1.Izaki begetalen dibertsitatea ezagutu, beren antolakuntza mailak identifikatu eta euren taxonomiaren eta sailkapenaren oinarriak ulertu.

2.Izaki begetalen morfologia eta bizi zikloen ezaugarriak ulertu eta berariazko terminologia menperatu.

3.Izaki begetalek ekosistemetan duten funtzioa ulertu.

4.Landare baskularren familia garrantzitsuenen ezaugarriak ezagutu eta espezieak identifikatzeko teknikak menperatu.

5.Prozesu fisiologikoen barneko erregulazioa eta fisiologia ulertu.

6.Ingurumenak landareetako barneko prozesu fisiologiko nagusietan duen eragina ezagutu.

BOTANIKAKO ATALA



1. Begetalak. Sarrera bere bioaniztasunera: Onddoak eta algak. Taxonomia eta Nomenklatura botanikoak.

2. Morfologia begetatiboa: Briofitoak, Pteridofitoak eta Hazidun landareak. Kormodun landareen berezko hiru organoen dibertsitate morfologikoa.

3. Ugalketa. Ugalketa zikloa: Briofitoak, Pteridofitoak eta hazidun landareak (gimnospermoak)

4. Lorearen morfologia eta biologia. Angiospermoen ugalketa zikloa. Fruitu eta hazien eraketa eta barreiaketa.

5. Kormodun landareen sailkapena: Pteridofitoak, Gimnospermoak eta Angiospermoak. Landareak biltzeko, kontserbatzeko eta identifikatzeko teknikak.





LANDARE-FISIOLOGIAKO ATALA



1. Ur-erlazioak eta elikapena. Uraren garrantzia landareetan.Ur-potentziala. Uraren zurgapena. Lurzoru/landare/atmosfera sistema hidrodinamikoa. Floema.

2. Elikapen minerala. Elikagaien garraioa. Landareen erabilera elikagaiak metateko

3. Landareen hazkundea eta garapena. Hormonen eraginak fisiologian.

4. Prozesu energetikoak. Fotosintesi-prozesuaren oinarriak. Landareak CO2aren isurbide.

5. Ingurumenaren fisiologia. Inguruneko estresek duten eragina prozesu fisiologikoetan. Landareen erabilera.

Irakasgai honetan hainbat irakas-metodo erabiltzen dira:



Eskola magistraletan irakasleak gaiaren edukia eta kontzeptuak azalduko ditu beren-beregi prestatutako irudiak erabilita. Ikasleen partehartzea eta pentsamendu logikoa eta kritikoa sustatzeko klasean zehar unean uneko lantzen diren kontzeptuei buruzko galderak egingo zaizkie ikasleei.



Laborategi praktikak irakasgaiaren edukia sakonago aztertzeko eta errazago ulertu eta barneratzeko ezinbestekoak izango dira. Baita planteatu diren gaitasun edo ikaskuntza emaitzak lortzeko laborategi-tresna, teknika, metodologia eta baliabideak lantzeko ere.



Landa irteerak laborategi praktiken osagarri izango dira eta klasean ikusitakoaz errazago jabetzeko oso lagungarriak suertatuko dira.

Ebaluazio jarraitua: azken notaren %30.



Probak:



-Taldekako edo bakarkako lan praktikoak. Lan hauek ebaluazio jarraituaren egutegian agertzen den datan jasoko dira.

-Landare-familiak identifikatzeko proba praktikoa. Proba hori deialdi ofizialeko azken azterketaren datan egingo da (azterketa teorikoaren egunean).



Laborategi praktikaren batera etorri ezin duenak ziurtagiri idatzia ekarri beharko du. Bestela, azterketa praktiko bat egin beharko du azterketa teorikoaren egun berean.



Banakako amaierako proba: azken notaren %70.



Bi ataleko (Botanika eta Landare-fisiologia) proba idatzia egingo da. Ikasleak 4ko nota minimoa lortu behar du idatzizko probaren atal bakoitzean proba praktikoetako notekin batez bestekoa egiteko.



IRAKASGAIAREN EBALUAZIOAREN GAINEKO ARGIBIDEAK:



Irakasgaia aprobatzeko (nota=5,0) ikasleak gutxienez 4,0 atera behar du bai Botanika eta baita Landare-fisiologiako azken proba idatzian. 4,0ko nota minimo hori lortuz gero, alde praktikoaren nota gehituko zaio eta horrela dagokion atalaren azken nota lortuko da, eta bi atalen batez bestekoa 5 bada irakasgaia gaindituko da. Atal bakoitzean (proba teorikoan) esandako minimoa lortu ezean irakasgaia ez da gaindituko. Maiatzetik uztailera 5,0 edo hortik gorako notak gordeko dira soilik (proba teoriko zein praktikoetan). Hurrengo urte akademikorako ez da inolako notarik gordeko, ez alde praktikorik ezta teorikorik.



UPV/EHUko arautegiaren arabera (ikus I kapitulua, 8.2 artikulua), graduko irakasgaietan egon daitezkeen bi ebaluazio moduak matrikulatutako ikasle guztiontzat hurrengo bi hauek dira: ebaluazio finala eta etengabeko ebaluazioa (mistoa, zeinaren % 30 gutxienez etengabeko ebaluazioa den).



Ikasleek aukera dute etengabeko ebaluazioari (mistoari) uko egiteko ebaluazio finala aukeratuz, aipatutako etengabeko ebaluazioan parte hartu ez badu ere. Horretarako, ikasleak etengabeko ebaluazioari (edo mistoari) uko egiten diola jasotzen duen Farmazia Fakultateko web orrian, Arautegiaren atalean dagoen eskaera-orria bete eta aurkeztu beharko dio irakasgaiaren ardura duen irakasleari, ezarritako prozedurari jarraituta eta epeen barruan (8.3 artikulua). Epe hori bederatzi astekoa izango daiko lauhilekoa hasten denetik kontatzen hasita.



Ebaluazio finalean azterketa teoriko baten zein praktiko baten bitartez irakasgaiaren konpetentzien eskurapen-maila ebaluatuko da. Uko egiteko eta ebaluaziorako irizpideak Graduko Titulazio ofizialetako ikasleen ebaluaziorako arautegian jartzen duenaren araberakoak izango dira beti (EHAA, 2017ko martxoaren 13, 50.zb.).



Zehazki, azken ebaluazio horrek zati hauek izango ditu:



-Lan praktikoak aurkeztu beharko dituzte azken ebaluazioko egunerako (azterketa teorikoaren egunerako).

-Landare-familiak identifikatzeko proba praktikoa. Proba hori deialdi ofizialeko azken azterketaren datan egingo da (azterketa teorikoaren egunean).

-Bi ataleko (Botanika eta Landare-fisiologia) proba idatzia. Notaren %70.

Laborategiko praktiketan mantala erabiltzea derrigorrezkoa da.

Oinarrizko bibliografia

BOTANIKA (teoria):



HEYWOOD, V.H. (ed.) 1985. Las plantas con flores. 332 pp. Ed. Reverte.

IZCO, J. ET AL. 1997. Botánica. 781 pp. Ed. MacGraw-Hill - Interamericana. (2ª edición, 2004, 906 pp.)

LUTTGE, U-, M. KLUGE & G. BAUER 1993. Botánica. 573 pp. Ed. Interamericana McGraw-Hill.

NABORS M. W. 2006. Introducción a la Botánica. 744 pp. Ed. Pearson. ADDISON-WESLEY.

RAVEN, P.H-, R.E. EVERT & S.E. EICHHORN 1991. Biología de las plantas 773 pp. (2 vols.). Ed. Reverte.

SITTE, P., A. BRESINSKY, F. EHRENDORFER & H. ZIEGLER 1994. Tratado de Botánica de Strasburger. 1070 pp. Ed. Omega (trad. de la 34ª ed. alemana).

SITTE, P., E.W. WEILER, J.W. KADEREIT, A. BRESINSKY & C. KÖRNER 2004. Tratado de Botánica de Strasburger. 1134 pp. Ed. Omega (trad. de la 35ª ed. alemana).



BOTANIKA (praktikak):



AIZPURU, I. ET AL. 2004. Euskal Herriko landareak eta inguruetakoak sailkatzeko gako irudidunak . 831 pp. Ed. Eusko Jaurlaritzaren Argitalpen Zerbitzu Nagusia

Interneteko helbide interesgarriak:

http://www.eweb.unex.es/eweb/botanica/

http://www.biologia.edu.ar/

http://www.unioviedo.es/bos/Herbario/PrepararHerbario/PrepararHerbario.htm





LANDARE-FISIOLOGIA:



AZCON-BIETO y TALON. Fundamentos de Fisiología Vegetal. 2000. Interamericana.McGraw-Hill

BARCELO COLL, NICOLAS RODRIGO, SABATER GARCIA y SANCHEZ TAMES. Fisiología Vegetal. 2001. Ediciones Pirámide, S.A.

SALISBURY, ROSS. 2000. Fisiología de las Plantas 3 VOL.

TAIZ L, ZEIGER E. 2014. Landare-fisiologia. Euskal Herriko Unibertsitateko Argitalpen Zerbitzua (UPV/EHU).

Gehiago sakontzeko bibliografia

LANDARE-FISIOLOGIA:

GARCÍA BREIJO, ROSELLO CASELLES, SANTAMARÍA SIURANA. Introducción a la Fisiología Vegetal. 2001. Editorial Universidad Pública de Valencia
RIDGE, Y. Plants. 2002. Oxford University Press.
ROST, T.L., BARBOUR,MG, STOCKING, C.R. AND MURPHY, T.M. Plant Biology. 1998.