

Masterraren arduraduna :
ETXEBERRIA UZTARROZ, MARIA IZASKUN

Idazkaritza :

ARRAZOIA: Hizkuntzaren Azterketa eta Prozesamendua Masterra (plan berria)

4 arrazoi master hau aukeratzeko

  • Hizkuntza-teknologietan trebatutako profesionalen eskaria oso handia da, bai tokian-tokian, bai nazioartean. Horregatik, laneratze-tasa %100ekoa da.
  • Master hau egiten den bitartean, aukera dago borondatezko praktika ordainduak egiteko enpresetan eta ikerketa-taldeetan.
  • Master honek HiTZ Hizkuntza Teknologiako Zentroaren bermea du, baita zentroa osatzen duten bi ikerketa-taldeen bermea ere: Ixa taldea (38 urtetik gorako esperientzia) eta Aholab (21 urtetik gorako esperientzia).
  • Testuari eta ahotsari aplikatutako adimen artifizialeko teknika aitzindarietan prestakuntza (adibidez, hizkuntza-eredu handiak).

IRTEERAK: Hizkuntzaren Azterketa eta Prozesamendua Masterra (plan berria)

Irteera profesionalak

  • Adimen artifizialarekin, hizkuntza-industriekin eta hizketa-teknologiekin lotutako arloetako profesionalak, hala nola:       
    • Hizkuntza aplikazio eleaniztunak diseinatzea enpresa eta erakundeentzat.
    • Hizkuntza baliabideak garatzea (hizkuntza-ereduak entrenatzeko eta ebaluatzeko datu-multzoak, ezagutza-baseak...).
    • Hizkuntza ulertzen eta sortzen duten sistemak garatzea: chatbot-ak, laguntzaile birtualak, laburpen automatikoko sistemak, itzulpena, etab.
    • Eredu neuronalen diseinua, entrenamendua eta optimizazioa (transformer-ak, LLMak) hizkuntza-zeregin konplexuetarako eta harago.
  • Ikerketa Lengoaia Naturalaren Prozesamenduko (LNP) arloetan: itzulpen automatikoa, sentimenduen analisia, hizkuntza modelatzea, hizkuntzalaritza  konputazionala, testu sorkuntza, eleaniztasuna, modalitate anitzeko ikerketa…
  • Ikerketa enpresetan, hala nola Google, Microsoft, AA startup-ak, etab.

XSLaren edukia