Masterraren gakoak

Laborantzaren produktibitatea handitzea, elikagaien segurtasuna, klima aldaketaren eta lurraren eta uren kutsaduraren eragin kaltegarriak… gizarteak egun dituen erronka handienetakoak dira. Desafio berri horiei erantzuteko, ezinbestekoa da urrats zientifikoak egitea eta alor hauetan espezializatutako profesionalak trebatzea. 

Unibertsitate arteko Ingurugiroaren Agrobiologia Masterra bi unibertsitatek eskaintzen dute elkarlanean: UPV/EHUk eta Nafarroako Unibertsitate Publikoak (NUP).  Helburua da trebakuntza profesionala eta ikerkuntzakoa eskaintzea nekazaritza eta ingurumen arloetan, doktore tesia hasi edo maila goreneko prestakuntza profesionalizatu bati ekiteko, laborantzari eta basogintzari loturiko ingurumen gaietan.

Master amaierako ikerlana egin ahal izango duzu ikasturte akademiko berean. Horretarako, masterreko irakasleen tutoretza pertsonalizatua izango duzu, eta masterra UPV/EHUn, NUPen edo erakunde kolaboratzaileetan egin ahal izango duzu.

Master honen bidez zuzenean sar daiteke Ingurugiroaren Agrobiologia doktorego programara.

Eskainitako plazak

20

Modalitatea

Ikasgelakoa

Hizkuntza

Gaztelania

Kredituak

60

Iraupena

1 maila

Gutxi gorabeherako prezioa

2.200 €

Unibertsitate arteko masterra

Euskal Herriko Unibertsitatea: Zientzia eta Teknologia Fakultatea

Nafarroako Unibertsitate Publikoa

Harremanetarako

Masterraren arduraduna:
BECERRIL SOTO, JOSE MARIA

Idazkaritza:
Itziar Eskubi

946013298

Master hau aukeratzeko arrazoiak

  • Izaera multidiziplinarra, irakasleen prestakuntza eta jatorri askotarikoengatik.
  • Hautazkoen aukera zabalari esker, ikasleek beren ikasketa plana aukera dezakete ingurumen, agronomia, biologia edo bioteknologia alorretako irakasgaien artean.
  • Master Amaierako Lanak berebiziko garrantzia du, esperimentala da batik bat, eta erakunde eta enpresa kolaboratzaileetatik edozeinetan egin daiteke.
  • Unibertsitate arteko masterrak uztartu egiten ditu NUPko alor agronomikoko prestakuntza eta UPV/EHUko prestakuntza biologiko-bioteknologikoa.
  • Zentro teknologikoetatik eta enpresetatik etorritako irakasleen parte hartze handia.

Parte-hartzaileak:

Nafarroako Unibertsitate Publikoa

Irteera profesionalak

Irakaskuntza eta ikerketa. I+G+B garapena nekazaritza, elikadura, basogintza, ingurumen, energia edo industria alorretako zentro teknologiko eta enpresetan. Teknikari lana administrazioan, enpresetan, aholkularitza enpresetan eta ingeniaritzetan.

Iradokizunak eta eskaerak