Eskariak fakultatearen webgunean atondutako aplikazioan egin behar dira, EZ BESTELA, 2023ko ekainaren 19tik 30era arte:

Eskatutako dokumentazioa (1. artikulua) eskabide elektronikoari erantsiko zaio. Gainera, hori guztia eta sinatutako eskabide elektronikoaren kopia bat fakultateko idazkaritzari helaraziko zaizkio ekainaren 19tik 30era bitartean, honako bide hauen bidez:

• Aurrez aurre, Medikuntza, Odontologia edo Fisioterapiari buruzko eskaeretarako Medikuntza eta Erizaintza Fakultateko Idazkaritzan hitzordua eskatu ostean edo Erizaintza eskaeretarako Idazkaritzako Donostia Atalean (secretaria.fme-donostia@ehu.eus)
• Egoitza elektronikoaren bidez (https://egoitza.ehu.eus/es)
• Administrazio Publikoen Administrazio Prozedura Erkidearen urriaren 1eko 39/2015 Legearen 16. artikuluan aurreikusitako beste edozein bideak erabiliz.

Ohar garrantzitsua:

• EZ da osatu gabeko edo epez kanpo aurkeztutako eskaririk onartuko.
• Eskainitako plazetarako eskariak besterik ez da onartuko.
• UPV/EHUren Medikuntza eta Erizaintza Fakultatearen lekualdaketarako arautegi espezifikoaren 2 artikuluan jasotako baldintzak betetzen dituzten eskariak besterik ez da onartuko.
• NAT eta NP kalkulatzeko, eskaera egiteko epean gainditutako irakasgaiak baino ez dira onartuko. Epe horretan espedientean ez bada jasotzen gainditutako irakasgairen baten kalifikazioa, behin-behineko justifikazio-dokumentu bat aurkeztuko da, eta behin betiko espedientea, lehen aipatutako bideetako edozein erabiliz, aurkeztutako dokumentazioan akatsak zuzentzeko ezarritako epean entregatuko da.
• Dokumentazioan akatsak zuzentzeko epea: 2023ko uztailaren 3tik 12ra.
• AITORTUTAKO irakasgaiak direnean, kalifikazioa, ECTS kreditu  edo ordu kopurua, titulazioa eta jatorrizko unibertsitatea, eta irakasgaiaren programa xehatua.

Harremanetarako helbidea: tecnica.fme@ehu.eus

Behin behineko ebazpena

Interesatuek uztailaren 20tik 27ra bitarteko epea izango dute, akatsen zuzenketa egiteko eta egoki ikusten dituzten erreklamaziorik aurkezteko Dekanoari zuzendutako idazki baten bidez, honako bitarteko hauen bidez aurkeztuta: (1) Aurrez aurre, Medikuntza, Odontologia edo Fisioterapiari buruzko eskaeretarako Medikuntza eta Erizaintza Fakultateko Idazkaritzan, edo Erizaintza eskaeretarako Idazkaritzako Donostia Atalean; (2) Egoitza elektronikoaren bidez; (3) urriaren 1eko 39/2015 Legearen 16. artikuluan aurreikusitako beste edozein bideak erabiliz. Epe hori igaro eta ez bada erreklamaziorik aurkeztu, onartuen eta baztertuen zerrenda behin betikotzat hartuko da.

Behin betiko ebazpena

Matrikula egiteko prozedura

Onartutako ikasleek irailaren 5etik 8ra bitarteko epea izango dute matrikula aurrez aurre egiteko:

• Medikuntza, Odontologia edo Fisioterapiari buruzko eskaeretarako Medikuntza eta Erizaintza Fakultateko Idazkaritzan hitzordua eskatu ostean edo Erizaintza eskaeretarako Idazkaritzako Donostia Atalean (secretaria.fme-donostia@ehu.eus)

Fakultatearen web orrian matrikula formalizatzeko beharrezko dokumentazioa dago.

Hauek dira matrikula egiterakoan aurkeztu beharreko dokumentuak:

• Argazkia, beharrezkoa ikasle txartela egiteko.
• NAN / Nortasuna egiaztatzeko agiria
• Unibertsitatean sartzeko aukera eman dizuten probaren edo ikasketen fotokopia konpultsatua, CSVrekin egindako kopia, edo ziurtagiri akademiko pertsonalaren fotokopia eta originala. UPV/EHUko ikasleek ez dute agiririk aurkeztu behar
• Prezioak ordaintzetik salbuetsita egoteko edo prezioak murrizteko kasuetan (prezioei buruzko agindua), hori egiaztatzen duen agiria:
  • Ohorezko matrikula batxilergoan
  • Familia ugaria
  • Ikaslearen desgaitasuna (>=% 33) edo zuzeneko senide batena (>=% 65)
  • Terrorismoaren biktimak eta senideak
  • Genero indarkeriaren biktimak eta 25 urte baino gutxiagoko semealabak
  • Nazioarteko babesaren eskatzaileak eta onuradunak eta aberrigabeak, errolda-ziurtagiria barne.
  • Erroldatze ziurtagiri kolektiboa interesatuak badu desgaitasun bat daukan zuzeneko senidea, genero indarkeriaren biktima baten seme edo alaba bada (25 urte baino gutxiagokoa), edota terrorismoaren biktima baten senidea.
• Ikasleak espedientea lekuz aldatu beharko du unibertsitatean sartzeko proba UPV/EHUn egin ez badu, edota unibertsitateko beste ikasketa batzuetan matrikulatuta egon bada.
• Datu ekonomiko eta estatistikoen orria (pdf, 218 Kb)