Pedagogia: Teoria eta Hezkuntza Erakundeak ikasgaia, 2. Moduluko ikasgaia da, eta Pedagogia eta Gizarte Hezkuntza graduetako lehen ikasmailako bigarren lauhilekoan gauzatzen da. Aurreko moduluko "Hezkuntza, Hizkuntza, Kultura eta Aniztasuna" eta "Hezkuntzaren Historia" ikasgaiaren jarraipena da besteak beste, eta graduan barrena pedagogiaz aztertuko duten ikasgai nagusia; hurrengo moduluko konpetentziak lortzeko ezinbestekoa. Modulu honetako gainerako ikasgaiekin batera (Hezkuntza, Komunikazioa eta Harremana; Giza Eskubideak eta Gizarte eta Hezkuntza Politikak; Identitatea eta Garapen Profesionala; Hezkuntza Legeria eta Nazioarteko Ikuspegia), honako galdera honi erantzuten saiatuko gara: "Gure testuinguruan hezkuntza profesionalek nola bizi, pentsatu eta lan egiten dute?"



Ikaskuntza/irakaskuntza prozesua urratu ahala, Hezkuntza Formala, Ez-Formala eta Informala hezkuntza esparruetan diharduten profesionalen jardunaren oinarrian dauden galderei erantzuteko gaituko ditugu ikasleak. Horretarako, paradigma, teoria, oinarri eta ekintza horiek beroriek jarriko dituzte eztabaidagai ikasleek. Honela, irakaslearekin batera, ikerkuntza, analisi kritiko eta azterketa izango dira lanerako tresnak.



Ikasgai honek, Pedagogo eta Gizarte Hezitzailearen profila eraikitzen laguntzen du, jarduera hezitzailearen oinarri zientifikoan trebatuz, hausnartzeko metodologian saiatuaz eta hezkuntza gai eta arazoetan kokatuaz.Hezkuntza prozesuaren ikuspegi holistiko eta diziplinartekoa du ardatz eta lanbidearen rola ulertzeko giltzarri da.



Aurreko moduluko "Hezkuntzaren Historia"n eraikitako konpetentzietan sakonduaz, Pedagogia garaikidearen joera nagusiak nola sortu diren eta zein bilakaera izan duten ezagutzeak, bide emango dio ikasleari hezkuntza ereduen berri izateko eta Euskal Herriko hezkuntza errealitatea aztertu, ezagutu eta aurreko kontzeptuak bertan aplikatzeko.

1 Konpetentzia:Jarduera hezitzailearen testuingurua kritikoki aztertzea eragingo duen ezagutza zientifikoa gauzatu, Pedagogoa eta Gizarte Hezitzailearen lan jarduneko errealitate pertsonala, soziala, lanbidearena eta instituzionala ulertu eta sakonean ezagutzeko oinarri teoriko/praktiko nagusiak arakatuaz.



I.E.1.-Ikasleek, prozesuan eraikitako ezagutza agertzen duen banakako txostena idatzi.



2 Konpetentzia: Hezkuntzaren teoriaren, heziketaren eta instituzioen ezagutza kritikoa, malgua, bizia eta irekia eraiki, norberaren eta gainerakoen jarduna aztertu ahal izatea bideratuz, hezkuntza helburuak eta ekintzaren ondorioak gogoan izanik.



I.E.2.-Idatzizko talde lan bat burutu, hezkuntza ez-formalaren esparruan, ikuspegi sozio-kritikoa aplikatuaz, hezitzailearen jarduera aztertzen duena.



3 Konpetentzia: Prozesu komunikatzaileen baitako kide aktiboa izan, ezagutza eta esperientziak elkarrekin partitu, ezagutza osoa eta taldekoa eraikiaz.



I.E.3.-Hezkuntzaren gaineko ezagutza eta lanketa sustatzen duten kezka, galdera eta eginkizunak partitu talde handian.



4 Konpetentzia: Jarduera hezitzaileen moldaketa eta eraldaketen norabide eta testuinguruen gaineko kontzientzia landu. Etengabeko hobekuntza barneratu eta gauzatutako lanetan bai eta eskolatan gauzatutako parte-hartzean antzeman dadila.



I.E.4.-Arazoetan oinarritutako ikaskuntza bidez ebatzi auziak.

1.-HEZKUNTZA: kontzeptua, ezaugarriak, eragileak eta atxikitako beste kontzeptuak.



2.-HEZKUNTZA FORMALA, EZ-FORMALA eta INFORMALA kontzeptuak, bilakaera, esparruak eta jardunbideak.



3.-HEZKUNTZAREN GAINEKO EZAGUTZA TEORIKOA: Teoria garaikideak. Eskola Tradizionala eta bere oinarri teorikoak. Eskola Berria eta bere ildo teoriko-praktikoak.ESKOLA BERRItik eratorritako joera nagusiak: kritika antiautoritarioa, ikuspegi sozialista, anarkista, pertsonalista, deseskolatzea, postmodernismoa, mugimendu alternatiboak.



4.-TEORIA ETA HEZKUNTZA ERAKUNDE GARAIKIDEAK EUSKAL HERRIAN: erakundeen sorrera eta bilakaera. Jardunbideak.

Metodologia parte-hartzaileaz baliatuko gara, ezagutza eta esperientziak elkarpartituaz ezagutza eraiki. Jarduera komunikatzailea eta dialogikotasunaren teoriak aplikatuko ditugu.



Ikasle bakoitzak bere berariazko diskurtsoa eraikiko du ikaskuntza/irakaskuntza prozesu honen bitartez, abiapuntuan zituen ideien aurrean jarriaz diskurtso akademikoa, azterketarako dokumentazioa eta ikasgelako eztabaidak.



Galderaren pedagogiaren bitartez ekiten diogu prozesuari eta zailtasunak aukera bilakatzearen bidetik, hausnarketa eta argumentazioa sustatuaz.



Aipatutako oinarri metodologikoak jarraiki, honako estrategia hauek erabiliko ditugu ikaskuntza gauzatu eta ezagutza eraikitzeko:



-Talde aurrean egindako aurkezpenak, analisiak eta elkarrizketak.

-Mintegiak talde txikietan.

-Elkarlana, talde-lana eta banakako lana.

-Eskolak.



Lantaldeak gehienez 6 kidez egongo dira osatuak.



Ikasgaia lantzerako orduan hainbat euskarri erabiliko ditugu; hala nola, artikuluak, datu-baseak, liburuak, web-orriak, estekak etab.



Alderdi praktikoa DILAn diziplinarteko talde-lanaren bitartez gauzatuko dugu besteak beste.



Osasun egoerak hala eskatuko balu, online jarraituko genuke ikasgaia eta horretarako EHUk egokitutako aplikazioa erabiliko dugu. E-gelan txertatuta egongo da eta bertan jarriko ditugu beharrezko zehaztapenak.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Praktikak egitea (ariketak, kasuak edo buruketak) (%): 15
  • alde lanak (arazoen ebazpenak, proiektuen diseinuak) (%): 20
  • Lanen, irakurketen... aurkezpena (%): 10
  • Portfolio (%): 40
  • DILAN (%): 15

Ebaluaketa jarraia eta formatzailea izango da: ikaskuntza giltzarri hartuta, ikaslearen lana oinarri hartuta eta irakaslearen zein ikaskideen iritzia gogoan izanda.



Modulua osatzen duten beste ikasgaiekin batera, ikasleak Moduluko Diziplinarteko Lana (DILAN) egin beharko duu. Hau egitea ezinbesteko baldintza izango da ikasgaiaren nota eskuratu ahal izateko. DILAN lanari azken notaren %15 portzentajea dagokio.



Eskola dinamikan parte hartzen duten ikasleen ebaluaketa-modua izango da:

•Talde lana eta aurkezpena (DILAN) 15%

•Talde lanak eta aurkezpenak (praktikak) 35%

•Banakako lanak eta aurkezpenak (praktikak+portfolioa) 50%



Ikasleek eskubidea izango dute azken ebaluazio bidez ebaluatuak izateko. Eskubide hori baliatzeko, ikasleak etengabeko ebaluazioari uko egiten diola jasotzen duen agiria aurkeztu beharko dio irakasleari eta, horretarako, bederatzi asteko epea izango du ikasturtea hasten denetik kontatzen hasita (8.3 artikulua)



Horrez gain, ikasleek aukera izango dute deialdiari uko egiteko. Horretarako eskaria irakasgaiko irakasleari egin beharko diote idatzi bidez eta azterketarako zehaztutako garai ofiziala hasi baina gutxienez hamar egun lehenago.



Aurkezteke oharrak, deialdiari uko egiten zaiola adierazten du.

Irakasgaia ohiko deialdian gainditzen ez duten ikasleek, hautatutako ebaluazio sistema gorabehera, eskubidea izango dute ezohiko deialdiko azken ebaluazio proba egiteko.

Irakasgaia ebaluatzeko sistema bakarra azken ebaluazioa izango da (8.4 artikulua)

Eskolatan landutako materialea, gidak,...

Oinarrizko bibliografia

Carr, W. (1990). Cambio educativo y desarrollo profesional. Revista Investigación en la Escuela, 11, 3-11.

Colom, Antoni J. (koord.) (1997). Teorías e instituciones contemporáneas de la educación. Bartzelona: Ariel.

Dávila, P. (2005). La renovación pedagógica en el País Vasco (segunda mitad del siglo XX). Sarmiento: Revista Galego-Portuguesa de Historia da Educación, (9), 85-103.

Fernandez, Idoia (1994)Oroimenaren Hitza. Ikastolen historia 1960-1975. Bilbo: UEU

Lopez-Goñi Irene (koord) (2003). Hezkuntzari buruzko teoriak eta erakunde garaikideak. NUP.

Mialaret, G. (1977). Extensión actual de la noción de educación. En G. Mialaret (Ed.), Ciencias de la educación (11-32 pp.). Oikos-tau ediciones.

Novak J.D. (1996)Hezkuntzaren Teoria eta praktika. EHU.

Sanvisens, A. (1987). Introducción a la Pedagogía. Bartzelona: Ariel

Trilla,J (2001). El legado pedagógico del siglo XX para la escuela del siglo XXI. Bartzelona: Graó.

Trilla, J., Gros, B., López Palma, F. (2003). La educación fuera de la escuela. Ámbitos no formales y educación social. Bartzelona: Ariel.

AA (2007). La escuela en la comunidad. La comunidad en la escuela. Bartzelona: Graó

Gehiago sakontzeko bibliografia

A.A. (2004) Ilunetik argira. Elbira Zipitria. Hik Hasi.
Ayuste, Ana eta beste (1994). Planteamientos de la pedagogía crítica. Comunicar y transformar. Bartzelona: Graó
Carr, W. eta Kemmis, S. (1988). Teoría Crítica de la Enseñanza. Bartzelona: Martinez-Roca.
Colom, Antoni J. (2002). La construcción del conocimiento pedagógico. Nuevas perspectivas en la Teoría de la Educación. Ediciones Paidos
Del Pozo Andrés, Mª del Mar (2004). Teoría e instituciones contemporáneas de educación. Biblioteca Nueva
Negrín Fajardo, O. (2005). Teoría e instituciones contemporáneas de educación. Editorial Universitaria Ramón Areces.
Pérez Serrano, Gloria (2004). Pedagogía Social y Educación social. Narcea
Sarramona, Jaume (2008). Teoría de la Educación. Reflexión y normativa pedagógica. Ariel
Tonucci, F. (1996). Haurren Hiria. Txatxilipurdi. Lasarte
Tonucci, F. (1996). La Ciudad de los Niños. Madrid. FGSR.

Aldizkariak

-BORDÓN. Revista de la Sociedad Española de Pedagogía. Madrid.
-COMUNICACIÓN Y PEDAGOGÍA. Bartzelona.
-CUADERNOS DE PEDAGOGÍA. Bartzelona.
-EDUCACIÓN Y SOCIEDAD. Bartzelona.
-HIK HASI. Euskal Heziketarako Aldizkaria.Donostia.
-REVISTA INTERUNIVERSITARIA DE TEORÍA DE LA EDUCACIÓN. Salamancako Unibertsitatea.
-TANTAK. Euskal Herriko Unibertsitateko Hezkuntza Aldizkaria. Gasteiz.
-UZTARO aldizkaria. Bilbo.

Web helbideak

http://investigacionpedagogicaunam.weebly.com/uploads/1/0/8/8/10888154/pedagog%C3%8Cas_del_siglo_xxi__alternativas_para_la_innovaci%C3%B2n_educativa__-_jaume_carbonell_sebarroja_-__2015_.pdf Carbonell Pedagogías del siglo XXI
https://academica-e.unavarra.es/bitstream/handle/2454/35469/Lopez_HezkuntzariBuruzko.pdf?sequence=1&isAllowed=y Lopez-Goñi Irene (koord). Hezkuntzari buruzko Teoriak eta Erakunde Garaikideak
https://campus.fundec.org.ar/admin/archivos/Trilla%20J-%20El%20Legado%20Pedagogico%20Del%20Siglo%20XX%20Para%20La%20Escuela%20Del%20Siglo%20XXI.pdf Trilla. El Legado Pedagógico del sXX para la Escuela del sXXI
http://www.buruxkak.eus/ UEUko liburutegi digitala.
http://www.cuadernosdepedagogia.com. Cuadernos de Pedagogía aldizkaria.
http://www.education.gouv.fr. Frantziako Hezkuntza Saila.
http://www.https://ojs.ehu.eus/index.php/Tantak Tantak aldizkaria.
http://www.euskadi.eus/eusko-jaurlaritza/hezkuntza-saila/ Hezkuntza Unibertsitate eta Ikerketa Saila
http://www.hikhasi.eus. Hik Hasi aldizkaria.
http://www.educacionyfp.gob.es/ Ministerio de Educación y Ciencia.
http://www.educacion.navarra.es Nafarroako Hezkuntza Saila.
http://www.educacionyfp.gob.es/revista-de-educacion/inicio.html Revista de Educación. MEC.
https://eduso.net/res/ Revista de Educación Social.
http://www.ueu.eus/ Udako Euskal Unibertsitatea.
https://revistas.usal.es/index.php/1130-3743/index Revista Interuniversitaria de Teoría de la Educación.
https://www.uztaro.eus/ UZTARO aldizkaria
https://eu.wikipedia.org/wiki/Euskarazko_Wikipedia_(webgunea)