Hori dela eta, modulu horretan aipatzen diren zeharkako gaitasunak landu beharko ditu. Irakasgai hau Kimika Fisika Materian kokatzen da, Kimika Graduko Oinarrizko moduloaren barruan. Hori dela eta, modulo horretan aipatzen diren [M02CM09], [M02CM10] eta [M02CM011] zeharkako gaitasunak landu beharko ditu. Gainera, irakasgai honek [M02CM01] gaitasuna espezifikoa garatzen ditu.

M02CM01. Kimika fisikoaren eta horrek prozesu kimikoetan duen eraginaren oinarriak ulertzea eta erabiltzea.

M02CM09. Ahoz eta idatziz, modu ulergarrian, Kimikarekin eta antzeko gaiekin lotutako fenomenoak eta prozesuak aurkeztu ahal izatea.

M02CM10. Kimikaren arloan eta beste arlo zientifiko batzuetan informazioa bilatzeko eta hautatzeko gaitasuna, bibliografia eta informazioaren eta komunikazioaren teknologiak erabiliz.

M02CM11. Kimika beste diziplina batzuekin lotzeko gai izatea, baita Kimikak gaur egungo gizartean duen eragina eta Kimikaren industria-sektorearen garrantzia ulertzeko gai izatea ere.

Termodinamika Kimikoa. Termodinamikaren legeen berrikustea. Maxwell-en erlazioak. Erreakzio-entalpiak, -entropiak eta -Gibbs-en energiak: taula termodinamikoen erabilpenak. Potentzial kimikoak. Oreka-baldintzak.

Disoluzio idealak eta errealak. Gas errealen iheskortasuna. Magnitude molar partzialak. Aktibitate-koefizienteak. Henry-ren legea.

Fase-orekak. Osagai puruen fase-diagramak: Clapeyronen eta Clausius-Clapeyronen ekuazioak. Osagai askotariko sistemak. Likido-likido diagramak. Likido-lurrun diagramak: azeotropoak. Solido-likido sistemak: eutektikoak.

Oreka kimikoak. Gas errealen arteko erreakzioaren aurrerapena, energia askea eta oreka kimikoak. Oreka-konstanteak. Oreka heterogeneoak. Disoluzio ez-ionikoen orekak.

Oreka elektrokimikoa. Disoluzio ionikoak, batezbesteko aktibitate ionikoa. Debye-Hückel-en muga-legea. Sistema elektrokimikoak. Potentzial elektrokimikoa. Pila elektrokimikoak. Erreduziozko potentzial normala. Pila elektrokimiko motak. Magnitude termodinamikoen determinazioa. Erregai-pilak.

Gainazaleko fenomenoak. Gainazal-tentsioa. Kapilaritatea. Gainazal-geruzak. Adsortzioa: kimisortzioa eta fisisortzioa. Adsortzio-isotermak.

Garraio-propietateak. Gasen teoria zinetikoa eta garraio-propietateak. Difusioa. Likatasuna. Eroankortaun termikoa. Disoluzio ionikoen eroankortasun elektrikoa.

Makromolekulak eta koloideak. Polimeroak eta polimerizazioa. Batezbesteko pisu molekularrak eta eurak neurtzeko metodoak. Makromolekulen konformazioak eta konfigurazioak. Koloiden propietateak: sailkapena eta prestaketa. Egitura eta egonkortasuna. Mizelen formazioa. Geruza-bikoitza elektrikoa.

Zinetika kimikoa eta elektrokimikoa. Zinetika formala. Erreakzioen mekanismoak. Erreakzio itzulgarriak, adarkatuak eta kontsekutiboak. Kate-erreakzio lineal eta adarkatuak. Erreakzio leherkorgarriak. Kolisio-teoria. Erreakzio disoluziotan. Katalisia homogeneoa, heterogeneoa eta entzimatikoa. Zinetika elektrodikoa: geruza-bikoitza elektrikoa, elektrodoen polarizazioa, boltametria eta korrosioa.

Ordu majistraletan teoria eta zenbait adibide praktikoak erakutsiko dira. Gelako praktika-orduetan ariketan ebazteko erabiliko dira. Bi jarduera hauetan ikasleen parte-hartzea bultzatuko da eztabaidak, galderak, e.a. tresnen bitartez.



Mintegietan ikasleak beraiek ebaztutako ariketak aurkeztu beharko dituzte. Horretarako testu informatiko bat prestatu beharko dute. Talde bakoitzak 3 ariketa ebaztuko ditu kurtsoaren zehar eta ikasle bakoitzak ariketa bat aurkeztu beharko du. Horrez gain, aurkezpenetan sortutako eztabaidetan, zalantzak argiterakoan, galderetan, e.a. beste taldekideek ere parte hartuko dute.



eGelan plataformaren bitartez ikasleek 5 kuestioz osatutako 7 galdetegi burutu beharko dituzte. Hauetan galderak eta ariketak ebatzi beharko dituzte. Baita ere, ikasleek bakarka gelako praktika orduetan ariketak arbelan ebatzi beharko dituzte. Ikasle kopuruaren arabera zehaztuko da atal honetan diren jarduerak. Kurtsoaren aurkezpenean ikasleei jakinaraziko zaie egingo direnak.



Programa hau 4 zatitan banandu da. Atal bakoitza azterketa baten bidez ebaluatuko da:

1. Termodinamika Kimikoa.

2. Magnitude molar partzialak, Disoluzioak, Fase-orekak.

3. Oreka kimikoa. Oreka elektrokimikoa, Gainazaleko fenomenoak. Makromolekulak eta koloideak. Garraio-propietateak.

4. Zinetika kimikoa eta elektrokimikoa.

Kontrolak azaroan, urtarrilean eta apirilean egingo dira. Kontrol hauetan [M02CM01] gaitasuna ebaluatuko da. Ikasleak, gainditzen badu, kontrol horri dagokion zatia liberatuko du eta nota hori gorde egingo da ere ez-ohiko deialdirako. Aldiz, kontroletan ez gainditutako notak ez dira inoiz gordeko. 1. Kontrola gainditzen ez duten ikasleek urtarrilean zati honetako behin betiko proba edukiko dute 2. Kontrolarekin batera. 2. Kontrola gainditzen ez duenak, 3. kontrolarekin izango du bigarren aukera, eta ohiko deialdiaren azterketa finalean 4. Kontrola eta 3. Kontrolaren bigarren aukera egingo dira. Azterketei dagozkien batezbesteko nota kalkulatzeko zati bakoitzean behin betiko notak kontuan hartuko dira eta gutxieneko nota 4.5koa izan behar da batezbestekoa kalkulatzeko. Batezbestekoa gutxienez 5 izan beharko da ikasgaia gainditzeko. Horrela ez bada, ez gainditu kalifikazioa jasoko du beste zatitan lortutako notak kontuan hartu gabe .



Bukaerako notaren %70 azterketetan lortutako batezbesteko nota izango da.



Gainontzeko jarduerak, gaitasun hauek kontuan hartuz eta bukaerako notan aipatzen den ponderazioekin, izango dira:



1. Mintegiak: [M02CM01], [M02CM09], [M02CM10] eta [M02CM011]: %15

2. Galdetegiak (eGela) eta/edo* gelako praktika orduetan arbelan ebaztutako ariketak: [M02CM01], [M02CM09], [M02CM10] eta [M02CM011]: %15 (* Ikasle kopuruaren arabera zehaztuko da egongo diren jarduerak. Kurtsoaren aurkezpenean ikasleei jakinaraziko zaie egingo direnak).



Bi jarduera hauek burutzea ezinbestekoa da eta gutxieneko nota 5koa izan behar da. Horrela ez bada, ez gainditu bezala kalifikazioa jasoko du kontuan hartu gabe beste zatitan lortutako notak.



Ebaluazio jarraitua da eta jarduera guztietan parte-hartzea derrigorrezkoa da: 4 kontrolak, Mintegiak, eGelaren bitartez proposatutako galdetegiak eta gelako praktika orduetan ebaztutako ariketak. Ikasle batek derrigorrezkoak diren jardueretako bat egingo ez balu ikasturtean zehar, ohiko deialdian gainditu gabe gisa agertuko da, egindako gainontzeko jardueretako nota edozein izanda ere.



Ez-aurkeztuak



Ebaluazio jarraitua denez nahiz eta azken idatzizko azterketara ez aurkeztu, nota bat edukiko du ohiko deialdian. Ikasle batek Ez-Aurkeztu kalifikazioa izango du ez badu parte hartu proposatutako derrigorrezko inongo jardueretan edo Uko egiten badu.

Etengabeko ebaluazioaren kasuan, azken probaren pisua irakasgaiko kalifikazioaren %40a baino handiagoa bada, nahikoa izango da proba horretara ez aurkeztea azken kalifikazioa "ez aurkeztua" izan dadin. Aldiz, azken probaren pisua irakasgaiko kalifikazioaren %40a edo txikiagoa bada, deialdiari uko egin nahi dioten ikasleek kasuan kasuko irakasgaiaren irakaskuntza aldia bukatu baino gutxienez hilabete lehenago egin beharko dute eskaria. Eskari hori idatziz aurkeztu beharko zaio irakasgaiaren ardura duen irakasleari.



Uko egitea



Ikasle batek jarduera baten batean parte-hartu baldin badu ere, ikasleak irakasgaiari UKO egiten diozaioke honen berri jakinarazten badio irakasleari. Horretarako dagokion idatzia, sinatuta, bidali beharko dio kurtsoaren azken irakasuntz-jarduera baino hilabete bat lehenago. Ezohiko deialdiaren eskubidea ere galduko luke.



Bukaerako proba bakarra



Ikasleak ebaluazioa proba bakar baten bidez egitea eska dezake, EHU-ko arautegia jarraituz. Horretarako idatzia bat, sinatuta, bidaliko dio irakasleari, 18. astea baino lehenago. Bi deialdietako proba bakarra horrela osatuta egongo da: 1. Idatzizko azterketa irakasgai osoari dagokiona; 2. Mintegietan landutako gai baten ahozko ariketa baten azalpena multimedia baliabideak erabiliz. Ebazpena testu informatiko baten bitartez prestatu beharko du; eta 3. eGelan bitartez galdetegi bat burutuz eta/edo arbelan ariketa bat ebatziz. Gaitasun guztiak ebaluatuko ditu eta ebaluazio jarriatuan duten ponderazio berberarekin eta gutxieneko notaren baldintza berberekin. Ebaluazioa proba bakar baten bidez egitea eskatu eta proba hori egitera aurkezten ez den ikaslearen kalifikazioa Ez aurkeztua izango da. Probaren hiru zatiak burutzea ezinbestekoa da eta proba bakarra burutzeko ikasleak 15 eguneko tartea edukiko du. Ebaluazio jarraituaren bezala gainditutako zati guztien notak gorde egongo dira ez-ohiko deialdirako.

Doiketak egiten dituen kalkulagailua erabiltzea ezin bestekoa izango da, azterketak barne.

Oinarrizko bibliografia

R. J. Silbey, R. A. Alberty. Kimika Fisikoa. Euskal Herriko Unibertsitatea, 2006.

I. R. Levine. Fisicoquímica, 1. eta 2. bol.; 5º ed. Ed. McGraw-Hill, 2004.

P. Atkins, J. de Paula. Química Física. Ed. Panamericana, 2008.

T. Engel, P. Reid. Química Física. Pearson, 2006.

Gehiago sakontzeko bibliografia

J. Bertrán, J. Núñez (coords.). Química Física, 1. eta 2. bol.. Ariel Ciencia, 2002.
J. A. Rodríguez Renuncio, J. J. Ruiz Sánchez, J. S. Urieta Navarro. Termodinámica Química. Ed. Síntesis, 1999.
S. R. Logan, Fundamentos de Cinética Química, Ed. Addison Wesley-Iberoamericana, 2000.

Aldizkariak

Journal of Physical Chemistry
Journal of Chemical Physics
Journal of Chemical Education
Interneteko gune interesgarriak
http://riodb01.ibase.aist.go.jp/sdbs/cgi-bin/cre_index.cgi
http://webbook.nist.gov/chemistry
http://www1.lsbu.ac.uk/water/water_phase_diagram.html