Breadcrumb

Gakoak - Erasmus Mundus Master in Interdisciplinarity in Materials for Energy Storage and Conversion

Masterraren gakoak

Gure gizarte zein ekonomiaren karbono-aztarna murrizteko helburuarekin, beharrezkoa da zenbait diziplinaren inguruan zorrotz eta egoki ikertzea, energiaren biltegiratzearen eta konbertsioaren inguruan besteak beste. Teknologia hauek funtsezkoak dira beroketa globalari eta segurtasun energetikoari ekitean jasangarritasun arloan sortzen diren desafioei aurre egiteko. i-MESC masterrak diziplina arteko ikuspegi batetik zenbait oinarrizko eremu eta eremu aplikatu lantzen ditu: materialen zientzia, elektrokimika, kimika, teknologia fotovoltaikoak, erregai pilen eta baterien teknologia. Bi urtean zehar, i-MESC masterrak aukera ematen die ikasleei hiru kategoria nagusiei loturiko gaitasun ugari eskuratzeko:

  • Kimikaren oinarriei buruzko ezagutza zientifiko sakona: litioa-sufrea, akuosoak, metal airea, superkondentsadoreak, bateria organikoak, bateriak egoera solidoan, ioi metalikoen bateriak, anodo metalikoak, teknika elektrokimiko aurreratuak, baterien ikuskapena, segurtasuna, etab.
  • Know-how: informatika eta modelatua, espektroskopia aurreratuak, baterien ingeniaritza, IoT (Gauzen Interneta), ikerketa bibliografikoa, I+G emaitzen analisia eta emaitza horiei buruzko txostenak sortzea, proiektuen garapena eta exekuzioa.
  • Gizarte gaitasunak: ingelesa, ahozko eta idatzizko komunikazioa, kultura artekotasuna, egokigarritasuna, autoestimua, autonomia, ekimen gaitasuna, sormena, talde espiritua, espiritu kritikoa, etab.

* Prezioa, mugikortasuna, bekak eta hautaketa-prozesuari buruzko informazio gehiago lortzeko, kontsultatu masterraren web orria https://i-mesc.eu/

* Onartzeko izapidean. 2024/2025 ikasturtean ezartzea aurreikusten da.

Informazioa - Erasmus Mundus Master in Interdisciplinarity in Materials for Energy Storage and Conversion

ESKAINTZEN DIREN PLAZAK: 36

MODALITATEA: Presentziala

HIZKUNTZA: Ingelesa

KREDITUAK: 120

IRAUPENA: Bi kurtso

GUTXI GORA BEHERAKO PREZIOA: 4000 euro kurtso bakoitzeko

IRAKASLEKUA: 

Euskal Herriko Unibertsitatea (UPV/EHU)

Université Tolouse III- Paul Sabatier (Frantzia)

Université de Picardie Jules Verne (Frantzia)

Univerza v Ljubljani-University of Ljubljana (Eslovenia)

Warsaw University of Technology-Politechnika Warszawska (Polonia)

KONTAKTUA: inaki.gandarias@ehu.eus  |  jamila.tamimy@u-picardie.fr

 

Arrazoiak - Erasmus Mundus Master in Interdisciplinarity in Materials for Energy Storage and Conversion

Irudia

4 arrazoi master hau aukeratzeko

  • Erasmus Mundus hezkuntza programa internazionala non energiaren biltegiratzearen eta konbertsioaren alorreko teknologia berriak garatuko dituzten zientzialariak eta ingeniariak trebatzen diren.
  • Ez dago beste inon energiaren biltegiratzeari eta konbertsioari buruzko antzeko ikasketa programarik.
  • Europako bost unibertsitateez gain, parte hartzen dute AEB eta Australiako bi unibertsitatek, Europako ikerketa institutu batek (ALISTORE), biltegiratze energetikoko Frantziako sareak (RS2E), Esloveniako Kimika Institutu Nazionalak (NIC) eta Estatuko ikergune garrantzitsu batek (CIC Energigune).
  • Masterraren amaierako lana egin daiteke unibertsitate eta enpresa ugariri elkarturiko 30 laborategitan (BOSCH, UMICORE, RENAULT, TOTAL, SOLVAY, SAFT, EDF eta SOLVIONIC).

Partaideak - Erasmus Mundus Master in Interdisciplinarity in Materials for Energy Storage and Conversion

Unibertsitate partaideak

Université Toulouse III Paul Sabatier
Université de Picardie Jules Verne
Warsaw University of Technology
Univerza v Ljubljani

Irteera profesionalak - Erasmus Mundus Master in Interdisciplinarity in Materials for Energy Storage and Conversion

Irteera profesionalak

i-MESC masterrak aukera ematen du I+G enpresa edo institutuetan lan egiteko edo doktorego ikasketak egiteko materialen ingeniaritza eta zientziaren edota teknologia energetikoaren alorretan.

Erregai fosilekiko mendekotasuna txikitzen goazen neurrian, gero eta garrantzi handiagoa hartzen du energiaren biltegiratze eta konbertsiorako teknologien segurtasuna, kostua eta errendimendua hobetzeak. Alde horretatik, Europako Batzordeak arautegi batzuk onartu ditu, Battery Alliance plataforma sortu da eta Europan bateriak eskala handian ekoizteko oinarriak ezarri dira. Prototipoen garapen, ekoizpen, aplikazio eta birziklapen jarduerez gainera (hainbat mailatan eginiko jarduerak), Europako Batzordearen helburua da europar mailako ikerketa sendotzea FET ekimen enblematiko baten bitartez, guztiz berriak izango diren kontzeptuak eta ideiak arakatu eta garatzeko, oso errendimendu handiko bateria jasangarriak eta bizitza baliagarri luzekoak sortzeko. Hainbat mailatako jardueretarako, ingeniaritza eta ikerketako profesional kualifikatuak behar dira. Aipatzekoa da Europako konpainia handiak (BOSCH, UMICORE, RENAULT, TOTAL, E4V, SAFT eta SOLVAY) lanean ari direla alor honetan eta master honetan ere parte hartzen dutela.

XSLaren edukia

Iradokizunak eta eskaerak