Irakasgaia Kimika Fisikoa den Materian errotzen da, Graduaren Oinarrizko Moduloan, eta honen ondorioz Modulo honek atxikituta dituen zeharkako konpetentziak konpartitzen ditu. Konkretuki, irakasgai honek garatzen dituen konpetentziak M02CM01 (Kimika FIsikoaren Printzipioen ulermena eta erabilera, eta prozesu kimikoetan duten eragina), M02CM08 (Sustantzia kimikoak karakterizatzeko egokiak diren teknika instrumentalak, sinpleak ala konbinatuak, aukeratzeko gaitasuna), M02CM09 (Kimikarekin eta antzeko arloekin lotutako fenomeno eta prozesuak modu ulerkorrean aurkezteko gai izatea, bai ahoz zein idatziz), M02CM10 (Kimikan eta anzeko arlotan informazioaren bilaketa eta aukeraketa aproposa egiteko gaitasuna, informazio eta komunikazio teknologiak eta bibliografia erabiliz), eta M02CM11 (Kimika beste disziplinekin erlazionatzeko gai izatea, gaurko gizartean duen eragina ulertuz eta sektore kimiko industrialaren garrantziaz jabetuz) dira.



Irakasgai honen eta Moduloaren beste irakasgaien arteko koordinazioa Kimika Graduko Koordinazio Komisioari dagokio.

Irakasgaiak eduki teorikoak eta praktikak ditu



a) Eduki Teorikoa: eduki hau ongi bereizitako bi bloke desberdinetan banatuta dago.



1 Blokea: Kimika Kuantikoaren Sarrera



B1.1. Kimika Kuantikoa: aplikazioa sistema sinpleetan. Uhin-funtzioa eta Schrödinger-en ekuazioa. Uhin-partikula bitasuna. Funtzio propioak eta balore propioak. Batazbesteko baloreak. Ziurgabetasun printzipioa. Traslazio mugimendua: potentzial kutxaren eredua eta tunel efektua. Bibrazio mugimendua: osziladore harmonikoa. Momentu angeluarra eta mugimendu errotazionala. Atomo hidrogenoideensoluzio zehatzak.

B1.2. Egitura atomiko eta molekularra. Metodo hurbilduak. Atomo polielektronikoak. Pauli-ren esklusio printzipioa. Uhin-funtzioaren antisimetria. Termino espektralak. Orbital molekularren metodoa. Konfigurazio elektronikoak. Termino molekularrak. Kimika Kuantiko konputazionala.



2 Blokea: Espektroskopia Molekularra



B2.1. Erradiazio-materia elkarrekintza. Argiaren absortzio, emisio eta dispertsio fenomenoak. Trantsizio momentuak eta hautaketa arauak. Espektro seinaleen intentsitatea.

B2.2. Errotazio eta bibrazio espektroskopiak: IG eta Raman. Errotazio puruen espektroa molekula linealen kasuan. Mikrouhinak eta errotaziozko Raman. Molekula diatomikoen bibrazio espektroak: egitura errotazionala. Bibrazio modu normalak molekula poliatomikoen kasuan. IG eta Raman espektroak. Talde bibrazioa.

B2.3. Espektroskopia elektronikoak. Molekula diatomikoen absortzio espektroak: bibrazio egitura. Kromoforoak. Karga transferentzien konplexuak. Fluoreszentzia eta fosforeszentzia. Etekin Kuantikoa eta erdibizitza. Laserrak. UM eta X izpien espektro fotoelektronikoak.

B2.4. Erresonantzia espektroskopiak: EMN eta ESE. Eremu magnetiko eta materiaren arteko elkarrekintza. EMN: oinarriak. Desplazamendu kimikoak eta spin-spin aklopamenduak. Elektroi spinaren erresonantzia.

B2.5. Termodinamika Estatistikoa. Oinarriak. Maxwell-Boltzmann estatistika. Molekulen partizio-funtzioak. Magnitude termodinamikoen kalkuluak. Oreka konstantea. Energia potentzial gainazalak. Trantsizio egoeraren teoria.



b) Praktikak: praktikak bi zatitan banatuta daude. Alde batetik, ordenadore praktikak eta bestaldetik laborategi praktikak.



P1. Ordenadore Praktiak (Kimika Konputazionala). Metodo Konputazionalen aplikazioa kalkulu mekaniko kuantikoetan: molekulen geometria optimizazioa, parametro molekularren determinazioa, funtzio termodinamikoak eta magnitude espektroskopikoak.



P2. Laborategi Praktikak (Espektroskopia Praktikak). Teknika espektroskopikoak erabiltzeko praktikak: IG espektroskopia, UM/Ikuskor absortzio espektroskopia, Fluoreszentzia espektroskopia, etab.

Irakasgai teoriko-esperimental honen ikasgai-zerrenda atal teoriko eta praktikoetan banatuta dago. Atal teorikoa bi bloke nagusitan banatuta dago, bloke bakoitza bi modulotan banatuta dagoelarik. Bestalde, atal praktikoa bi modulotan banatuta dago.



Bloke teoriko bakoitzak lauhilabete bat iraungo du, eta hurrengo kontrolen bidez ebaluatuko dira:



1 Blokeko Kontrolak



M1.1. Kimika Kuantikoa: aplikazioa sistema sinpleetan.

M1.2. Egitura atomiko eta molekularra



2 Blokeko Kontrolak



M2.1. Erradiazio-materia elkarrekintza eta errotazio eta bibrazio Espektroskopiak: IR eta Raman.

M2.2. Espektroskopia elektronikoak, erresonantzia Espektroskopiak: EMN eta ESE, eta Termodinamika Estatistikoa



Modulo Praktikoak Ordenadore Praktiketan eta Laborategi Praktiketan banatuko dira, derrigorrezkoak izango direlarik. Biak Praktiken Txostenen bidez ebaluatuko dira.



Ordenadore Praktikak 1 Blokearekin (M1.1 eta M1.2) lotuta daude eta lehenengo lauhilabetean burutuko dira.



2 Blokearekin (M2.1 eta M2.2) lotutako Laborategi eta Ordenadore Praktikak bigarren lauhilabetean burutuko dira.

Ebaluazio jarraiaren bidez irakasgaia gainditzeko ebaluatuko diren hurrengo aktibitate guztietan parte hartu behar da: kontrol azterketak, laborategi praktikak, ordenadore praktikak, bakarkako lanak entregatzea eta taldekako lanen aurkezpenak burutzea.



Notaren Poderazioa



Kontrol Azterketak (nota finalaren %50a): Irakasgaia gainditzeko, irakasgaiaren bi blokeei (B1 eta B2) dagozkien azterketak gainditu beharko dira. Bloke hauek independienteki ebaluatuko dira, bakoitzak nota finalaren %25a balioko duelarik. Bloke hauetako bakoitza gainditzeko bi modu egongo dira: Alde batetik, bloke bakoitza osatzen duten bi moduluen kontrolak gaindituz, ala bestetik bloke osoari dagokion azterketa bakarra gaindituz.



Horrela, B1 blokearen lehen kontrola (Metodologian deskribatutatuko M1.1 moduloari dagokiona) gutxi gora behera azaroan burutuko da. Azterketa honetan gutxienez 5 bat lortuz gero, urtarrileko azterketan B1 blokeko bigarren moduloari (M1.2) dagokion azterketa burutuko da. Hau aprobatzeko gutxienez 5 bat lortu behar da, modu honetan bloke osoa gaindituz. Bestalde, M1.1 moduloari dagokion azterketan gutxieneko nota ez bada lortu, urtarrileko azterketan bloke osoari (M1.1 eta M1.2 moduloak) dagokion azterketa bakarra burutuko da. Azterketa hau gainditzeko nota minimoa 5 izango da ere. Bloke hau ez gainditzekotan, maiatza-ekaineko deialdian B1 bloke osoaren azterketa egiteko aukera egongo da berriz ere.



B2 blokearen lehen azterketa (M2.1. moduloari dagokiona) martxoa-apirila hilabeteetan burutuko da, eta B1 blokearen antzera ebaluatuko da. Azterketa honetan gutxienez 5 lortuz gero, maiatza-ekaineko ohiko deialdian M2.2 moduloari dagokion azterketa bakarrik egin beharko da. Azterketa hau gainditzeko gutxienez 5 beharko da ere. M2.1 moduloko azterketan 5 baino gutxiago lortuz gero, maiatza-ekaineko ohiko deialdian B2 bloke osoari dagokion azterketa bakarra eginen da, M2.1 eta M2.2 moduloen edukiak ebaluatuko direlarik. Bloke osoa gainditzeko azterketa honetan berriz ere gutxieneko 5 lortu beharko da.



Notaren beste %50-a ondorengo moduan banatzen da:



- Laborategiko praktikak: %20. Honek proba teoriko-praktiko bat eta praktiketan egindako ekintzen ebaluazioa (egindako lana, emaitzen kalitatea, txostenak, esposaketa, ...) kontutan hartuko du. Praktika hauetan asistentzia derrigorrezkoa izanen da irakasgaia aprobatzeko, eta, bestalde, irakasgaiaren ebaluazioa ohizko konbokatorian egitea bermatuko du. Landuko diren konpetentziak M02CM01, M02CM08, M02CM09 eta M02CM10 dira.



- Gelako Praktikak: %10. Bakarka entregatuko diren ariketak ebaluatuko dira. Problema hauek klasean planteatuko dira eta kurtsoan zehar zehaztuko diren epeen barruan entregatuko dira, horretarako eskura egongo diren bideak erabiliz. Gelako parte-hartzea ere kontutan hartuko da. Landuko diren konpetentziak M02CM01, M02CM09 eta M02CM10 dira.



- Mintegiak: %10. Talde-lanean egindako lanen ahozko aurkezpenak ebaluatuko dira. Landuko diren konpetentziak M02CM01, M02CM09 eta M02CM10 dira.



- Ordenadore Praktikak: %10. txostenen ebaluazioa, lanen aurkezpena, talde lana, aurkezpena etab kontutan hartuko da. Praktika hauetan asistentzia derrigorrezkoa izanen da irakasgaia aprobatzeko, eta, bestalde, irakasgaiaren ebaluazioa ohizko konbokatorian egitea bermatuko du. Landuko diren konpetentziak M02CM01, M02CM09 eta M02CM10 dira.



Irakasgaiak ebaluaketa jarraiaren izaera duenez, derrigorrezkoak diren aktibitateren bat ez bada burutzen ohiko deialdiko nota Suspentso izango da ohiko deialdian, beste aktibitateetan lortutako nota edozein izanda ere. EZ AURKEZTUA kalifikazioa ondorengo kasuetan emanen da:



a) Derrigorrezkoak diren aktibitateak ez baditu burutzen (kontrolak, ariketak, aurkezpenak, praktikak)

b) Proba bakarraren bidez ebaluatua izateko eskaera egin duen ikaslea (1. eta 18. aste lektiboen bitartean), azterketara bere burua aurkezten ez duenean. Eskaera idatziz aurkeztu behar zaio Irakasleari.

c) Epe barruan proba bakarraren bidez ebaluatua izateko eskaera egin ez duen ikaslea (1. eta 18. aste lektiboen bitartean), baldin eta ez badu bere burua aurkeztu irakasgaiaren ebaluazioa egiteko egiten diren azterketa eta lan guztietan, edo UKO egiten badu.



Uko egitea posible izanen da, ikasle batek jardueraren batean parte hartu badu ere, baldin eta kurtsoaren azken irakaskuntz-jarduera burutu baino hilabete bat lehenago dagokion idatzia, beteta eta sinatuta, Irakasleari bidaltzen badio.



PROBA BAKARRA



Bi konbokatorietan, proba bakarra ondorengoa izango da: Irakasgai osoan ikusitako eduki teoriko-praktikoen azterketa, laborategi eta ordenadore praktiken azterketa praktikoa, eta seminarioetan landutako gai baten ahozko aurkezpena, multimedia errekurtsoak erabilita. Proba hauek hiru egun jarraietan banatuko dira. Proba bakar honek M02CM01, M02CM08, M02CM09 eta M02CM10 konpetentziak ebaluatuko ditu.

Urteroko Irakaskuntza Gidan azalduko direnak.

Oinarrizko bibliografia

R. J. Silbey, R. A. Alberty. Kimika Fisikoa. Euskal Herriko Unibertsitatea, 2006.

I. R. Levine. Fisicoquímica, vols. 1 y 2. 5º ed. Ed. McGraw-Hill, 2004.

P. Atkins, J. de Paula. Química Física. Ed. Panamericana, 2008.

J. M. Elorza. Kimika Fisikoa. Elhuyar, 2000.

J. Casabo i Gispert, Egitura atomikoa eta lotura kimikoa. Euskal Herriko Unibertsitatea, 2009.

Gehiago sakontzeko bibliografia

A. Requena y J. Zúñiga. Espectroscopia. Pearson Prentice-Hall, 2004.
J. M. Hollas. Modern Spectroscopy, 4th ed. Wiley, 2003.
J. Bertran, V. Branchadell, M. Moreno y M. Sodupe. Química Cuántica. Ed. Síntesis, 2002.
E. H. Brittain, W. O. George y C. H. Well. Introduction to Molecular Spectroscopy: Theory and Experiment. Academic Press, 1970.
A. M. Halpern, G. C. McBane. Experimental Physical Chemistry. A laboratory textbook, 3rd edition. W.H. Freeman, 2006.
O. Mo, M. Yañez. Enlace Químico y Estructura Molecular. J. M. Bosch, 2000.

Aldizkariak

Journal of Physical Chemistry
Journal of Chemical Physics
Journal of Chemical Education
European Journal of Physics