80ko hamarkadan sortu zenetik, UPV/EHUko Itsas Bentos Ikerketa Taldearen arreta giza-jarduerek substratu gogorreko itsas komunitate bentonikoetan duten efektuetan jarri da. Fikologoz eta zoologoz osatutako talde honen esperientzia zabalak, kostaldeko ekosistemen kontserbazio-egoera aztertzea helburu duten hainbat ikerketetan parte hartzea ekarri du. 

Ikerketa-lerro nagusiak:

• Substratu gogorreko itsas bentosaren ekologia (algak eta ornogabeak).
• Ingurumen-inpaktuaren azterketa (etxe- eta industria-kutsadura, hidrokarburoen isurketak, aldaketa klimatikoa, etab.).
• Komunitate bentonikoen kalitatearen berreskuratzea neurri zuzentzaileen ezarpenaren bidez.
• Uraren Esparru Zuzentaraua ezartzeko adierazle biologikoen garapena.
• Ingurumen ebaluaziorako optimizazio-metodoen garapena.
• Ingurumenaren jarraipen-azterketak.