Datu akademikoak

<ul>

<li>Psikologian lizentziaduna. Deustuko Unibertsitatea (2002).</li>

<li>Psikologia klinikoan eta Gizarte psikologian postgradua (2003-2004).</li>

<li>Neurozientzia kognitiboan doktorea, Valentziako Unibertsitatean (2009).</li>

</ul>

CV laburpena

Joana Acha psikologoa da neurozientzia kognitiboan eta haurren garapenean aditua. Doktorego Saria eta SEPEX Ikerketa Saria lortu zituen 2009an. Egun, UPV/EHUko Oinarrizko Prozesu Psikologikoen eta haien Garapenaren Saileko UPV/EHUko irakasle agregatua eta ikertzailea da, haurren garapen kognitiboaren eremuan. Helduengan hizkuntzak eta irakurketan parte hartzen duten mekanismoak ikertzen dituzten hainbat laborategirekin elkarlanean aritu da (Department of Psychological and Brain Sciences, Massachusetts Amherst Unibertsitatea), eta ikasteko zailtasunak dituzten eta ez duten haur elebidun eta elebakarrekin (La Mente Bilingüe Laborategia, UPV /EHU; Basque Center of Cognition Brain and Language). 2006tik ANEP proiektuen berrikuslea da eta Frontiers in Language Sciences errebisio taldeko kidea 2011tik.

Ikerketa-ildoak

Bere egungo ikerketa-lerroa hizkuntzaren eta irakurketaren garapenean parte hartzen duten mekanismoen azterketa da, hiru helbururekin: 1) garapen goiztiarreko mekanismo kognitiboen eragina detektatzea, hala nola arreta edo funtzio exekutiboak, hizkuntzaren eta irakurketaren ibilbide ebolutiboan eta horrekik lotura duten zailtasunetan, HNE edo dislexia adibidiez, 2) ikaskuntza-metodo desberdinak alderatzea -eskuz idaztea, errepikapena, antzemate bisuala- hizkuntza eta irakurketaren garapen-prozesua optimizatzeko, 3) garapen hori sustatu edo oztopatu dezaketen familia-testuinguruko aldagaiak identifikatzea.