Erabiltzaileen prestakuntza. Graduko ikasleak

UPV/EHUko Unibertsitateko Bibliotekak erabiltzaileen prestakuntzarako hainbat ikastaro antolatzen ditu, horien artean, graduko ikasleei zuzenduta daudenak. Programa horrek bi helburu ditu: liburutegiko zerbitzu nahiz baliabideak ezagutaraztea eta beraien funtzionamendua irakastea.

Prestakuntza ikastaroak irail-urria eta otsail-martxoa bitartean ematen dira, aurretik adostutako ordutegian. Irailean eta urrian lehen mailako ikasleentzat antolatzen diren ikastaroak izango dute lehentasuna

Ikastaro bakoitzaren bereizitasunak Zentroko Liburu-tegiekin eta, Campuseko Biblioteken kasuan, Ikaskuntzarako Laguntza Zerbitzuekin adostu beharko dira.

Bestalde, interesa duten irakasleek kurtsoaren antolakuntzan parte har dezakete, besteak beste, bilaketak egiteko gaiak proposatzen, irakasgai edo titulu jakin batekin bat datozen gaiak jakinarazten. Horretaz gain, dugun eskarmentua dela eta, ikastaroen garapenerako irakasleak bertan egotea gomendagarria dela ohartu gara.

IKASTARO MAILAK

Oinarrizko ikastaroa

Ikastaro hau lehenengo mailetako ikasleentzat zuzenduta dago, bereziki, UPV/EHUra sartu berriak direnentzat. Bertan, Encore katalogoaren (OPACaren) oinarrizko azalpena emango da. Eta, dagokien liburutegira bisitaldia egingo zaie; bertan, funtsa eta zerbitzu berezien kokalekua erakutsiko zaielarik. Beste batzuetan, liburuzainek liburutegiko zerbitzuak eta katalogoa aurkeztuko dituzte beraien eskoletan bertan.

Ikastaro aurreratua

Oinarrizko kurtsoetan ematen denaz gain, ikastaro hauetan, ikasleei aipamenak zein bibliografiak egiten erakutsiko zaie, baita baliabide elektroniko garrantzitsuenak aurkeztu eta diziplina anitzeko datu baseen erabilera azaldu. Saio horiek, gutxienez, ordu eta erdiko iraupena izango dute, eta bigarren mailatik gorako ikasleentzat zuzenduta daude. Halaber, ikastaro horiek UPV/EHUk ematen dituen titulu guztietara egokituko dira.

Gradu Amaierako Lanak prestatzeko ikastaroa

Gradu Amaierako Lana egin behar duten ikasleentzat zuzendutako ikastaroa da. Kurtso horrek lan hori gauzatzeko ikasleek beharko dituzten lanabesak eskaintzea du helburu. Zehazki, lan zientifikoaren garapenean dauden aldi eta zati nagusiak azalduko dira: informazioa aurkitu eta antolatu eta ebaluatze irizpideak argitu.

Saio monografikoak

Unibertsitateko Bibliotekak antolatzen ditu Graduko ikasleei zuzendutako ikastaroak ere, ikasleentzat baliagarriak izan daitezkeen liburutegiko hainbat zerbitzu eta baliabide ezagutarazteko.

INFORMAZIOA

Informazio gehiago jasotzeko edo prestakuntza saioak antolatzeko, jarri zaitez harremanetan gurekin:

Araba

Arabako Campuseko Biblioteka
Ikaskuntzarako Laguntza Zerbitzua
ar-bib.ikaskuntza@ehu.es / tel. (94501)3174

Hezkuntza eta Kirol Fakultatea. Jarduera Fisikoaren eta Kirolaren Zientzien Atalaren biblioteka
ar-bib.kirola@ehu.es / tel. (94501)3540

Bizkaia

Bizkaiko Campuseko Biblioteka. Leioa
Ikaskuntzarako Laguntza Zerbitzua
bi-le-bib.ikaskuntza@ehu.es / tel. (94601)2273

Arte Ederren Fakultatearen biblioteka (Leioa)
bi-bib.arteederren@ehu.es / tel. (94601)2999

Bilboko Ingeniaritza Eskola. Nautikaren biblioteka (Portugalete)
bi-bib.nautika@ehu.es / tel. (94601)4825

Bilboko Ingeniaritza Eskolaren biblioteka
bi-bib.ingeniariak@ehu.es / tel. (94601)4104

Ekonomia eta Enpresa Fakultatearen biblioteka (Bilbo)
bi-bib.ekonomia@ehu.es / tel. (94601)3647

Ekonomia eta Enpresa Fakultatea. Bizkaiko Campusa Atalaren biblioteka (Elkano-Bilbo)
bi-bib.enpresa@ehu.es / tel. (94601)4726

Gipuzkoa

Gipuzkoako Campuseko Biblioteka
Ikaskuntzarako Laguntza Zerbitzua
gi-bib.ikaskuntza@ehu.es / tel. (94301)8863

Medikuntza eta Erizaintza Fakultatea. Donostia Atalaren biblioteka
gi-bib.erizaintza@ehu.es / tel. (94301)7302

Gipuzkoako Ingeniaritza Eskola. Eibarko Atalaren biblioteka
gi-bib.eibar-industria@ehu.es  / tel.(94303)3070