Munduko laugarren kutsatzailerik handiena den heinean, anbizio handiko hainbat helburu klimatiko ezarri ditu Europar Batasunak. Ibilgailu elektrikoetara (EV, Electric Vehicle, ingelesez) trantsizio azkarra egitea da helburu horietako bat. Alde horretatik, ibilgailu elektrikoen ezinbesteko osagarria da motor elektrikoa, eta Iman iraunkorreko makina sinkronoak (PMSM, Permanent Magnet Synchronous Machine, ingelesez) bihurtu dira teknologia nagusi, horiek dituzten eraginkortasun eta potentzia-dentsitate handiak direla bide. Hala ere, etorkizuneko ibilgailu elektrikoen ezaugarriak hobetu behar dira. Horrela, potentziadentsitatea eta eraginkortasuna handitu behar dira eta, motorren operazioabiadurak gehitzen ari diren heinean, gero eta zorrotzagoak diren betekizunak izango dituzte fluxu murrizketarako (FW, Flux Weakening, ingelesez) algoritmoek. Hutsegite-tolerantzia eta kontrolerako malgutasun handiagoa beharko dira ere. Mugikortasun elektrikoaren operazio-baldintzak gero eta konplexuagoak direla kontuan hartuta, fase anitzetako motorrak, bereziki hiru faseko konfigurazio dualak (DTP, Dual Three-Phase, ingelesez), kontsideratzen dira etorkizun handiko teknologia modura hurrengo belaunaldiko ibilgailu elektrikoak eraikitzeko.

Testuinguru horretan, DTP-PMSMen funtzionamendua hobetzeko baliagarriak diren kontrolerako soluzio berriak proposatzen ditu tesi honek, motorraren operazio-eremu guztia kontua hartuta, baina bereziki FW operazioan eta hutsegite-tolerantzian zentratuz, prototipatze azkarreko kontrolerako (RCP, Rapid Control Prototyping, ingelesez) plataforma bat erabiliz (OPAL-RT OP4510). Oro har, esan daiteke tesi honek informazio eta erreminta praktiko baliagarriak eskaintzen dituela fase anitzeko PMSMen kontrolean aurrera egiteko, MPCan oinarritutako algoritmoen potentziala azalduz etorkizuneko mugikortasun elektrikorako aplikazioetan.