Deskribapena

Jauregian egingo dute maiatzaren 13an Vitoria-Gasteizko Enpleguaren XVII. Foroa, Empleo Gune. Ekimena Vitoria-Gasteizko Udalak, Arabako Foru Aldundiak, Euskal Herriko Unibertsitatearen (EHU) Arabako campusak eta Lanbide-Euskal Enplegu Zerbitzu Publikoak sustatu dute eta enpresa-sarearen eta gasteiztarren arteko topaketarako eta komunikaziorako gune gisa sendotu da.

Jardunaldiaren helburuak izango dira hauek: sektore ekonomiko ugarietako enplegu-aukerak eta etorkizuneko erronkak aztertzea, Araban hedatzeko bidean dauden enpresek behar dituzten profilak eta haien enplegu-eskaintzak hedatzea, eta gaitasunak hobetzera eta enplegua modu aktiboan bilatzen ari direnen informazioa zabaltzera bideratutako jarduerak eskaintzea.

Gasteizko Enplegu Foroan parte hartzen duten pertsonek 752 enplegu-aukera izango dituzte.

Informazioa eta izen-ematea

https://empleo-gune.org/2026/eu/index.php