BG1.- Kirolaren Psikologiaren gaurko eta aitzinako historian, gertaerei, egileei eta ikerketei buruzko informazioa jasotzea, laburbiltzea eta memorizatzea, gaurko egoera kritikoki baloratzeko eta ulertzeko.

BG2.- Kirol psikologoaren funtzioak ezagutzea eta mugatzea, profesional honek gizarteari nolako ekarpen zehatza ematen dion mugatzeko.

BG3.- Kirol Psikologiaren eremuan gehien erabiltzen diren ikerkuntza-metodoen ezaugarriak aztertzea eta bereiztea, arazo zehatzen aurrean era onenean aritzeko.

BG4.- Kirol-praktikan parte hartzen eta eragiten duten prozesu psikologikoak identifikatzea eta ebaluatzea, kirolarien errendimendua optimizatzen saiatzeko.

BG5.- Kirolarien eskariak testuinguru desberdinetan identifikatzea, aztertzea eta ebaluatzea, lanbidearen irizpideen araberako esku-hartze plana ezartzeko eta garatzeko.

BG6.- Estrategia psikologiko egokiak ezartzea, talde-lana sustatuz, kirol-hastapena, parte-hartzea eta kirolarien errendimendua bultzatzeko.

1.- Kirolaren Psikologia: Historia, kontzeptua, definizioa eta helburua.

2.- Motibazioa, arreta eta kontzentrazioa kirol arloan.

3.- Antsietatea, estresa eta aktibazioa kirol eta jarduera fisiko arloan

4.- Auto-konfiantza kirol eta jarduera fisiko arloan.

5.- Ebaluatzeko eta esku-hartzeko estrategiak kirol arloan

6.- Lesioak kirol arloan.

7.- Nekea eta kirol-erretiratzea

Programa teorikoa

Programa praktikoa:

a) Praktiken txostenak egitea; b) Informazio bilaketa; c) Eztabaida; d) Artikuluen laburpenak eta eskemak; e) Ariketa praktikoa; f) Kanpo-lana kirolariekin.



Zereginak:

1.- Kirol-arazoei aurre egiteko ariketak

Nerbio-anorexiari buruzko kasu klinikoa irakurri ondotik, ikasleek kirol-psikologoaren egindako zenbait jokabideen (des)egokitasuna (bere taldean substantzia-abusu edota jatearen nahasmendu kasu bat detektatzen duenean) ebaluatu behar dute. Ondotik, launaka, haien jarrerak argudiatu eta defendatuko dute. Azkenean, egokiak edo desegokiak diren praktika profesionalak adostuko dira. Praktika honetan txosten bat (taldekoa) entregatuko da (0,20 puntu).



2.- Erlaxatzeko ariketa praktikoak

Ikasleek erlaxazio teknika bat praktikatuko dute. Praktika honek bi helburu ditu: 1) teknika honek organismoaren jokabidean nola eragiten duen ohartzea; 2) beste ikaskideekin sentsazioak, iritziak eta esperientziak partekatzea. Muskuluak aktibatuak edota gain-aktibatuak daudenean erlaxazioaren efektuak zeintzuk diren konturatzea, ikasleari bere tentsioa maila ezin hobean mantentzen lagun diezaioke. Asistentzia eta parte-hartze aktiboa kontuan hartuko da (0,20 puntu).



3.- Arreta-guneen identifikazioa (txostena)

“Kontrako kirol-egite”-ari buruzko testu bat irakurri ostean, saskibaloi partidu batean joko-antolatzaile baten zenbait jokabide ebaluatu behar dira, egoera bakoitzean zein arreta-foku egokia den zehazteko. Gainera, praktika honetan beste eduki batzuk landuko dira: Zer da kontzentrazioa? Kontzentratzeko gaitasuna lantzen al da? Zenbat kontzentrazio-mota daude? Zenbat denbora behar da teknika ikasteko? Praktika honetan txosten bat (taldekoa) entregatuko da (0,20 puntu).



4.- Irudimeneko ariketak (bisualizazioa)

Ikasleek bisualizazio teknika bat praktikatuko dute. Praktika honek bi helburu ditu: 1) teknika honek organismoaren jokabidean nola eragiten duen ohartzea; 2) beste ikaskideekin sentsazioak, iritziak eta esperientziak partekatzea. Parte-hartzaileek, argitasun, kontrol edota auto-hautemateko ariketak eginez, burua nola funtzionatzen duen, bere hautemateko gaitasunean, sentimenduetan edota jokabideetan nola eragiten duten edota bere funtzionamendua kontrolatzeko zer egin behar duten ikasi behar dituzte. Asistentzia eta parte-hartze aktiboa kontuan hartuko da (0,20 puntu).



5.- Entrenamendu mentala.

Ikasleek, kirolari batzuen mezu auto-frustragarri irakurri ondotik, aldaketa kognitiboa lortzeko proposamen bat egin behar dute. Horretarako auto-konfiantzazko bi aukera positibo (bideragarriak, objektiboak eta errealistak) proposatu behar dituzte. Praktika honetan txosten bat (taldekoa) entregatuko da (0,20 puntu).



6.- Kanpo praktika: elkarrizketa, ebaluazioa eta esku-hartzea

Ikasleek, launaka, kanpo lan bat egin behar dute. Lan honetan:

a) Kirolari bati elkarrizketa psikologikoa egin behar diote. Elkarrizketaren gaiak asmatzeko klase praktikoetan jarraibide batzuk emango dira. Ondotik, taldekideen artean, gai honi buruz bilaketa bibliografikoa egin eta elkarrizketa-protokoloaren egitura adostuko dute.

b) Ebaluazio psikologikoa egiteko galdesorta bat erabiliko dute. Galdesorta honen bidez kirolariaren gogo-aldartearen profila egoera desberdinetan (atsedena, entrenamenduan eta lehiaketan) neurtuko dute.

c) Aurreko bi pausutan lortutako emaitzen arabera, esku-hartze psikologiko plan bat egingo dute. Esku-hartze honekin, kirolariaren egoera pertsonala edota bere errendimendua hobetzen saiatuko dira. Horretarako, klasean ikusitako teknika/estrategia batzuk gomendatuko dira.

Praktika honetan txosten bat (taldekoa) entregatuko da (3 puntu).

Bi aukera daude:

1) Ebaluazio jarraia:

- test-froga*: notaren %60a.

- Kanpo lanaren txostena: notaren %30a.

- Asistentzia eta txostenak zuzenduriko jardueretan: notaren %10a.

* 50 galdera, lau erantzun aukera, akatsak deskontatzen dira (-0.25).

2) Urtarrileko / Ekaineko azterketa:

- Test-froga*: notaren %70a

- Esku-hartze psikologiko plana: notaren %30a

* 50 galdera, lau erantzun aukera, akatsak deskontatzen dira (-0.25).

** Kasu hipotetiko bat emango da. Datuen arabera, ikasleak esku-hartze plan bat egingo du.

GARRANTZIZKOA: Beharrezkoa da bai atal teorikoa (3/6) bai atal praktikoa (2/4) gainditzea irakasgaia gainditzeko.

Deialdiari uko egitearekin erlazionaturiko araudia

Irakasgai honetan azterketara ez aurkeztearekin nahikoa izango da deialdiari uko egiteko.

Iturbide, L., eta Mayordomo, S. (2012). Apuntes Básicos de Psicología del Deporte. Donostia: UPV/EHU.
Iturbide, L., eta Mayordomo, S. (2012). Manual de Prácticas de Psicología del Deporte. Donostia: UPV/EHU.
Iturbide, L., eta Mayordomo, S. (2013). “Kirol Psikologia” Irakasgaiaren Apunteak. Donostia: UPV/EHU.

Oinarrizko bibliografia

Cruz, J. (1997). Psicología del Deporte. Madrid: Síntesis.

Dosil, J. (2004). Psicología de la Actividad Física y del Deporte. Madrid: McGraw-Hill.

Harris D.V. & Harris B.L. (1987). Psicología del deporte. Barcelona: Hispano Europea.

Iturbide, L. (2006). Apuntes Básicos de Psicología del Deporte. Donostia: UPV/EHU.

Iturbide, L. (2012). Manual de Prácticas de Psicología del Deporte. Donostia: UPV/EHU.

Lorenzo, J. (1997). Psicología del deporte. Madrid: Biblioteca Nueva.

Riera, J. (1985). Introducción a la psicología del deporte. Barcelona: Martínez Roca.

Weinberg, R.S. y Gould, D. (1996). Fundamentos de psicología del deporte y del ejercicio físico. Barcelona: Ariel.

Williams J.M. (1991). Psicología aplicada al deporte. Madrid: Biblioteca Nueva.

Gehiago sakontzeko bibliografia

Enlazar:

http://ocw.ehu.es/ciencias-sociales-y-juridicas/psicologia-del-deporte/contenidos/bibliografia

Aldizkariak

Revista de Psicología del Deporte (http://www.rpd-online.com/)
Revista Iberoamericana de Psicología del Ejercicio y el Deporte (http://www.webs.ulpgc.es/riped/)
Cuadernos de Psicología del Deporte (http://revistas.um.es/cpd).
Human Kinetics (http://www.humankinetics.com/)