Hori dela eta, modulu horretan aipatzen diren zeharkako gaitasunak landu beharko ditu. Irakasgai hau Kimika Fisika Materian kokatzen da, Kimika Graduko Oinarrizko moduloaren barruan. Hori dela eta, modulo horretan aipatzen diren [M02CM09], [M02CM10] eta [M02CM011] zeharkako gaitasunak landu beharko ditu. Gainera, irakasgai honek [M02CM01] gaitasuna espezifikoa garatzen ditu.

M02CM01. Kimika Fisikoaren eta Kimika Fisikoak prozesu kimikoetan duen eraginaren oinarriak ulertzea eta erabiltzea.

M02CM09. Ahoz eta idatziz, modu ulergarrian, Kimikarekin eta antzeko gaiekin lotutako fenomenoak eta prozesuak aurkeztu ahal izatea.

M02CM10. Kimikaren arloan eta beste arlo zientifiko batzuetan informazioa bilatzeko eta hautatzeko gaitasuna izatea, bibliografia eta informazioaren eta komunikazioaren teknologiak erabiliz.

M02CM11. Kimika beste diziplina batzuekin lotzeko gai izatea, baita Kimikak gaur egungo gizartean duen eragina eta Industria Kimikoaren garrantzia ulertzeko gai izatea ere.

Termodinamika Kimikoa. Termodinamikaren legeen berrikustea. Maxwell-en erlazioak. Erreakzio-entalpiak, -entropiak eta -Gibbs-en energiak: taula termodinamikoen erabilpenak. Potentzial kimikoak. Oreka-baldintzak.

Disoluzio idealak eta errealak. Gas errealen iheskortasuna. Magnitude molar partzialak. Aktibitate-koefizienteak. Henry-ren legea.

Fase-orekak. Osagai puruen fase-diagramak: Clapeyronen eta Clausius-Clapeyronen ekuazioak. Osagai askotariko sistemak. Likido-likido diagramak. Likido-lurrun diagramak: azeotropoak. Solido-likido sistemak: eutektikoak.

Oreka kimikoak. Gas errealen arteko erreakzioaren aurrerapena, energia askea eta oreka kimikoa. Oreka-konstanteak. Oreka heterogeneoak. Disoluzio ez-ionikoen orekak.

Oreka elektrokimikoa. Disoluzio ionikoak, batezbesteko aktibitate ionikoa. Debye-Hückel-en muga-legea. Sistema elektrokimikoak. Potentzial elektrokimikoa. Pila elektrokimikoak. Erreduziozko potentzial normala. Pila elektrokimiko motak. Magnitude termodinamikoen determinazioa. Erregai-pilak.

Gainazaleko fenomenoak. Gainazal-tentsioa. Kapilaritatea. Gainazal-geruzak. Adsortzioa: kimisortzioa eta fisisortzioa. Adsortzio-isotermak.

Garraio-propietateak. Gasen teoria zinetikoa eta garraio-propietateak. Difusioa. Likatasuna. Eroankortaun termikoa. Disoluzio ionikoen eroankortasun elektrikoa.

Makromolekulak eta koloideak. Polimeroak eta polimerizazioa. Batezbesteko pisu molekularrak eta eurak neurtzeko metodoak. Makromolekulen konformazioak eta konfigurazioak. Koloiden propietateak: sailkapena eta prestaketa. Egitura eta egonkortasuna. Mizelen formazioa. Geruza bikoitz elektrikoa.

Zinetika kimikoa eta elektrokimikoa. Zinetika formala. Erreakzioen mekanismoak. Erreakzio itzulgarriak, adarkatuak eta kontsekutiboak. Kate-erreakzio lineal eta adarkatuak. Erreakzio leherkorrak. Kolisio-teoria. Erreakzioak disoluziotan. Katalisi homogeneoa, heterogeneoa eta entzimatikoa. Zinetika elektrodikoa: geruza bikoitz elektrikoa, elektrodoen polarizazioa, boltametria eta korrosioa.

Ordu majistraletan teoria eta zenbait adibide praktiko erakutsiko dira. Gelako praktiketan ariketak ebazteko erabiliko dira. Bi jarduera hauetan ikasleen parte-hartzea bultzatuko da eztabaidak, galderak, e.a.-en bitartez.



Mintegietan ikasleek haiek ebatzitako ariketak aurkeztu beharko dituzte. Horretarako baliabide informatiko egokiak erabiliz testu bat prestatu beharko dute. Talde bakoitzak 3 ariketa ebatziko ditu kurtsoan zehar eta ikasle bakoitzak ariketa bat aurkeztu beharko du. Horrez gain, aurkezpenetan sortutako eztabaidetan, zalantzak argitzerakoan, galderetan, e.a. beste taldekideek ere parte hartuko dute.



eGela plataformaren bitartez ikasleek 5 galderez osatutako 7 galdetegi burutu beharko dituzte. Hauetan galderak eta ariketak ebatzi beharko dituzte. Baita ere, ikasleek bakarka gelako praktika orduetan ariketak arbelan ebatzi beharko dituzte. Ikasle kopuruaren arabera zehaztuko da atal honetan diren jarduerak. Kurtsoaren aurkezpenean ikasleei jakinaraziko zaie egingo direnak.



Programa hau 4 zatitan banandu da. Atal bakoitza azterketa baten bidez ebaluatuko da:

1. Termodinamika Kimikoa.

2. Magnitude molar partzialak, Disoluzioak, Fase-orekak.

3. Oreka kimikoa. Oreka elektrokimikoa, Gainazaleko fenomenoak. Makromolekulak eta koloideak. Garraio-propietateak.

4. Zinetika kimikoa eta elektrokimikoa.

Kontrolak azaroan, urtarrilean eta apirilean egingo dira. Kontrol hauetan [M02CM01] gaitasuna ebaluatuko da. Ikasleak, gainditzen badu, kontrol horri dagokion zatia liberatuko du eta nota hori gorde egingo da ere ez-ohiko deialdirako. Aldiz, kontroletan gainditu gabeko notak ez dira inoiz gordeko. 1. kontrola gainditzen ez duten ikasleek urtarrilean zati honetako beste proba edukiko dute 2. kontrolarekin batera. 2. kontrola gainditzen ez duenak, 3. kontrolarekin batera izango du bigarren aukera, eta ohiko deialdiaren azterketa finalean 4. kontrola eta 3. kontrolaren bigarren aukera egingo dira. Azterketei dagozkien batezbesteko notak kalkulatzeko zati bakoitzean behin betiko notak kontuan hartuko dira eta gutxieneko notak 4,5 izan beharko du batezbestekoa kalkulatzeko. Batezbestekoak gutxienez 5 izan beharko da ikasgaia gainditzeko. Horrela ez bada, ez gainditu kalifikazioa jasoko du beste zatietan lortutako notak kontuan hartu gabe .



Bukaerako notaren %70 azterketetan lortutako batez besteko nota izango da.



Gainontzeko jarduerak, gaitasun hauek kontuan hartuz eta bukaerako notan aipatzen diren ponderazioekin, izango dira:



1. Mintegiak: [M02CM01], [M02CM09], [M02CM10] eta [M02CM011]: %15

2. Galdetegiak (eGela) eta/edo* gelako praktika orduetan arbelan ebaztutako ariketak: [M02CM01], [M02CM09], [M02CM10] eta [M02CM011]: %15 (* Ikasle kopuruaren arabera zehaztuko da egongo diren jarduerak. Kurtsoaren aurkezpenean ikasleei jakinaraziko zaie egingo direnak).



Bi jarduera hauek burutzea ezinbestekoa da eta gutxieneko notak 5 izan behar du. Horrela ez bada, ez gainditu kalifikazioa jasoko du kontuan hartu gabe beste zatietan lortutako notak.



Ebaluazioa jarraitua da eta jarduera guztietan parte hartzea derrigorrezkoa da: 4 kontrolak, Mintegiak, eGelaren bitartez proposatutako galdetegiak eta gelako praktika orduetan ebaztutako ariketak. Ikasle batek derrigorrezkoak diren jardueretako bat egingo ez balu ikasturtean zehar, ohiko deialdian gainditu gabe gisa agertuko da, egindako gainontzeko jardueretako nota edozein izanda ere.



Ez aurkeztuak



Ebaluazio jarraitua denez nahiz eta azken idatzizko azterketara ez aurkeztu, nota bat edukiko du ohiko deialdian. Ikasle batek Ez Aurkeztu kalifikazioa izango du ez badu parte hartu proposatutako derrigorrezko inongo jardueretan edo Uko egiten badu.

Etengabeko ebaluazioaren kasuan, azken probaren pisua irakasgaiko kalifikazioaren %40a baino handiagoa bada, nahikoa izango da proba horretara ez aurkeztea azken kalifikazioa "ez aurkeztua" izan dadin. Aldiz, azken probaren pisua irakasgaiko kalifikazioaren %40a edo txikiagoa bada, deialdiari uko egin nahi dioten ikasleek kasuan kasuko irakasgaiaren irakaskuntza aldia bukatu baino gutxienez hilabete lehenago egin beharko dute eskaria. Eskari hori idatziz aurkeztu beharko zaio irakasgaiaren ardura duen irakasleari.



Uko egitea



Ikasle batek jarduera batean parte hartu baldin badu ere, ikasleak irakasgaiari UKO egiten diezaioke irakasleari jakinarazten badio. Horretarako dagokion idatzia, sinatuta, bidali beharko dio kurtsoaren azken irakasuntza-jarduera baino hilabete lehenago. Ezohiko deialdiaren eskubidea ere galduko luke.



Bukaerako proba bakarra



Ikasleak ebaluazioa proba bakar baten bidez egitea eska dezake, EHUko arautegia jarraituz. Horretarako idatzi bat, sinatuta, bidaliko dio irakasleari, kurtsoko 18. astea baino lehenago. Bi deialdietako proba bakarra horrela egongo da osatuta: 1. Idatzizko azterketa irakasgai osoari dagokiona; 2. Mintegietan landutako gai baten ahozko ariketa baten azalpena multimedia baliabideak erabiliz. Ebazpena baliabide informatiko egokiak erabiliz prestatu beharko du; eta 3. eGelan bitartez galdetegi bat eginez eta/edo arbelan ariketa bat ebatziz. Gaitasun guztiak ebaluatuko dira, ebaluazio jarraituan duten ponderazio berberarekin eta gutxieneko notaren baldintza berberarekin. Ebaluazioa proba bakar baten bidez egitea eskatu eta proba hori egitera aurkezten ez den ikaslearen kalifikazioa Ez aurkeztua izango da. Probaren hiru zatiak burutzea ezinbestekoa da eta proba bakarra burutzeko ikasleak 15 eguneko tartea edukiko du. Ebaluazio jarraituan bezala gainditutako zati guztien notak gorde egongo dira ez-ohiko deialdirako.

Doiketak egiten dituen kalkulagailua erabiltzea ezin bestekoa izango da, azterketak barne.

Oinarrizko bibliografia

R. J. Silbey, R. A. Alberty. Kimika Fisikoa. Euskal Herriko Unibertsitatea, 2006.

I. R. Levine. Fisicoquímica, 1. eta 2. bol.; 5º ed. Ed. McGraw-Hill, 2004.

P. Atkins, J. de Paula. Química Física. Ed. Panamericana, 2008.

T. Engel, P. Reid. Química Física. Pearson, 2006.

Gehiago sakontzeko bibliografia

J. Bertrán, J. Núñez (coords.). Química Física, 1. eta 2. bol.. Ariel Ciencia, 2002.
J. A. Rodríguez Renuncio, J. J. Ruiz Sánchez, J. S. Urieta Navarro. Termodinámica Química. Ed. Síntesis, 1999.
S. R. Logan, Fundamentos de Cinética Química, Ed. Addison Wesley-Iberoamericana, 2000.

Aldizkariak

Journal of Physical Chemistry
Journal of Chemical Physics
Journal of Chemical Education
Interneteko gune interesgarriak
http://riodb01.ibase.aist.go.jp/sdbs/cgi-bin/cre_index.cgi
http://webbook.nist.gov/chemistry
http://www1.lsbu.ac.uk/water/water_phase_diagram.html