Formula Student Bizkaia (FSB) Bilboko Ingeniaritza Eskolako hainbat Gradu zein Masterretako ikasleek osatutako irakaskuntza-proiektu bat da, irabazi-asmorik gabea, eta hiru irakasleek zuzendutakoa.

Proiektua erabat borondatezkoa da, bai ikasleentzat bai irakasleentzat, eta gaur egun ez dago unibertsitateko ikasketa-planetan txertatuta; beraz, prestakuntza osagarriko jarduera gisa garatzen da. Bere 10 urte baino gehiagoko historian, 400 ikasle baino gehiago prestatu dira proiektu honetan. Proiektuak izaera hezitzailea du, eta hiru helburu nagusi ditu:

• Ikasleak prestatzea, ingeniaritza-enpresa bateko errealitatetik ahalik eta hurbilen dagoen esperientzia eskainiz, eta zeharkako gaitasunen garapenean arreta jarriz.
• Ikasleen talentua, sormena eta ekintzailetza sustatzea.
• Ikasleen enplegagarritasuna erraztea, prestakuntza osagarri honen bidez eta EAEko enpresa-sarearekin harreman estua mantenduz.

Helburu horiek lortzeko, Formula Student Bizkaia proiektuak erronka motibatzaile bat proposatzen die ikasleei: Formula motako eserleku bakarreko lasterketa-auto bat diseinatu eta eraikitzea, nazioarteko Formula Student lehiaketetan parte hartzeko. Lehiaketa horiek Silverstoneko (Erresuma Batua) eta Barcelona-Catalunyako zirkuituetan egiten dira.

Proiektua Bilboko Ingeniaritza Eskolako ikasle guztiei irekita dago. Hala ere, parte-hartzaile gehienak honako gradu eta master hauetako ikasleak izan ohi dira:

• Graduak
  • Industria Teknologiaren Ingeniaritzako Gradua
  • Telekomunikazio Teknologien Ingeniaritzako Gradua
  • Antolakuntza Industrialeko Ingeniaritzako Gradua
  • Ingeniaritza Elektrikoko Gradua
  • Ingeniaritza Mekanikoko Gradua
  • Industria Elektronikaren eta Automatikaren Ingeniaritzako Gradua
  • Kudeaketako Informatika Ingeniaritzako eta Informazio Sistemetako Gradua
• Masterrak
  • Industria Ingeniaritzako Masterra
  • Telekomunikazio Ingeniaritzako Masterra
  • Ingeniaritza Mekanikoko Unibertsitate Masterra
  • Kontrol, Automatizazio eta Robotikako Ingeniaritzako Unibertsitate Masterra

Iraila

• Mugikortasunaren Europako Astea

Urria

• Design for Companies
• Petronor Ecorallya
• AICeko Ate Irekien Jardunaldia

Azaroa

• Driving Bilbao
• Zientzia Astea

Martxoa

• Bilboko Ingeniaritza Eskolako Ate Irekien Jardunaldia

Ekaina

• Gestamp Formula Student Day
• Formula Student Bizkaiaren Roll Out aurkezpena

Uztaila / Abuztua

• Formula Student UK
• Formula Student Spain