1. Simetriaren erabilpena kimikako arlo anitzetan.

2. Koordinazio konposatuetako eta baita konposatu organometalikoetako egiturak, propietateak eta erreaktibotasuna arrazoitzea teoria egokian oinarrituz.

3. Koordinazio konposatuak eta konposatu organometalikoak formulatzeko eta izendatzeko hizkera kimikoa menperatzea.

4. Oinarrizko kontzeptuak erabiltzea solido ezorganikoen egitura, propietateak eta erreaktibotasuna ulertzeko.

5. Teknika instrumentalek emandako informazioa erabiltzea konposatuak karakterizatzeko eta beraien egitura argitzeko.

6. Aurrez garatutako ereduen eta karakterizazio teknika egokien bitartez arazo kualitatibo eta kuantitatiboen ebazpena. Arazo berrien azterketa, analisia eta ebazpen bideak aurkitzea.



Aurretik aipatutako irakasgaiaren berezko gaitasunak jorratzeaz gain, 1393/2007 Errege Dekretuan definitzen diren modulu orokorraren ondoko gaitasunak espezifiko eta zeharkakoak ere landuko dira:

1. Konposatu ezorganikoen egitura, propietateak, sintesi bideak eta errekazio kimiko garrantzitsuenak jakitea.

2. Laborategian, beti ere segurtasun neurri eta teknika egokiak erabiliz, konposatu ezorganikoak lortzeko sintesi bide errazak aurrera eramateko gaitasuna, konposatuen karakterizazioa egiten jakitea eta datu esperimentalak interpretatu.

3. Material ezorganiko ezberdinen egitura-propietate arteko erlazioa ulertzea eta beraien erabilpena ezagutu.

4. Substantzia kimikoak karakterizatzeko teknika egokia aukeratzea.

5. Modu ulerkor batean, Kimikarekin eta erlazionaturiko arloetako gertakari eta prozesuak azaltzen jakin, bai modu idatzian bai hitzez.

6. Bibliografia eta informazioaren eta komunikazioaren teknologiak erabilita kimikaren eta beste arlo zientifikoen esparruan informazioa eskuratzeko eta aukeratzeko gaitasuna izatea.

7. Kimika beste jakintzagaiekin erlazionatzeko gai izatea, eta horretaz gain, gizartean duen eragina ulertzea.

KOORDINAZIO KONPOSATUAK. Simetriaren araberako molekulen sailkapena. Irudikapenak eta Karaktere Taula. Egitura eta lotura. Ligando motak. Formulazioa eta izendapena. Koordinazio indizeak eta estereokimika. Lotura teoriak. Propietate espektroskopikoak eta magnetikoak. Koordinazio konpostuen egonkortasuna. Ordezkapen erreakzioak: zinetika eta mekanismoak. Elektroi transferentziazko erreakzioak. Barne eta kanpo esferako erreakzioak.

KONPOSATU ORGANOMETALIKOAK. Konposatu organometalikoen sailkapena: loturaren izaera eta estekatzaile motak. 18 elektroien araua. Konposatuak estekatzaile pi-hartzailekin. Konposatuak metal-karbono sigma-loturekin. Konposatuak estekatzaile pi-emailekin. Erreaktibitatea. Erabilpena katalisian.

SOLIDO EZORGANIKOAK. Egituren ezaugarriak. Sailkapena. Lotura ereduak. Lotura motaren araberako egitura aurresan. Solido kristalinoak eta akatzak. Solido ez-estekiometrikoak.

KONPOSATU EZORGANIKOEN KARAKTERIZAZIO TEKNIKAK. Teknika espektroskopikoak (IG, RAMAN, Ikus-UM, erresonantzia magnetikoa) eta X-izpien difrakzio teknikak.

LABORATEGIKO PRAKTIKAK. Koordinazio konposatu eta konposatu organometalikoen sintesia. Solido ezorganikoen prestaketa. Teknika espektroskopiko, magnetiko, termograbimetriko eta X-izpien difrakzio bitartezko karakterizazioa.

Ordu gehienak eskola magistralak izango dira, 45 ordu hain zuzen, non trantsizio-metalen koordinazio konposatuen, solido ezorganikoen eta konposatu organometalikoen ezaugarriak azalduko diren. Klasean azaldutakoa ikasleek ikasgelaz kanpoko jardueren orduetan (67.5 ordu) landuko dute, problema praktikoak askatzeko gai izateko. Problema hauek ikasgelako 15 eskola-orduetan garatuko dira. Honez gain, ikasleek kimika ezorganikoaren ezaugarritze teknika ohikoenak jorratuko dira mintegietako 5 ordutan zehar. Irakagaiaren teoria jorratuko baita ere, irakasgaiaren laborategi 25 eskola-orduetan zehar.

Irakasgaiaren bukaerako notan ondoko atalak hartuko dira kontutan:

- Ikasturtean zehar egindako ariketak, galderak, lanak... Ikaslearen partehartze aktiboa ere kontutan hartuko da. (bukaerako notaren %10)

- Laborategiko lana eta laborategiko koadernoa: saiakera esperimentalak egiteko trebetasuna, segurtasun arauak jarraitzea eta saio esperimentaletan irakasleak proposaturiko galderak modu egokian erantzutea.(%10)

- Laborategi-praktiketako azterketa: laborategi saioetan zehar jorratutako gauzen gaineko galdera motzak.(%10)

- Irakasgaiaren alde teorikoaren gaineko azterketa idatzia.(%70) Irakasgaian zehar, zati teorikoaren bi azterketa partzial egingo dira bukaerako azterketari begira materia askatzeko baldin eta 6.0 baino nota altuagoa eskuratzen bada. Derrigorrezkoa izango da partzialen bitartez eta praktiken azterketan askatu ez diren edukiak bukaerako azterketan berriz ebaluatzea.



Edozein kasutan, irakasgaia gainditzeko atal bakoitzean 4 baino nota altuagoa behar da.



Ebaluazio probetan, debekatuta dago ikasleek liburuak, oharrak edo oharrak erabiltzea. Telefonoak edo gailu elektronikoak, informatikoak eta beste motako gailuak ere debekatuta daude proba hauetan.



Ebaluazio jarrai honi uko egin nahi dioten ikasleek, azken ebaluazio bidez ebaluatuak izateko, idatzi bat aurkeztu beharko dio irakasgaiaren ardura duen irakasleari eta, horretarako, 18 asteko epea izango du irakasgaia hasten denetik. Azterketara ez azaltzea, ohiko deialdiari uko egitea suposatuko du.

Laborategian jarduteko: txabusina, segurtasun betaurrekoak eta laborategiko koadernoa

Oinarrizko bibliografia

P. Atkins, T. Overton, J. Rourke, M. Weller y F. Amstrong. "Química Inorgánica", 4ª Ed. McGraw Hill, México (2008).

L. Beyer y V. Fernández Herrero. "Química Inorgánica", 2ª Ed. Ariel, Barcelona (2000).

R.H. Crabtree. "The Organometallic Chemistry of the Transition Metals", 4ª Ed. John Wiley & Sons, New York (2005).

C.E. Housecroft y A.G. Sharpe. "Química Inorgánica", 2ª Ed. Pearson Education, Madrid (2006).

J. G. Ribas. "Coordination Compounds", John Wiley & Sons, Chichester (2008).

L. Smart y E. Moore. "Solid State Chemistry: an introduction", 3ª Ed. CRC Taylor & Francis, New York, (2005).

G.O. Spessard y G.L. Miessler. "Organometallic Chemistry", Prentice Hall, New Jersey (1997).

Gehiago sakontzeko bibliografia

D. Astruc. "Química Organometálica", Reverté, Barcelona (2003).
F.A. Cotton, G. Wilkinson, C.A. Murillo y M. Bochmann. "Advanced Inorganic Chemistry", 6ª Ed. Wiley & Sons, New York (1999).
P.A. Cox. "The Electronic Structure and Chemistry of Solids", Oxford University Press, Oxford (1987).
G.S. Girolami, T.B. Rauchfuss y R.J. Angelici. "Synthesis and Tecnique in Inorganic Chemistry", 3ª Ed. University Science Books, London (1999).
N.N. Greenwood y A. Earnshaw. "Chemistry of the Elements", Butterworth-Heinemann, Oxford (1997).
A.R. West. "Basic Solid State Chemistry", 2ª Ed. John Wiley & Sons, Chichester (1999).

Aldizkariak

Inorganic Chemistry, ACS Publications
Dalton Transactions, The Royal Society of Chemistry
European Journal of Inorganic Chemistry, Wiley
Inorganica Chimica Acta, Elsevier