UPV/EHUko Bizkaiko Campuseko ekintzailetza programak (ZITEK) eta Zentralcom enpresak kolaborazio hitzarmena sinatu dute. Honek ZITEKen dauden enpresei Zentralcom-en erosketa programan modu onuragarrian sartzea ahalbidetuko die.
ZITEK eta Zentralcom-en arteko akordioak mintegiko enpresek merkeago erostea ahalbidetuko du
Bulego materiala eta lan-arropa produktu talde abantailatsuen artean aurkitzen dira
Lehenengo argitaratze data: 2016/07/05
Zentralcom enpresa Portugaleteko ZITEKen sortu zen. Bere zeregina bazkide diren enpresen erosketak bideratzea da, euren hornitzaileekin alderatuz, prezio merkeagoak lortze aldera. Badira hainbat produktu talde non prezio lehiakorrak aurki daitezkeen: bulegoko materiala eta altzariak, mezularitza, lan-arropa, garbiketa zerbitzuak, paketatze zerbitzuak, etab. Zentralcom-ek aurrezte garrantzitsua ziurtatzen die bazkide diren enpresei estrategikoak ez diren erosketak egiterako orduan.
Hitzarmen honi esker, Bizkaiko Campuseko hiru mintegietan dauden enpresek (Zitek Leioa, Zitek Bilbao eta Zitek Portugalete) Zentralcom-ek eskaini eta akordioan jasotako zerbitzuak erabili ahal izango dituzte, aurrezpen txostenak barne eta inolako kosturik gabe.
Aitzol Lamikiz Mentxaka, Bizkaiko Campuseko Kanpo Harremanetarako zuzendaria eta ZITEK programako arduraduna, eta Iban Ibañez Ortiz, Zentralcom enpresako zuzendaria, pozik agertu dira ZITEKen orain dauden eta aurretik egon ziren enpresen arteko harremana mantentzearekin, eta euren harri-koskorra dakarte enpresa hasiberriak laguntzeko. Biek espero dute akordioa luzaroan mantentzea.
