Irakasgai hau Makromolekuletako espezialitatean kokatzen da, Kimika Graduko Modulu Aurreratuaren barruan. Hori dela eta, modulu horretan aipatzen diren zeharkako gaitasunak landu beharko ditu. Landuko eta ebaluatuko direnak hurrengoak dira:



M03CM17: Behaketarako, analisirako eta sintesirako gaitasunak erakustea, gaitasun kritikoa izanez eta autokritika eginez.



M03CM18: Bizitza profesionala garatzeko, ikaskuntzarako eta lan autonomorako gaitasuna erakustea.



M03CM20: Kimika beste diziplina batzuekin lotzea, baita Kimikak gizarte industrial eta teknologikoan duen eragina eta Kimikaren industria-sektorearen garrantzia ulertzea ere.



Irakasgai honi dagozkion konpetentzia espezifikoak dira:



M03CM05: Produktu baliagarrietan material makromolekularren eraldaketa-metodo nagusiak erabiltzeko ezagutzak eskuratzea eta trebetasunak garatzea. Eraldaketa horien funts diren oinarri erreologikoen oinarrizko ezagutzak.



M03CM11: Prozesu esperimentalak diseinatzeko, programatzeko eta gauzatzeko gaitasuna, baita kimikaren arloko arazoetarako teknika instrumental egokiak erabiltzeko gaitasuna ere.



M03CM12: Kimikaren arloan eta antzeko beste arlo batzuetan informazioa bilatzea ahalbidetzen duten sareko tresnak eta zerbitzuak ezagutzea.



Irakasgai honen koordinazioa Espezialitateko gainontzeko irakasgaiekin, Kimika Graduko Koordinazio Batzordeari dagokio. Fakultateko Batzarrak izendatuko du Batzordea.

1) Erreologíaren Hastapenak: Polimeroen fluxua. Definizioak eta kontzeptu orokorrak. Likido ez-newtondarrak. Fluxuaren deskribapena. Portaera ez linealen jatorri fisikoa. Likatasun-kurben modelizazioa eta eragina duten faktoreak.

2) Biskoelastikotasunaren Hastapenak. Portaera biskoelastikoa fluxuan.Biskoelastikotasunaren neurketa. Fluxu oszilakorrak: Neurketa dinamikoak. Neurketa dinamiko motak.

3) Erreologia eta prozesaketa. Prozesaketa aldagaien eragina. Fluxu aktibatuaren teoria. Trakzio-fluxua. Fluxu distortsioak. Labainketa eta tapoi-fluxua. Prozesu fisiko-kimikoak, degradazioa eta kristaltasuna.

4) Prozesaketaren aurreko operazioak. Material makromolekularren nahasketa gehigarriekin. Lehorketa.

5) Prozesaketako teknika jarraiak: Estrusioa. Kalandraketa. Aplikazioak.

6) Prozesaketako teknika zizklikoak: Injekziozko moldeaketa. Puzte bidezko moldeaketa. Termoformaketa. Material termoegonkorren moldeaketa. Beste prozesu ziklikoak. Aplikazioak.

7) Fabrikazio gehigarria

Irakasgai honetako metodologia eskola magistraletan, mintegietan eta laborategiko praktiketan banatuko da.

Eduki teorikoa ikasgelan emango da, eskola magistralen bidez. Horretarako, baliabide nagusi gisa, PowerPointeko aurkezpenak erabiliko dira, aldez aurretik ikasleek eskuragarri izango dituztenak.

Mintegiko orduetan talde-jarduera eta emaitzen eztabaida eta aurkezpena sustatuko dira. Irakasleak proposatutako gaiak garatzea eta horiek 2-3 pertsonako taldeetan aurkeztea eta eztabaidatzea aurreikusten da.

Laborategiko praktikak saio desberdinetan banatuko dira, arratsaldez. Praktiketan erreologiako eta prozesaketako edukiak landuko dira. Praktiketako gidoiak entregatuko dira, eta bertan jasoko dira egin beharreko lanak, ekipoak erabiltzeko jarraibideak eta planteatutako praktikak egiteko baldintza esperimentalak. Ikasleek, 3-4 pertsonako taldeetan banatuta, lan esperimentala egingo dute, lortutako datuak erregistratuz eta aztertuz, eta izan daitezkeen gorabeherekin kontrastatuz. Azkenik, talde bakoitzak egindako lana, emaitzak eta eztabaida txosten idatzi batean islatuko ditu.

Gaitasunak eskuratzea ebaluazio jarraia erabiliz ebaluatuko da, kalifikazio-sistema honen arabera:

1) Saio magistraletan azaldutako eduki teoriko-praktikoen ebaluazioak kalifikazio osoaren % 55 balioa izango du, eta ebaluazio-testaren eta idatzizko azterketaren bidez ebaluatuko dira. Ebaluazio-testak gai bakoitzaren amaieran egingo dira, aplikazio interaktiboak erabiliz. Erreologia-zatiari dagozkion test bakoitzaren ebaluazioak % 5eko ekarpena egingo dio kalifikazio teoriko-praktikoari. Aldiz, prozesatze-zatiko testen ebaluazioak amaierako azterketaren atal batzuk ordeztu ahal izango ditu.

2) Mintegietan egindako lanen ebaluazioa ahozko aurkezpenen bidez egingo da. Ebaluazio horrek amaierako kalifikazioaren % 20 izango du, eta nahitaezkoa da ebaluazio jarraitua lortu nahi duen ikaslearentzat.

3) Laborategiko praktiken ebaluazioa laborategiko zuzeneko behaketan eta egindako lanen txostenetan oinarrituko da. Ebaluazio horrek amaierako notaren % 25 izango du. Laborategiko praktiketara joatea ezinbesteko baldintza izango da irakasgaia gainditzeko.



Irakasgaia gainditzeko baldintzak:

- Kalifikazioa. 4.0 atal guztietan: teoriko-praktikoa, mintegietako jarduerak eta laborategiko praktikak.

- Batez besteko kalifikazioa. 5.0.



Amaierako proba bidez ebaluazioa egin ahal izateko irizpideak EHUko graduko titulazioetako ikasleen ebaluazioa arautzen duen araudiaren 2. kapituluko 8. artikuluan ezarritakoak dira.

Ez dago

Oinarrizko bibliografia

J. M. Dealy. Rheometers for Molten Plastics. Van Nostrand Reinhold, 1982.

J. Ferguson, Z. Kembloswsky. Applied Fluid Rheology. Elsevier Applied Science, 1991.

A. A.Collier. Thechniques in Rheological Measurements. Chapman and Hall, 1993.

C. D. Han. Rheology in Polymer Processing. Academic Press, 1976.

A. Santamaría, M. E. Muñoz. Curso de Reología Aplicada. UPV/EHU, 2009.

A. Santamaria, E.Unzueta. Erreologia: Teoria eta Praktika. UEU, 1994.

M. L. Berins, Editor. Plastics Engineering Handbook. Van Nostrand Reinhold, 1991.

W. Michaeli. Plastics Processing, An Introduction. Hanser, 1995.

T. L. Richardson. Industrial Plastics. Delmar Publishers Inc., 1989.

J. M. Charrier. Polymeric Materials and Processing. Hanser, 1991.

W. Michaeli, H. Kaufmann, H. Greif. F. J. Vosseburger. Training in Plastics Technology. Hanser, 1995.

A. W. Birley, B. Hawort, J. Batchelor. Physics of Plastics. Processing, Properties and Materials Engineering. Hanser Publishers, 1991.

Gehiago sakontzeko bibliografia

J. D. Ferry. Viscoelastic Properties of Polymers. Wiley, 1980.
W. W. Graessley. Polymeric Liquids and Networks: Dynamics and Rheology. Garland
Science, 2008.
I. I. Rubin (ed.). Handbook of Plastics Materials and Technology. Wiley Interscience, 1990.
C. A. Harper (ed.). Handbook of Plastic Processes. Wiley, 2006.

Aldizkariak

Polymer
Journal of Rheology
Rheologica Acta
Applied Rheology
Macromolecular Materials and Engineering
Polymer Engineering and Science
International Polymer Processing
European Polymer Journal
Journal of Applied Polymer Science