Irakasgaia Modulu Aurreratuaren Makromolekulak espezialitatean kokatzen da, eta Modulu horri esleitutako zeharkako konpetentziak partekatzen ditu. Hauen artean ondorengoak landu eta ebaluatuko dira:



M03CM17: Behaketarako, analisirako eta sintesirako gaitasunak erakustea, gaitasun kritikoa izanez eta autokritika eginez.



M03CM18: Bizitza profesionala garatzeko, ikaskuntzarako eta lan autonomorako gaitasuna erakustea.



M03CM20: Kimika beste diziplina batzuekin lotzea, baita Kimikak gizarte industrial eta teknologikoan duen eragina eta Kimikaren industria-sektorearen garrantzia ulertzea ere.



Irakasgai honetan landuko diren konpetentzia espezifikoak ondorengoak dira:



M03CM03: Substantzia makromolekularren ezaugarri adierazgarrienak aztertzeko eta ezaugarritzeko metodo esperimentalak ulertzeko eta erabiltzeko gaitasuna, baita egituraren eta ezaugarrien arteko harremanari dagokionez metodo horietatik eratorritako emaitzak interpretatzeko gaitasuna ere.



M03CM04: Industria-polimeroen familia handien eta horien ekoizpenaren, ezaugarrien eta aplikazio adierazgarrien ezagutza egokia.



M03CM11: Prozesu esperimentalak diseinatzeko, programatzeko eta gauzatzeko gaitasuna, baita kimikaren arloko arazoetarako teknika instrumental egokiak erabiltzeko gaitasuna ere.

Irakasgaia luzera ezberdineko hiru zati desberdinez osatua dago:



- Material polimerikoen deskripzioa (15 ordu magistral)

Termoplastiko amorfo eta kristalinoak

Elastomeroak

Termoegonkorrak

Itsasgarriak

Gainestaldurak

Polimeroen gehigarriak

Polimero nahasteak eta material konposatuak



- Material makromolekularren propietateak (20 ordu magistral)

Propietate mekanikoak: trakzioa, talka, besteak

Propietate elektrikoak

Propietate termikoak



- Material makromolekularrak eta ingurumena (5 ordu magistral)

Polimeroen ingurumen arazoak

Birziklatze erak

Polimero biodegradagarriak



Burutuko diren laborategiko praktikak ondorengoak izango dira:

1) Trakzio-saiakuntzak: Material polimeriko ezberdinen Egitura-Propietate Mekanikoak Erlazioa

2) Talka-saiakuntzak, eta

3) Polimeroen Propietate Termikoen Determinazioa: MFI eta Vicat Tenperatura

Izaera teoriko-praktikoko jarduera sorta baten (TP) eta jarduera esperimentalen (ES) bidez garatuko da kurtsoa.



Jarduera teoriko-praktikoak, nagusiki, klase magistralak izango dira, non irakasleak irakasgaia osatzen duten gai desberdinak azalduko dituen, aurrez ikasleentzat eskuragarri egongo diren Power Point aurkezpenen laguntzaz. Mintegietan, aldiz, ikasleen protagonismoa handiagoa izango da. Hauetan, alde batetik, klase magistraletan azaldutako hainbat gaien inguruan sakonduko da, bereziki irakasgaiaren lehen bi blokeei dagozkienetan. Hortaz gain, ikasleek ikasturte hasieran banatutako III. blokeari (Material Makromolekularrak eta ingurumena) dagokion gai bat landu eta aurkeztuko dute, 3-4 pertsonako talde txikitan banatuta. Aurkezpenak ikasturte amaierako mintegitan egingo dituzte.



Bestalde, jarduera esperimentalak arratsaldetan burutuko diren laborategiko praktiketako hiru saiok osatzen dituzte.



Mintegietara eta laborategiko praktiketara bertaratzea derrigorrezkoa eta saihestezina da.

Ebaluazio metodologia: Jarduera teoriko-praktikoak (TP) eta esperimentalak (ES) baloratzeko ebaluazio jarraitua. Azken kalifikazioa TP eta ES ataletan lortutako kalifikazioak %85ean eta %15ean, banaz bana, kontuan hartuta lortuko da.



a) TP atalaren balorazioa: 3 azterketa partzial eta azterketa final bat. Azterketa partzialak 7 edo kalifikazio handiagoarekin liberatuko dira. Azterketa partzial bakoitzak kalifikazio totalaren %12.5, 12.5 eta 5 balioko du, hurrenez hurren, eta azterketa finalak, aldiz, %40. Kasu guztietan, idatzizko probek azken kalifikazioaren %70 suposatuko dute. Era berean, mintegietan (bertaratzea derrigorrezkoa) landutako jarduerak ere baloratuko dira: alde batetik, proposatutako jardueretan parte hartzeak azken kalifikazioaren %5 suposatuko du eta, bestetik, landutako talde-lanaren aurkezpenak, aldiz, azken kalifikazioaren %10. M03CM03, M03CM04, M03CM18 eta M03CM20 konpetentziak ebaluatuko dira.



b) ES atalaren balorazioa: lortutako emaitzen kalitatea, aurkeztutako informeak, laborategiko koadernoa eta talde-lana ebaluatuko dira. Asistentzia derrigorrezkoa da. M03CM11 eta M03CM17 konpetentziak ebaluatuko dira.



Ohiko deialdian "Ez aurkeztua" kalifikazioa jasoko du ebaluazio jarraitua osatzen duten proba bakar batera ere aurkezten ez den ikasleak (ez azterketetara, ez mintegietara, ezta laborategiko praktiketara).



Ez ohiko deialdia: ohiko deialdian 4,0 baino kalifikazio baxuagoa jasotako zatiek (teoria, mintegiak eta/edo laborategiko praktikak) eta 4,0 baino kalifikazio altuagoa lortutakoak baldin eta batezbestekoa 5,0 baino baxuagoa bada deialdi honetako azterketan sartuko dira.



Ebaluazio jarraituari heltzen den ikasleak deialdiari uko egin dakioke irakasgaiaren irakaskuntza periodoa amaitu baino 4 aste lehenago beranduenez. Uko egite hau idatziz aurkezte behar zaio iraskagaieko irakasleari eta “Ez aurkeztua” kalifikazioa jasotzea suposatuko du.



Ikasleak ebaluazioa azken ebaluazioaaren sistema (proba bakarra) bidez egitea eska dezake, nahiz eta ebaluazio jarraituaren sistemari heldu. Horretarako irakasgaieko irakasleari ebaluazio jarraituaren sistema uko egiten diola azaltzen duen idatzia aurkeztuko zaio betiere ikasturtea hasi eta 9. astea amaitu aurretik.



Eskaeran irakasgaiarekin loturiko ezaguerak eta konpetentziak lortzeko jarraituko den bidea adierazi beharko da, bereziki izaera praktikoko konpetentziak.



Bi deialdietako proba bakarra horrela osatuta egongo da: idatzizko azterketa irakasgaiaren alde teoriko-praktiko osoari dagokiona, laborategiko praktiketako azterketa praktiko bat (programan azaltzen den praktiketako bat egitea eta honi dagokion txostena egitea), eta mintegietan landutako gai baten ahozko azalpena multimedia baliabideak erabiliz, aztertzaileek proba-eguna baino 10 egun lehenagotik aukeratukoa, eta honi buruzko galderei erantzunez garatuko den eztabaida. Proba bakarrak M03CM03, M03CM04, M03CM11, M03CM17, M03CM18 eta M03CM20 konpetentziak ebaluatuko ditu.



Proba bakar bidezko ebaluazioari heldu eta bera egitera aurkezten ez diren ikasleen kalifikazioa "Ez aurkeztua" izango da, honek automatikoki deialdiari uko egitea suposatuko du.

Ez dago derrigorrez erabili beharreko materialik.

Oinarrizko bibliografia

1) J.A. Brydson. Plastics Materials (7th Edition), Butterworth-Heinemann, 1999.

2) J.A. Brydson. Materiales Plásticos. instituto de Plásticos y Caucho, 1975.

3) Z. W. Wicks Jr., F. N. Jones, S. P. Peppas. Organic Coatings: Science and Technology. Wiley Interscience, 1999.

4) W.Brockmann. Adhesive bonding: Materials, Applications and Technology. Wiley-VCH, 2008

5) L.E. Nielsen and R.F. Landel. Mechanical Properties of Polymer and Composites: Second Edition. Marcel Dekker, 1994.

6) V. Shah. Handbook of Plastics Testing and Failure Analysis: Third Edition. John Wiley & Sons, Inc., 2007.

Gehiago sakontzeko bibliografia

1) J. Royo. Manual de Tecnología del Caucho. Ed. Consorcio Nacional de Industriales
del Caucho, 1989.
2) J. Areizaga, M. Cortázar, J. M. Elorza, J. Iruin. Polímeros. Editorial Síntesis, 2002
3) A.A.Tracton. Coatings Technology: Fundamentals, Testing, and Processing Techniques. CRC Press, 2007.
4) A.A.Tracton. Coatings Materials and Surface Coatings. CRC Press, 2007.
5) R. Brown. Physical Testing of Rubber, 3rd edition. Chapman & Hall, 1996.
6) R. Blythe. Electrical Properties of Polymers. Cambridge University Press, 1979.
7) D. Hull. An introduction to Composite Materials. Cambridge University Press, 1981.

Aldizkariak

Macromolecules
Polymer
Polymer Engineering and Science
Journal of Applied Polymer Science
Composites Science and Technology
Polymer Testing
Revista de Plásticos Modernos