1. Landare baskularren egitura morfologikoa interpretatzea, bereziki elikadurarako erabiltzen diren landareena, eta elikaduran erabiltzen diren beraien organoena.

2. Elikadurarako landareetan aurkitu eta osasunean eragina duten konposatu nagusienak ezagutzea.

3. Elikaduran erabiltzen diren landareen datu morfologikoak euren biologiarekin lotzea, eta landareak eurak zentzuzko testuinguru sistematikoan kokatzea.

4. Landare baskularren egitura anatomiko mikroskopikoa identifikatzea.

5. Idatzizko txostenak zein aurkezpen publikoak egiteko informazioa bilatzea, aztertzea, lantzea eta egoki erreferentziatzea, eta terminologia botanikoa egoki erabiltzea.

1. Irakasgaiari sarrera: edukiak garatzeko planteamendua eta metodoak. Organismo begetalen karakterizazioa, landare jangarrietan arreta jarrita. Izen zientifikoak eta landareen sailkapena. Landutako landareen bariazioak: espeziea, barietatea, kultibarra.

2. Landare zelulen pareta: egitura eta funtzioa. Bere garrantzia elikaduran. Landare ehunak.

3. Landareen armategi kimikoak. Metabolismo sekundarioa eta elikadura.

4. Hazidun landareen morfologia orokorra. Hiru organo bereizgarrien deskribapen eta dibertsitate morfologikoa: zurtoin, hosto, sustrai. Bizi zikloa eta erreserben pilaketa.

5. Landutako landareen jatorria eta dibertsitatea. Etxekotzeak eragindako landareen bariazioa eta landutako landareen ezaugarri orokorrak. Ikasitako espezie nagusienen jatorrizko eskualdeak.

6. Landare organoen erabilera elikaduran. Errizoma eta begi begetatibo jangarriak. Hosto edo begi begetatiboengatik erabiltzen diren landareak: barazki eta entsaladarako landare nagusienak. Zurtoin eta sustraietan pilatzen dituzten erreserbengatik erabiltzen diren landareak: tuberkuluak, erraboilak, erreserba sustraiak.

7. Angiospermoen ugalketa. Klonak, fruituak eta haziak: ugalketa begetatiboa eta sexu ugalketa. Lorea, polinizazioa eta hazi eta fruituaren eraketa. Erreserben eta bestelako konposatuen pilaketa hazi eta fruituetan.

8. Zerealak, sasizerealak eta lekadunak.

9. Barazki gisa erabiltzen diren lore eta fruituak. Latitude epel eta tropikaletan erabiltzen diren fruitu nagusienen ikasketa. Fruitu gisa kontsumitzen diren haziak. Fruitu lehorrak.

10. Landare usaindunak. Latitude epeletan landutako espezie nagusienak. Espezieak: jatorria, analisia, erabilera.

11. Landare jangarrien etorkizuna. Hobakuntza genetikoa eta elikadura segurtasuna. Elikadura eta Nekazaritzarako baliabide fitogenetikoen gaineko Nazioarteko Hitzarmena.

Irakasgaiaren edukiak jorratzeko saio magistralak eta praktikoak uztartuko dira. Klase magistralak Mikroskopia 2 laborategian izango dira, eta horrek teoriako hainbat kontu modu praktikoagoan aztertzea ahalbidetuko du. Bestalde, programa praktikoa hainbat saiotan garatuko da, gela praktika eta laborategi praktiken bitartez. Giza elikaduran garrantzizkoak diren landare-taldeak ezagutzeko espezieen ezaugarri makroskopiko esanguratsuenak aztertuko dira lehenbizi, eta azterketa mikroskopikoa egingo da zenbait kasutan.

Ikasleen interesa sustatzeko, giza nutrizioan nolabaiteko garrantzia duen espezieren baten gaineko lan bideratua egin beharko dute binaka; gaia irakasleak iradokita edo beraiek erabakita. Lana bideratzeko bi saio komun egingo dira gelan.

Irakasgaiaren nota hurrengo atalen proportzioaren araberakoa izango da:



% 60: Azterketa teoriko idatzia; galdera laburrak izango ditu.

% 12: Praktiketan eta klasean ikusitako egiturak ezagutzeko azterketa praktikoa

% 14: Binaka egindako lan idatzia.

% 14: Lanaren ahozko aurkezpea gelan.



Lan idatzia eta aurkezpena ebaluatzeko irizpideak ikasturtearen hasieran eskainiko dira, eta e-gelan izango ditu ikasleak.



Azterketa teorikora aurkezten ez dena: deialdiari uko egin diola kontsideratu eta "Ez aurkeztua" jarriko zaio.



Etengabeko ebaluazio sistemari uko egiteko, ikasleak etengabeko ebaluazio sistemari uko egiten diola jasotzen duen idatzi bat aurkeztu beharko dio irakasgaiaren ardura duen irakasleari eta, horretarako, 9 asteko epea izango du lauhilekoko irakasgaien kasuan, edo 18 astekoa urteko irakasgaienean, ikastegiko eskola egutegian zehaztutakoarekin bat lauhilekoa edo ikasturtea hasten denetik kontatzen hasita.



Azterketa finala egitea erabakitzen duenak, Aterketa teorikoa eta praktikoa egingo ditu, eta azterketa egunean irakasleak aipatutako gai bat jorratu beharko du.

Oinarrizko bibliografia

HARRISON, S.G., G.B. MASEFIELD & M. WALLIS 1980. Guía de las plantas comestibles. 208 pp. Omega. [Oso gida osatua, koloretako ilustrazio onak eta giza nutrizioan erabitzen diren hainbat espezieren deskribapenak ditu].



MCGEE, H. 2007. La cocina y los alimentos. 941 pp. Debate. [Landareek, liburuaren heren bat hartzen dute, eta dibertsitatean sakontzen du gehien bat, jatorrietakoan zein erabileretan].



PUIGDOMÈNECH, P. 2009. Las plantas que comemos. 93 pp. CSIC & Los Libros de la Catarata. [Giza nutrizioan erabiltzen diren landareen egungo ikuspegiari eta etorkizuneko erronkei sarrera].

Gehiago sakontzeko bibliografia

DAVIDSON A. 1999. The Oxford Companion to Food. 892 pp. Oxford University Press.
GOLDBERG D. (ED.) 2003. Plants: Diet and Health. 347 pp. Blackwell Publ.
JANICK, J. & R.E. PAULL 2008. The Encyclopedia of Fruits and Nuts. 950 pp. CAB International.
MORTON, J. 1987. Fruits of warm climates. [Modu monografikoak tropikoetako hainbat fruitu lantzen ditu].
SENSER, F. & H. SCHERZ (Eds.) 1999. Tablas de Composición de Alimentos. El pequeño “Souci-Fachmann- Kraut”. 430 pp. Ed. Acribia.
SIMPSON, B.B. & M. CONNER-OGORZALY 1986. Economic Botany. Plants in our world. 640 pp. McGraw- Hill. [Testu nahikoa osatua, giza nutrizioan edo erabilera industiala duten espezieen gainekoa].
VAUGHAN J.G. & C.A. GEISSLER 1997. The new Oxford Book of Food Plants. 239 pp. Oxford University Press. [Actualización, y ampliación, de la Guía de Harrison, Masefield eta Wallisen 1980ko gida gaurkoatua eta osatuagoa].

Aldizkariak

ECONOMIC BOTANY [New York-eko Lorategi botanikoak argitaratuta; ikerketa artikuluak, eta etnobotanika eta beste erabilera batzuei buruzko lanak jasotzen ditu]