Irakasgaiaren helburu nagusia sistema kimikofisikoak ikuspuntu mikroskopikotik aztertzea da. Modu honetan, Kimika Fisiko I irakasgaian garatutako propietate makroskopikoak Materia osatzen duten sistema atomiko-molekularren propietate indibidualekin erlazionatu ahalko dira. Horretarako Kimika Kuantikoa erabiltzen da atomoak zein molekulak aztertzeko, eta kalkulu teorikoen bitartez lorturiko propietateak hainbat teknika espektroskopiko esperimentalekin lorturiko emaitzekin konparatzen dira. Termodinamika Estatistikoaren bidez sistema makroskopikoen hainbat magnitude fisikokimiko determinatzen dira propietate mikroskopikoetatik abiatuta. Programa informatikoen bidez kalkulu mekaniko kuantikoak egiteko aukera izanik, eta hauen konfirmazioa emango duten datu esperimentalen beharra dela eta, irakasgaiak Ordenadore Praktikak eta Laborategi Praktikak izatea bermatzen du.



Irakasgaia Kimika Fisikoa den Materian errotzen da, Graduaren Oinarrizko Moduloan, eta honen ondorioz Modulo honek atxikituta dituen zeharkako konpetentziak konpartitzen ditu. Konkretuki, irakasgai honek [M2.2], [M2.5] eta [M2.11] konpetentziak garatzen ditu.



Irakasgai honen eta Moduloaren beste irakasgaien arteko koordinazioa Kimika Graduko Koordinazio Komisioari dagokio.

Kimika Kuantikoa: aplikazioa sistema sinpleetan. Uhin-funtzioa eta Schrödinger-en ekuazioa. Uhin-partikula bitasuna. Funtzio propioak eta balore propioak. Batazbesteko baloreak. Ziurgabetasun printzipioa. Traslazio mugimendua: potentzial kutxaren eredua eta tunel efektua. Bibrazio mugimendua: osziladore harmonikoa. Momentu angeluarra eta mugimendu errotazionala.



Egitura atomiko eta molekularra. Atomo hidrogenoideen errepasoa. Atomo polielektronikoak. Pauli-ren esklusio printzipioa. Uhin-funtzioaren antisimetria. Termino espektralak. Orbital molekularren metodoa. Konfigurazio elektronikoak. Termino molekularrak. Kimika Kuantiko konputazionala.



Erradiazio-materia elkarrekintza. Argiaren absortzio, emisio eta dispertsio fenomenoak. Trantsizio momentuak eta hautaketa arauak. Espektro seinaleen intentsitatea.



Errotazio eta bibrazio espektroskopiak: IG eta Raman. Errotazio puruen espektroa molekula linealen kasuan. Mikrouhinak eta errotaziozko Raman. Molekula diatomikoen bibrazio espektroak: egitura errotazionala. Bibrazio modu normalak molekula poliatomikoen kasuan. IG eta Raman espektroak. Talde bibrazioak.



Espektroskopia elektronikoak. Molekula diatomikoen absortzio espektroak: bibrazio egitura. Kromoforoak. Karga transferentzien konplexuak. Fluoreszentzia eta fosforeszentzia. Etekin Kuantikoa eta erdibizitza. Laserrak. UM eta X izpien espektro fotoelektronikoak.



Erresonantzia espektroskopiak: EMN eta ESE. Eremu magnetiko eta materiaren arteko elkarrekintza. EMN: oinarriak. Desplazamendu kimikoak eta spin-spin aklopamenduak. Elektroi spinaren erresonantzia.



Termodinamika Estatistikoa. Oinarriak. Maxwell-Boltzmann estatistika. Molekulen partizio-funtzioak. Magnitude termodinamikoen kalkuluak. Oreka konstantea. Energia potentzial gainazalak. Trantsizio egoeraren teoria.



Kimika Konputazionala (Ordenadore Praktikak). Metodo Konputazionalen aplikazioa kalkulu mekaniko kuantikoetan: molekulen geometria optimizazioa, parametro molekularren determinazioa, funtzio termodinamikoak eta magnitude espektroskopikoak.



Espektroskopia Praktikak (Laborategiko Praktikak). Teknika espektroskopikoak erabiltzeko praktikak: IG espektroskopia, UM/Ikuskor absortzio espektroskopia, Fluoreszentzia espektroskopia, etab.

Irakasgai teoriko-esperimental honen ikasgai-zerrenda 4 modulo teoriko eta bi modulo praktikoetan banatu da.



Modulo teorikoak ondorengo kontroletan ebaluatuko dira



1. Kimika Kuantikoa: aplikazioa sistema sinpleetan.

2. Egitura atomiko eta molekularra

3. Erradiazio-materia elkarrekintza eta errotazio eta bibrazio Espektroskopiak: IR eta Raman.

4. Espektroskopia elektronikoak, erresonantzia Espektroskopiak: EMN eta ESE, eta Termodinamika Estatistikoa



Laborategi Praktiketako moduloaren ebaluaketa partziala praktiken bukaeran burutuko da.

EBALUAKETA



. Garatzeko azterketa, idatzizkoa.

. Praktiken burutzea (ariketak, problemak).

. Bakarkako lanak.

. Talde lanak.

. Lanen aurkezpena.



Argibideak:



Notaren %45-a 4 kontroletan banatuko da, kontrol bakoitzarentzat % berdinarekin. Gainditzen duen ikasleak dagokion zatia liberatzen du (gutxienez 5.0 nota beharko delarik), eta azken azterketan bakarrik 4. kontrolari dagokion zatia eta gainditu gabeko zatiak egin beharko ditu. Lehenengo hiru kontrolak, gutxi gora behera, urrian, urtarrilan eta martxoan eginen dira. Liberaturiko zatiak ez dira uztailerako gordetzen.



Notaren beste %55-a ondorengo moduan banatzen da:



- Laborategiko praktikak: %30. Honek proba teoriko-praktiko bat eta praktiketan egindako ekintzen ebaluazioa (egindako lana, emaitzen kalitatea, txostenak, esposaketa, ...) kontutan hartuko du. Praktika hauetan asistentzia derrigorrezkoa izanen da irakasgaia aprobatzeko, eta, bestalde, irakasgaiaren ebaluazioa ohizko konbokatorian egitea bermatuko du. Landuko diren konpetentziak M02CM01, M02CM08, M02CM09 eta M02CM10 dira.



- Gelako Praktikak: %10. Galderen, ariketen, parte-hartzearen, etab. ebaluaketa kontutan hartuko da. Landuko diren konpetentziak M02CM01, M02CM09 eta M02CM10 dira.



- Mintegiak: %10. Ariketen ebaluazioa, lanen aurkezpena, talde lana, esposizioa, praktiken prestaketa, etab kontutan hartuko da. Landuko diren konpetentziak M02CM01, M02CM09 eta M02CM10 dira.



- Ordenadore Praktikak: %5. txostenen ebaluazioa, lanen aurkezpena, talde lana, aurkezpena etab kontutan hartuko da. Praktika hauetan asistentzia derrigorrezkoa izanen da irakasgaia aprobatzeko, eta, bestalde, irakasgaiaren ebaluazioa ohizko konbokatorian egitea bermatuko du. Landuko diren konpetentziak M02CM01, M02CM09 eta M02CM10 dira.



Irakasgaiak ebaluaketa jarraiaren izaera duenez, ikasleak ohiko konbokatorian (Maiatza-Ekaina) nota bat izanen du. Ez aurkeztua kalifikazioa ondorengo kasuetan emanen da:



a) Proba bakarraren bidez ebaluatua izateko eskaera egin duen ikaslea (1. eta 18. aste lektiboen bitartean), azterketara bere burua aurkezten ez duenean. Eskaera idatziz aurkeztu behar zaio Irakasleari.

b) Epe barruan proba bakarraren bidez ebaluatua izateko eskaera egin ez duen ikaslea (1. eta 18. aste lektiboen bitartean), baldin eta ez badu bere burua aurkeztu irakasgaiaren ebaluazioa egiteko egiten diren azterketa eta lan guztietan, edo UKO egiten badu.



Uko egitea posible izanen da, ikasle batek jardueraren batean parte hartu badu ere, baldin eta kurtsoaren azken irakaskuntz-jarduera burutu baino hilabete bat lehenago dagokion idatzia, beteta eta sinatuta, Irakasleari bidaltzen badio.



PROBA BAKARRA



Bi konbokatorietan, proba bakarra ondorengoa izango da: Irakasgai osoan ikusitako eduki teoriko-praktikoen azterketa, laborategi eta ordenadore praktiken azterketa praktikoa, eta seminarioetan landutako gai baten ahozko aurkezpena, multimedia errekurtsoak erabilita. Proba bakar honek M02CM01, M02CM08, M02CM09 eta M02CM10 konpetentziak ebaluatuko ditu.



Etengabeko ebaluazioaren kasuan, azken probaren pisua irakasgaiko kalifikazioaren %40a baino handiagoa bada, nahikoa izango da proba horretara ez aurkeztea azken kalifikazioa "ez aurkeztua" izan dadin. Aldiz, azken probaren pisua irakasgaiko kalifikazioaren %40a edo txikiagoa bada, deialdiari uko egin nahi dioten ikasleek kasuan kasuko irakasgaiaren irakaskuntza aldia bukatu baino gutxienez hilabete lehenago egin beharko dute eskaria. Eskari hori idatziz aurkeztu beharko zaio irakasgaiaren ardura duen irakasleari.

Urteroko Irakaskuntza Gidan azalduko direnak.

Oinarrizko bibliografia

R. J. Silbey, R. A. Alberty. Kimika Fisikoa. Euskal Herriko Unibertsitatea, 2006.

I. R. Levine. Fisicoquímica, vols. 1 y 2. 5º ed. Ed. McGraw-Hill, 2004.

P. Atkins, J. de Paula. Química Física. Ed. Panamericana, 2008.

J. M. Elorza. Kimika Fisikoa. Elhuyar, 2000.

J. Casabo i Gispert, Egitura atomikoa eta lotura kimikoa. Euskal Herriko Unibertsitatea, 2009.

Gehiago sakontzeko bibliografia

A. Requena y J. Zúñiga. Espectroscopia. Pearson Prentice-Hall, 2004.
J. M. Hollas. Modern Spectroscopy, 4th ed. Wiley, 2003.
J. Bertran, V. Branchadell, M. Moreno y M. Sodupe. Química Cuántica. Ed. Síntesis, 2002.
E. H. Brittain, W. O. George y C. H. Well. Introduction to Molecular Spectroscopy: Theory and Experiment. Academic Press, 1970.
A. M. Halpern, G. C. McBane. Experimental Physical Chemistry. A laboratory textbook, 3rd edition. W.H. Freeman, 2006.
O. Mo, M. Yañez. Enlace Químico y Estructura Molecular. J. M. Bosch, 2000.
J. Casabo i Gispert, Egitura atomikoa eta lotura kimikoa. Euskal Herriko Unibertsitatea,

Aldizkariak

Journal of Physical Chemistry
Journal of Chemical Physics
Journal of Chemical Education
European Journal of Physics