Deskribapena

Irailaren 26an, 17:00etan, Bilboko Areatzan, Euskal Herriko Unibertsitateak Ikertzaileen Europako Gaua aurkeztuko du. Ekimen hau Europako zientzia-dibulgazioko ekitaldirik garrantzitsuenetariko bat da. Helburua da zientzia gizartera hurbiltzea eta gazteen artean zientziarekiko interesa piztea. Europar Batasunak bultzatutako ekitaldi hau  25 herrialdeetako 460 hirietan baino gehiagotan egingo da aldi berean.

Hainbat arlotako adituen eskutik zientziaz gozatzeko 35 txoko egongo dira ikusgai. Horrez gain, Bizkaia Aretoan behaketa astronomikoa eskainiko da 20:00etan.

Ekitaldian izango dira:

Gotzone Barandika, Euskal Herriko Unibertsitateko Transferentzia eta Nazioartekotze errektoreordea

Eider Inunciaga,  Bilboko Udaleko Euskara, Herritarren Arreta eta Partaidetza, 2030 Agenda eta Nazioarteko Gaietarako zinegotzia

Nerea Jaureguizar, Euskal Herriko Unibertsitateko Ikerkuntza Gizartean Zabaltzeko zuzendaria

Aurkezpenaren ondoren agintariek txokoak bisitatuko dituzte.