Deskribapena

Asteazkena, urriaren 15ean, 19.00ean, Donostiako Aquarium-ean, Estropada Akademikoaren bigarren edizioaren aurkezpen ekitaldia egingo da. Estropada honetan parte hartzen duten unibertsitateak honakoa dira: Euskal Herriko Unibertsitatea, Deusto Unibertsitatea, Mondragon Unibertsitatea eta Tecnum. Aurten, lehen aldiz, Pau et des Pays de l'Adour (UPPA) Unibertsitateak ere parte hartuko du. Bestalde, jardueran parte hartzen duten klubak hauek dira: Ur-Kirolak, Donostia-Arraun Lagunak, Hondarribia A.E., C.R.O. ORIO, Santiagotarrak eta Aviron Bayonnais. Estropada datorren igandean, urriaren 19ean, Urumea ibaian, izango da.

Ekitaldiaren programa honakoa da:

• 19.00etan. Aurkezpena. Arritxu Iribar kazetaria eta Eric Le Rat Pau et des Pays de l'Adour (UPPA) Unibertsitatearen Gorputz eta Kirol Jardueren Unibertsitate Zerbitzuko zuzendaria
• 19.05etan. Ongietorria. Vicente Zaragüeta Gipuzkoako Ozeanografia Fundazioaren presidentea
• 19.10etan. Agerraldiak.
  • Ana Arrieta UPV/EHUko Gipuzkoako Campuseko errektoreordea
  • José Javier Pardo Deusto Unibertsitateko Donostiako Campuseko errektoreordea
  • Iñigo Puente Tecnum-eko zuzendaria (Donostiako Ingeniari Goi-Eskola. Nafarroako Unibertsitatea)
  • Jon Altuna Mondragon Unibertsitateko errektoreorde akademikoa
  • David Bessieres, Pau et des Pays de l'Adour (UPPA) Unibertsitatearen Nazioarteko Harremanen errektoreordea
• 19.25etan. Estropada Akademikoari buruzko bideoa (Gorilla Productions)
• 19.35etan. Bigarren edizioaren aurkezpena. Manu González Estropada Akademikoaren zuzendaria
• 19.45etan. Amaiera. Juan Karlos Izagirre Donostiako alkatea
• 19.50etan. Sinadurak eta lunch-a