2026/05/27 eta 2026/05/28, 10:00 - 18:00

Deskribapena

Noiz: maiatzak 27 eta 28

Non: Club Kai Eder

        Txurrua kalea, 3. Plentzia (Bizkaia)

EHUko Bilboko Ingeniaritza Eskolako Urpekari taldeak ur-robotikako hackatoi bat egingo du maiatzaren 27an eta 28an. Bigarren Hezkuntzako 80 ikasle inguru bilduko ditu, batez ere Akitania Berrikoak eta Euskadikoak. Bi jardunaldi trinkotan, parte hartzaileek itsas inguruneari aplikatutako soluzio teknologiko berritzaileak diseinatzen eta garatzen lan egingo dute, droneak eta uretako robotak eraikiz.

Akitania Berria-Euskadi-Nafarroa Euroeskualdeak batera finantzatutako proiektuaren barruan kokatzen da egitasmoa. Proiektu horren helburua da lurraldeen arteko lankidetza akademiko eta teknologikoa sustatzea, bai eta ikaskuntza aktiboko metodologiak bultzatzea ere, ingeniaritzaren arloko esperientziatik abiatuta. Ekimena URPEKARI taldeak antolatu du eta egoitza Bilboko Ingeniaritza Eskolan du.

Programaren barruan, Eskolako irakasleek emandako tailer praktikoak eta ikasleen arteko talde laneko dinamikak egongo dira. Maiatzaren 28ko jardunaldiari amaiera emateko sari banaketa (18:00) egingo da, eta bertan parte hartuko du Marie Hegui-Urainek, Euroeskualdeko Herritarren proiektuen arduradunak, Bilboko Ingeniaritza Eskolako zuzendaritzako ordezkariekin batera.

Ekitaldia ez da publiko orokorrarentzat irekita egongo, baina aldez aurretik gonbidapena eskuratu ahal izango da.

Aurrez ikusitako egitaraua:

• Maiatzak 27

10:00 Ikasleei harrera

11:00–13:00 Droneak fabrikatzeko tailerrak

13:00–14:30 Bazkaria

14:30–18:00 Tailerrak eta taldeko lana

• Maiatzak 28

10:00 Txapelketa

13:00–14:30 Bazkaria

14:30–18:00 Txapelketa

18:00-18:30 Sari banaketa. Plentziako alkate Aitor Garagarzaren eskutik.